Свет
Турист објави видео од Северна Кореја: „Пјонгјанг е како во деведесеттите“
![](https://makfax.com.mk/wp-content/uploads/2024/07/uytr.jpg)
Северна Кореја не е баш туристичка дестинација, таа е затворена за остатокот од светот и луѓето немаат поим како изгледа секојдневието таму – затоа одекна видеото што еден турист го објави на „Тик-ток“.
Тој го посети градот Пјонгјанг и сними луѓе како шетаат на улиците и во метро-станицата. Многумина во коментарите напишаа дека градот им изгледа како да е во деведесетите.
@skinnhandske People of Pyongyang, North Korea #northkorea #travel #traveltiktok #travelbucketlist ♬ Jacob and the Stone (Slowed) – Emile Mosseri & sped up + slowed
„Овој град изгледа многу мирно“, „Лудо е што не знаат што се случува надвор од ова“, „Не знаев дека можеш да снимаш овде“, напишаа луѓето под видеото, кое бргу собра 3,5 милиони прегледи.
@skinnhandske Suburbs of Pyongyang, North Korea #northkorea #travel #traveltiktok #travelbucketlist ♬ God‘s promise – daniel.mp3
На туристите им е потребна виза за да ја посетат Северна Кореја и мора да следат разни правила. На пример, може да фотографираат и да снимаат само кога тоа им е дозволено, не смее да го критикуваат режимот, а за сè што е спротивно на правилата мора да се консултираат со туристички водич, пренесува „Индекс.хр“.
Северна Кореја, со која владее врховниот лидер Ким Џонг-ун, има и бизарни закони, како што се забрана на жените да слушаат музика, да носат фармерки или да возат автомобили. Оние што не ги почитуваат може да бидат погубени, пишува „Тајмс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Единственото природно езеро на Сицилија на работ на исчезнување поради сушата
![](https://makfax.com.mk/wp-content/uploads/2024/07/ezero-sicilija.jpg)
Поради сушата што ја погоди Сицилија, единственото природно езеро на тој медитерански остров, прибежиште за птиците на патот меѓу Африка и Европа, речиси исчезна.
На Сицилија со месеци има недостиг од врнежи, поради што италијанската влада беше принудена да прогласи вонредна состојба таму.
Езерото Пергуза, дел од природниот резерват во близина на централниот сицилијански град Ене, драматично пресуши поради фаталната мешавина на високи температури и недостаток на дожд, соопштија научниците.
„Езерото веќе го нема. Делот од водата што беше видлив целосно исчезна, освен ова езерце“, изјави Џузепе Марија Амато од еколошката организација Легамбиенте, покажувајќи ја преостанатата вода.
Сицилија, остров со околу пет милиони жители, веќе подолго време се справува со високите температури предизвикани од климатските промени. Пред три години таму беше забележан европски рекорд од 48,8 степени, а некои градови воведуваат рестрикции за вода.
Во последниве години, сушите ги погодија и другите делови на Европа, како Франција и Шпанија. Особено загрозен е Медитеранот, каде просечната температура денес е за 1,5 степени повисока од пред 150 години.
„Езерото Пергуза е показател за тоа како Сицилија страда од климатските промени“, рече Амато, додавајќи дека лошото одржување и канализациониот систем ја влошуваат вонредната состојба.
Езерото обично е со големина од 1,8 квадратни километри и не истекуваат реки во него.
Свет
Земјотрес со јачина од 5,5 степени според Рихтеровата скала ја погоди областа на границата на Панама и Костарика
![](https://makfax.com.mk/wp-content/uploads/2023/08/zemjotres-1.jpg)
Земјотрес со јачина од 5,56 степени според Рихтеровата скала денеска ја погоди областа на границата меѓу Панама и Костарика, соопшти Германскиот истражувачки центар за геофизика (ГФЗ).
Според ГФЗ, земјотресот бил на длабочина од 10 километри, а пренесува „Ројтерс“.
Засега нема информации за повредени или материјална штета.
Свет
Макрон побара од Атал засега да остане на функцијата премиер на Франција
![](https://makfax.com.mk/wp-content/uploads/2023/10/677z381_makron-.jpg)
Францускиот претседател Емануел Макрон одлучи да го задржи својот премиер Габриел Атал на функцијата по парламентарните избори на кои политичкиот табор на владата ја загуби улогата на најсилната левичарска партија во парламентот.
„Претседателот побара од Габриел Атал засега да остане премиер за да се обезбеди стабилност на земјата“, се вели во соопштението од кабинетот на Макрон, пренесува Ројтерс.
Атал веќе во неделата најави дека ќе понуди оставка, која ја следи француската политичка традиција, но додаде дека е подготвен да остане на функцијата подолго како привремен премиер, но за тоа треба да одлучи претседателот.