Европа
Трамп уапсен, па ослободен со кауција

Поранешниот американски претседател Доналд Трамп беше накратко уапсен во затвор во Атланта поради лобирање за изборите во 2020 година во американската држава Џорџија, но набргу беше ослободен со кауција. Доналд Трамп пристигна во затворот во Атланта за да се предаде како дел од широкиот криминален случај што произлегува од обидот на поранешниот американски претседател да го поништи неговиот изборен пораз во 2020 година во Џорџија, пренесуваат локалните медиуми.
Според написите, колоната автомобили приврзаници на Трамп пристигна во затворот 300-ина минути откако неговиот приватен авион слета на аеродромот Хартсфилд-Џексон во Атланта.
Посетата на поранешниот претседател и републикански фаворит за трката на претседателските избори во 2024 година во затворот во округот Фултон сепак беше кратка. Како и десет од единаесетте обвинети во овој случај, кои веќе се предале, Доналд Трамп е ослободен со кауција од 200.000 долари, пренесуваат медиумите.
Бизнисменот и политичар ќе им се придружи на листата на гангстерот Ал Капоне, пејачот Френк Синатра и други профили на Американци, кои се фотографирале во затвор.
„Сакаме да го ставиме на маица. Ќе се гледа во целиот свет. Сликата ќе биде попопуларна слика од Мона Лиза“, рече Лаура Лумер (30), републиканска поранешна кандидатка за Конгресот, која беше заедно со другите поддржувачи на Трамп надвор од затворот.
Пред него неколку од неговите 18 сообвинети престојуваа во оваа преполна и озлогласено нехигиенска установа, која последниве денови ја следеа медиумите во светот. Сите беа обвинети на 14 август за незаконски обид за поништување на резултатите од изборите во 2020 година, на кои победи актуелниот демократ Џо Бајден во клучната држава.
По кратка процедура во затворот во Фултон, Трамп набргу се врати во својот голф-клуб во Њу Џерси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.