Свет
Убиени ќерките и сопругата на познат британски коментатор: Во тек е потера, се претпоставува дека напаѓачот е вооружен со самострел
![](https://makfax.com.mk/wp-content/uploads/2024/07/fdgdfgd.jpg)
Трите жени кои беа убиени во близина на Ватфорд, северозападен Лондон, се Керол Хант, сопруга на радио-коментаторот на BBC Џон Хант, и нивните две ќерки.
Жртвите се на возраст од 25, 28 и 61 година, а се претпоставува дека нападот е извршен со самострел, а можеби и со друго оружје, соопшти полицијата, пренесе Би-би-си.
Полицијата во вторникот нешто пред 19 часот добила повик од населбата Буши, но осомничениот Кајл Клифорд (26) не е приведен и по него потрагата е во тек.
Во потерата се вклучени специјализирани екипи и вооружени полицајци. Јавноста е предупредена да не му приоѓа на осомничениот, кој се уште го има самострелот.
Клифорд накратко служел во британската армија, но ја напуштил во 2022 година и засега не се познати мотивите за нападот и неговата можна поврзаност со жртвите.
Полицијата на прес-конференција соопшти дека во потрага по осомничениот на северот на британската престолнина се распоредени обемни полициски ресурси.
Британските медиуми објавија дека Хант, главниот коментатор на Би-Би-Си за трки со коњи, ги пронашол телата во вторникот вечерта кога се вратил дома од известување на тркачката патека Лингфилд Парк, јужно од Лондон.
Три жени во вторникот вечерта биле пронајдени тешко ранети во куќата, а од полицијата велат дека тие и Брзата помош се обиделе да ги спасат, но на местото на нападот набрзо била констатирана смрт.
„Ова е неверојатно тежок инцидент за семејството на жртвите и би побарале да се почитува нивната приватност. Додека сè уште сме во раните фази на оваа истрага, активно го бараме Кајл Клифорд за кој веруваме дека може да се наоѓа во областите Хертфордшир или северен Лондон“, рече детективот началник Роб Хол, од Одделението за главен криминал во Бедфордшир, Кембриџшир и Хертфордшир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Од строго чуван затвор во Португалија побегнаа петмина затвореници
![](https://makfax.com.mk/wp-content/uploads/2023/07/R.jpg)
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.