Свет
Украина: Ја разнесевме руската база на Крим, Русите го кријат бројот на загинати
Кирило Буданов, шеф на украинската воена разузнавачка служба, објави дека синоќешната експлозија на складиште за муниција во руска воена база на окупираниот Крим е операција на украинските специјални сили.
„Успешно спроведовме операција на окупираниот Крим. Непријателот ги крие обемот на штетата и бројот на жртвите“, објави Буданов на својот канал на „Телеграм“.
July 19th, multiple secondary explosions at the Starokrymsky training ground in Crimea, which has been used, among other things, to train the 56th Guards Air Assault Regiment of the Russian army. pic.twitter.com/oj1CgZt1io
— Mark Krutov (@kromark) July 19, 2023
Сергеј Аксјонов, гувернерот на Крим, кој беше поставен од Москва, претходно на „Телеграм“ напиша дека е планирана привремена евакуација на околу две илјади луѓе од областа Кировски на анектираниот полуостров. Причина за евакуацијата е пожар, кој избувнал на воените полигони, јавува руската државна новинска агенција „Тасс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Руски беспилотни летала гаѓаа украинска енергетска инфраструктура, делови од земјата без електрична енергија
Руски беспилотни летала погодија електрани рано утринава, прекинувајќи ја струјата во некои делови од областа Суми во северна Украина, соопштија властите.
Во објава на комуникациската платформа Телеграм, регионалните власти соопштија дека беспилотните летала ги погодиле градовите Шостка и Конотоп, североисточно од Киев и во близина на границата со Русија. Воздухопловните сили на Украина соборија седум беспилотни летала користени во нападот, соопштија регионалните власти.
Украинската војска соопшти дека соборила 24 беспилотни летала лансирани од Русија во напад во текот на ноќта врз пет други региони на југот и на истокот на земјата.
Службите за итни случаи работат на враќање на струјата во три окрузи.
Пред нешто повеќе од една недела, руските сили ја преминаа границата и почнаа да навлегуваат во североисточниот регион Харков, а властите предупредија на трупање војници и можен напад врз соседниот регион Суми.
Европа
Норвешка ја призна палестинската држава
Владата на Норвешка денеска соопшти дека нордиската земја признава независна палестинска држава.
Норвешкиот премиер Јонас Гар Стор денеска изјави дека скандинавската земја донела одлука официјално да ја признае Палестина како држава.
Одлуката стапува на сила на 28 мај, објави АП.
„Не може да има мир на Блискиот Исток доколку не дојде до признавање“, рече норвешкиот премиер, додавајќи дека „Палестина има основно право на независна држава“.
Неколку земји од Европската унија во последните недели дадоа индикации дека планираат да ја признаат Палестина, бидејќи сметаат дека решението со две држави е клучно за траен мир во тој регион.
Норвешка, која не е членка на Европската унија, но најмногу ги следи одлуките на Брисел, долго време го поддржува решението со две држави, Израел и Палестина.
Свет
Три земји денеска ќе го објават официјалното признавање на државата Палестина
Три земји денеска, како што е најавено, ќе го објават признавањето на палестинската држава, пренесува Гардијан.
Ирска, Шпанија и Норвешка се очекува да ги објават плановите за формално признавање на палестинската држава поради израелските предупредувања дека признавањето „ќе го поттикне екстремизмот и нестабилноста“.
Тројцата лидери на ирската влада – премиерот Сајмон Харис, вицепремиерот Мајкл Мартин и министерот Имон Рајан, претпладнево треба да одржат прес-конференција. Тие претходно посочија дека владата ќе направи чекор кон признавање на палестинската државност до крајот на мај.
Националната јавна радиодифузија РТЕ и Ирш Тајмс објавија дека се очекува одлуката да биде објавена на прес-конференција.
„Гардијан“ пишува дека и шпанскиот премиер Педро Санчез денеска ќе открие датум за формално признавање, откако минатата недела ја објави својата намера да го стори тоа.
Санчез беше еден од најискрените европски лидери кога се работеше за критикување на израелската офанзива во Газа.
Норвешкиот јавен сервис и дневниот весник Афтенпостен во меѓувреме објавија, повикувајќи се на неименувани извори, дека владата денеска ќе објави дека нордиската земја признава независна палестинска држава.