Свет
Украина отвори кривична истрага за рускиот патнички воз кој го премина кримскиот мост

Кримското Обвинителство, ентитет во рамките на украинското Јавно обвинителство, отвори кривична истрага во врска со првиот патнички воз од Санкт Петербург до Севастопол, кој помина низ теснината Керч преку кримскиот мост и пристигна на Крим, информира Обвинителството на својот канал на „Телеграм“.
„Обвинителството на Автономната Република Крим отвори кривично дело во врска со нелегалното преминување на државната граница на Украина со патнички воз од Санкт Петербург до Симферопол (град во Крим, станица на патот кон Севастопол) преку мостот Керч“, се вели во пораката.
Канцеларијата на обвинителот го осуди пуштањето на руската железничка служба преку кримскиот мост како незаконско.
„Ваквите активности на окупаторската држава се очигледно кршење на државниот суверенитет и територијалниот интегритет на Украина и покажување непочитување на заедничките принципи и норми на меѓународното право“, изјави украинското Обвинителство.
Во понеделникот рускиот претседател Владимир Путин ја отвори железничката пруга на мостот преку теснината Керч, а украинското МНР испрати протестна нота до Русија поради ова. По државниот удар во Украина во февруари 2014 година, властите во Крим и Севастопол одржаа референдум, на кој 96,7 отсто од жителите на Крим и 95,6 отстои од гласачите на Севастопол избраа да се отцепат од Украина и да ѝ се приклучат на Русија. Осумдесет отсто од гласачкото тело учествуваше на референдумот.
Рускиот претседател го потпиша договорот за повторно обединување на 18 март 2014 година, а Советот на Федерацијата (горниот дом на рускиот парламент) го ратификува на 21 март. И покрај резултатите од референдумот, Киев, заедно со повеќе претежно западни земји, одби да го признае Крим како дел од Русија.
Во 2014 година ЕУ воведе санкции против Русија поради настаните во Украина и Крим и постојано ги проширува и продолжува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.