Европа
Турскиот парламент одобри проширување на овластувањата на Ердоган

Пратениците на турскиот парламент ги поддржаа контроверзните уставни реформи кои предвидиваат проширување на овластувањата на претседателот Реџеп Тајип Ердоган.
Пратениците во неделата навечер го поддржаа и последниот, 18 Член на новиот устав по маратонска дебата што траеше речиси цела недела, пренесува агенцијата AFP.
Во среда треба да се оддржи и втор круг гласање во парламентот.
Медиумите наведуваат дека 344 пратеници гласале „за“, а 131 против.
Предложените промени на уставните амандмани треба да му овозможат на претседателот да биде главен носител на извршната валст, да именува влада, да предложува буџет и да прогласува вонредна состојба во државата.
Со измените ќе се зголеми и бројот на места во парламентот од 550 на 600, ќе се намали минималната старосна граница за пратеник од 25 на 18 години. Измените предвидуваат претседателсите и парламентарните избори да се одржуваат во ист ден.
Главните опозициски партии истакнуваат дека со ваквите измени му се дава преголема моќ во рацете на Ердоган.
Од друга страна, владата смета дека силен претседателски систем ќе ја намали нестабилноста во земјата, а премиерот Бинали Јилдирим рече дека постои голема потреба за уставни реформи, највеќе поради тероризмот.
Реформата на Ердоган ќе му овозможи да именува и менува министри во владата, да одлучува за раководството на владеачката партија и да владее до 2019 година, со максимално два петгодишни мандати. /крај/мф/вс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Чешката влада: Првпат во историјата не сме зависни од руската нафта

Чешка стана целосно независна од руската нафта првпат во својата историја, соопштија денеска владини претставници откога го зголемија капацитетот на Трансалпскиот гасовод (ТАЛ), кој носи нафта од запад.
Првите зголемени зрезерви стигнаа до централното складиште за нафта во Чешката Република преку гасовод, изјави премиерот Петр Фијала на денешната прес-конференција емитувана на чешката телевизија.
Чешката влада се обиде да стави крај на својата делумна зависност од нафтоводот „Дружба“, кој транспортира нафта од Русија речиси 60 години.
Кон крајот на минатата година чешкиот нафтовод МЕРО ја заврши надградбата по должината на ТАЛ, кој транспортира нафта од танкери во италијанскиот град Трст до Германија, каде што се поврзува со гасоводот ИКЛ до Чешка.
Надградбата на ТАЛ го зголеми капацитетот со кој располага Чешка на осум милиони тони годишно, што е доволно за годишните потреби на земјата.
Чешката компанија за преработка на нафта „Орлен унипетрол“ ја набавуваше половина од својата сурова нафта од Русија, а другата половина од ТАЛ.
Компанијата ги користи државните резерви за да ги одржи претходните нивоа на производство откога испораките на „Дружба“ беа прекинати во март, но се подготвува да ја користи исклучиво нафтата што ќе ја добие од ТАЛ по зголемувањето на капацитетот.
Европа
Русите го нападнаа Днепар со дронови: двајца загинати, меѓу повредените и деца

Русија синоќа изврши масовен напад со дрон врз градот Днепар во југоисточна Украина, при што загинаа две лица.
Серхиј Лисак, гувернер на регионот Дњепропетровск, извести дека загинале две жени, а во моментов се знае дека се повредени 16 лица. Меѓу повредените има три деца, девојче на само девет месеци и момчиња на возраст од шест и единаесет години. Пет лица во моментов се на болничко лекување.
🇷🇺 Slavyangrad on Telegram posted this picture of Dnepropetrovsk hit by Geranium-2 drones
🕊️ℹ️ IMO given the necessary time, Russia will seek to liberate Dnipropetrovsk, Zaporizhzhia, Kharkiv, Kherson, Mykolayiv and Odessa pic.twitter.com/LzKGcLGk9F
— 🇿🇦🇨🇺🇵🇸 White EFF Fighter (@lula_leftist) April 17, 2025
Покрај тоа, Лисак додаде дека нападите предизвикале неколку големи пожари кои оштетиле приватни домови и згради, како и образовна институција. Борис Филатов, градоначалникот на Днепар, додаде дека руските беспилотни летала го гаѓале и градското собрание.
Претходната ноќ, црноморскиот пристанишен град Одеса повторно беше мета на руски беспилотни летала, а за време на тој напад беа повредени три лица, а беа предизвикани и пожари, како и оштетувања на куќите и цивилната инфраструктура.
Европа
Русите ја нападнаа Одеса

Во напад на руски беспилотни летала врз пристанишниот град Одеса на Црното Море во текот на ноќта повредени се три лица, предизвикани се пожари и оштетени се домови и цивилна инфраструктура, соопштија утринава властите во јужниот украински регион.
„Непријателот повторно ја нападна Одеса со масовен напад со беспилотни летала“, рече Олех Кипер, гувернер на регионот, чиј административен центар е градот Одеса, на апликацијата за пораки „Телеграм“, но сè уште не е познат целосниот обем на нападот.
Украинските воздухопловни сили обично известуваат за детали за руските напади што траат во текот на ноќта подоцна утрото.
Во објава на „Телеграм“ службите за итни случаи на Украина објавија дека три лица се повредени и дека како резултат на нападот избувнале неколку пожари во градот.
Градоначалникот на Одеса, Генадиј Труханов, објави фотографија на која се урнати станбени згради и други објекти, а на друга работниците за итна помош бараат низ урнатините, а куче ѕирка зад куп дрва.
„Ројтерс“ не можеше независно да ги потврди извештаите. Двете страни негираат дека целеле цивили во војната што Русија ја почна со сеопфатната инвазија на Украина пред повеќе од три години.
Кон крајот на март САД соопштија дека постигнале посебни договори со Украина и Русија за запирање на нападите над Црното Море и едни со други енергетски цели.
Двете страни постојано меѓусебно се обвинуваат за кршење на мораториумот.