Свет
Турција ќе гради уште две нуклеарни централи на своја територија, преговара со Русија, Кина и Јужна Кореја

Турција сака да изгради уште две нуклеарни централи на своја територија, а за овие проекти преговара со Русија, Кина и со Јужна Кореја.
Ова го изјави турскиот министер за енергетика, Алпарслан Бајрактар.
Анкара планира да има една нуклеарна централа во провинцијата Синоп, а другата во Тракија, пренесува ТАСС.
„До 2050 година Турција ќе произведува повеќе од 20.000 мегавати нуклеарна енергија, што е речиси четирипати повеќе од производството на нуклеарната централа ‘Акуџу’“, рече Бајрактар.
Тој прецизира дека некои нуклеарни централи ќе бидат големи – како оние во Синоп и Тракија, а Анкара ќе добива енергија и од мали модуларни реактори.
„Во однос на реакторите, тесно соработуваме со Велика Британија и САД“, рече Бајрактар.
Истовремено, турскиот министер ја пофали тековната работа на изградбата на нуклеарната централа „Акуџу“, која Русија ја гради на територијата на Турција.
„’Акуџу’ е најголемото нуклеарно градилиште во светот, со четири реактори, кои се градат во исто време. Од оваа електрана ќе почнеме да произведуваме енергија в година“, заклучи Бајрактар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Се запали моторот на авион пред полетување во САД, евакуирани речиси 300 луѓе

Патниците биле принудени да го напуштат авионот на Делта откако се запалил мотор додека авионот бил паркиран на асфалтот на меѓународниот аеродром Орландо во Флорида, јавува Би-би-си. На снимките објавени на социјалните мрежи се гледа чад и пламен кои доаѓаат од десниот мотор и патниците кои излегуваат од авионот на надуени тобогани за евакуација.
Летот 1213 на Делта требаше да тргне од Орландо, познат по Дизни Ворлд, за Атланта, со речиси 300 луѓе во авионот. Нема извештаи за повредени. „Патниците се евакуирани. Спасувачките и противпожарните екипи брзо реагираа“, објави аеродромот на социјалните мрежи.
Делта во изјава за Си-би-ес Њуз соопшти дека авионот бил Ербас А330 со 282 патници, 10 членови на кабинскиот екипаж и двајца пилоти во авионот. Компанијата соопшти дека членовите на екипажот ја евакуирале кабината откако бил забележан пламен на еден од двата главни мотори.
Свет
Ограбена американската министерка за домашна безбедност: украдени се пари, документи, клучеви…

Американската секретарка за домашна безбедност Кристи Ноем остана без чантата откако непознато лице ја ограбило додека вечерала во ресторан во центарот на Вашингтон, потврди Ноем, пишува Си-ен-ен. На прашањето за кражбата за време на традиционалниот велигденски настан во Белата куќа, Ноем призна дека инцидентот се случил и рече дека случајот се уште не е решен.
Тајната служба, која ја обезбедува министерката, ги прегледала снимките од надзорните камери од ресторанот Капитал Бургер. На нив се гледа како белец носи медицинска маска како ја зема нејзината чанта и го напушта ресторанот, изјави извор од обезбедувањето.
Крадецот побегнал со министерска возачка дозвола, лекови, клучеви од стан, пасош, лична карта од Министерството за внатрешна безбедност, чанта со козметика, бланко чекови и приближно 3.000 долари во кеш. Тајната служба покрена истрага за да утврди дали некој се обидел да ги искористи нејзините финансиски документи, додаде истиот извор.
„Целото нејзино семејство беше во Вашингтон, вклучително и нејзините деца и внуци. Парите што ги повлече беа наменети за вечера, излети и велигденски подароци за семејството“, изјави портпаролката на Одделот за домашна безбедност.
Безбедносните експерти предупредија дека инцидент како овој, во кој крадец успеал толку да се доближи до член на владата и да избега со нејзините лични работи, може да укаже на сериозен безбедносен пропуст.
„Ова е сериозно нарушување на безбедноста што може да има далекусежни последици и бара итна и темелна истрага од страна на Тајната служба, Одделот за домашна безбедност и други безбедносни агенции“, рече Џонатан Вакроу, висок безбедносен аналитичар на Си-ен-ен и поранешен агент на Тајната служба.
„Доколку е потребно, Тајната служба ќе мора да го промени начинот на кој го организира обезбедувањето на вакви приватни настани“, изјави Вакроу за Кејтлан Колинс на Си-ен-ен. Тој додаде дека Кристи Ноем „и понатаму е изложена на зголемен ризик од насочени закани, и странски и домашни, а нејзината јавна функција сама по себе ја прави цел“.
Свет
(Фото/Видео) Најпознатите градби во светот блескаат за папата Франциско

Откако вчера беше објавена веста за смртта на папата Франциско, бројни светски метрополи и верски заедници му оддадоа почит со симболични гестови и собири.
Во Париз вчера вечерта беше исклучена Ајфеловата кула како силен знак на жалост и почит кон починатиот понтиф. Гестот, кој го најави градоначалничката Ана Идалго, беше дел од серијата официјални и верски почести организирани во текот на денот во француската престолнина.
Исто така, беше посочено дека ќе се предложи плоштад во Париз да го носи името на папата Франциско по примерот на плоштадот Јован Павле Втори од 2006 година.
Os sinos da catedral de Notre-Dame, em Paris, tocando 88 vezes em homenagem ao Papa Francisco, que faleceu aos 88 anos. De arrepiar. pic.twitter.com/tQnYhKwFXR
— Sérgio Santos (@ZAMENZA) April 21, 2025
Во исто време, камбаните на катедралата Нотр Дам во Париз заѕвонија 88 пати, колку што имаше години папата Франциско, по што следеше специјален концерт со ѕвона, вечерна миса и молитвено бдение. Верниците запалија свеќи и оставаа пораки пред неговата фотографија, оддавајќи му почит и сеќавајќи се на неговото наследство на мир, солидарност и грижа за најсиромашните.
Слични сцени беа снимени и во Рим, каде низ градот одекнуваа црковни ѕвона, а националните знамиња на официјалните згради беа спуштени на половина копје. Стотици верници се собраа на плоштадот Свети Петар, каде со тишина и молитва му оддадоа почит на починатиот папа. Во Италија, папата Франциско е препознаен како симбол на надеж и сочувство, а неговата смрт во понеделникот на Велигден дополнително ги погоди верниците и граѓаните.
Знамињата беа спуштени на половина копје и на врвот на Сиднејскиот Харбор мост во Австралија по смртта на папата Франциско.
Вчера од 22 часот до 2 часот по полноќ, во спомен на папата Франциско, зградата Емпајер Стејт во Њујорк беше осветлена во златна и бела боја.
Верските заедници ширум Европа, вклучително и Шпанија, организираа специјални миси и бдеење, додека политичките лидери и претставниците на другите религии од целиот свет испратија изрази на сочувство и ја истакнаа важноста на посветеноста на папата за мир, дијалог и социјална правда.