Свет
Трамп се закани дека нема да го потпише новиот закон за економска помош

Американскиот претседател, Доналд Трамп, се закани дека нема да го потпише новиот закон за економска помош во висина од 892 милијарди долари, што вклучува обезбедување помош за индивидуални граѓани на Соединетите Американски Држави. Тој смета дека законот треба да се измени за да се зголеми износот на стимулации.
„Законот што сега планираат да го вратат на мојата маса е многу поинаков отколку што се очекуваше. Тоа е навистина срамота“, рече Трамп во видеопораката објавена на „Твитер“.
Тој побара од Конгресот да го зголеми износот на стимулации до 2.000 долари за физички лица и 4.000 долари за парови наместо смешно ниските 600 долари за поединци, како што е наведено во нацрт-законот, пренесува „Ројтерс“.
Трамп се пожали и на парите обезбедени за странски држави, институцијата „Смитсонијан“, која претставува група музеи и истражувачки центри под администрација на САД, како и за одгледување риби.
„Исто така, го замолувам Конгресот веднаш да се ослободи од расипничките и непотребни делови од овој закон и да ми испрати соодветен закон или идната администрација ќе мора да донесе пакет-мерки за помош од Ковид-19. А можеби таа администрација ќе биде моја“, рече Трамп, кој сè уште инсистира на победа на изборите во ноември.
Трамп, кој ќе се повлече од функцијата претседател на 20 јануари, кога новоизбраниот претседател Џо Бајден ќе биде инаугуриран, не го употреби зборот вето во своето обраќање.
Конгресот на САД во понеделникот вечерта донесе закон за економска помош во вредност од речиси 900 милијарди долари, што ќе им помогне на индивидуалните граѓани на САД, но и на приватните компании што беа погодени од пандемијата.
Предлог-законот може да се измени ако конгресните лидери сакаат да го сторат тоа. Ако не сакаат, Трамп останува да го потпише предлог-законот, да стави вето или да не прави ништо и да остави да стане закон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Договорот за минералите е прв резултат од мојата средба со Трамп во Ватикан

Украинскиот претседател, Володимир Зеленски, денеска го нарече историски договорот за минерали меѓу САД и Украина.
„Ова е првиот опиплив исход од средбата во Ватикан, што навистина го прави историски“, објави Зеленски, осврнувајќи се на разговорот со американскиот претседател, Доналд Трамп, на маргините на погребот на папата Франциско во саботата.
Договорот наскоро треба да биде ратификуван од украинскиот парламент.
Според договорот, Украина ќе обезбеди вредни природни ресурси за да може Вашингтон да продолжи да го поддржува Киев во одбраната на земјата од руската инвазија.
„Договорот значително се промени за време на подготвителниот процес. Сега станува збор за навистина еднакво партнерство, кое создава можности за значителни инвестиции во Украина и значајна модернизација на украинските индустрии и, што е подеднакво важно, нејзините правни практики“, рече Зеленски во неговото вечерно обраќање.
„Договорот не предвидува задолжување. Тој предвидува формирање фонд за реконструкција кој ќе инвестира во Украина и ќе генерира профит. Тоа значи дека ќе работиме заедно со Америка, врз основа на фер услови, обезбедувајќи Украина и САД, кои ни помагаат во одбраната, да заработат пари во ова партнерство“, рече Зеленски.
Договорот, како што додаде, е клучен и за напорите на Киев да ги поправи односите со Трамп и Белата куќа, кои се влошија откако тој ја презеде функцијата во јануари.
Свет
Експлозија во теретана во Виена, повредени пожарникари

ЕНеколку лица се повредени по експлозија, а потоа и пожар во теретана во Виена.
Се сомнева дека експлозијата се случила во сауната на теретаната.
Набргу по експлозијата избувнал пожар.
На местото на настанот брзо пристигнале пожарникарите и брзата помош. Пожарникарите успеале да влезат во салата, а недолго потоа дошло до експлозија. Притисокот од експлозијата оддалечил двајца пожарникари и тие потоа биле повредени.
Друга екипа на пожарникари успеала навреме да го запре пожарот.
Свет
(Видео) Турската полиција на нозе: приведени 384 лица по судирите на протестите

Турската полиција приведе 384 лица кои учествуваа на денешните првомајски собири по судирите со полицијата поради забраната за јавни собири на плоштадот Таксим, соопшти Кабинетот на гувернерот на Истанбул.
Демонстрантите се обидоа да маршираат кон централниот градски плоштад Таксим и беа блокирани и туркани од полицијата, што доведе до судири додека демонстрантите се обидоа да ги пробијат барикадите, објави Ројтерс.
people who carried out a labor day protest in Turkey are detained. Lawyers who come to defend people are not taken to courthouse. Lawyers in Turkey are not taken to the courthouse #ViolenceInTaksim pic.twitter.com/lVWUmGfTot
— T26 (@sendevletmis_26) May 1, 2025
На видеата се гледаат судири меѓу полицијата во антидемонстративна опрема и насобраниот народ.
Синдикатите и невладините организации повикаа на протести и марш во Истанбул, каде во последните недели имаше масовни демонстрации поради приведувањето на градоначалникот и главниот политички ривал на турскиот претседател Реџеп Таип Ердоган, Екрем Имамоглу.
Илјадници луѓе се собраа денеска во Анкара на главно мирни маршеви и демонстрации, а собири се одржаа и во други турски градови.