Свет
Трамп ја одби поканата на Зеленски да ја посети Украина
![](https://makfax.com.mk/wp-content/uploads/2023/10/tramp3.jpg)
Поранешниот американски претседател Доналд Трамп ја одби поканата на украинскиот претседател Володимир Зеленски да ја посети Украина за да го види обемот на рускиот напад додавајќи дека го почитува Зеленски, но дека таквата посета во овој момент би била несоодветна.
„Имам голема почит кон претседателот Зеленски, но мислам дека би било несоодветно да одам во Украина во овој момент“, рече Трамп, пренесува „Њузмакс“.
Според него, администрацијата на американскиот претседател Џозеф Бајден моментно се занимава со Зеленски и не би сакала да создаде конфликт на интереси.
Зеленски го покани Трамп да ја посети Украина откако поранешниот американски претседател рече дека може да ја прекине руската војна против Украина во рок од 24 часа доколку победи на изборите в година.
Во интервју за Ен-би-си, Зеленски го доведе во прашање тврдењето на Трамп и го покани да ја посети Украина за да се увери во размерите на руската инвазија.
„Ако може да дојде овде, ќе ми требаат 24 минути – да, 24 минути, да му објаснам на претседателот Трамп дека не може да управува со оваа војна. Тој не може да донесе мир поради рускиот претседател Владимир Путин“, рече Зеленски.
Трамп во мај за Си-ен-ен тврдеше дека војната немаше да се случи доколку тој беше претседател кога почна руската инвазија во полн обем и дека би можел да го реши конфликтот за еден ден доколку биде реизбран.
„Ќе се сретнам со Путин. Ќе се сретнам со Зеленски. И двајцата имаат слабости и имаат силни страни. И во рок од 24 часа таа војна ќе биде решена“, рече Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.