Свет
Украинскиот генералштаб: „Руските трупи нападнаа во неколку правци без успех, ги одбивме кај Бахмут“

Руските сили во Украина извршиле напади во повеќе правци, а во изминатите 24 часа имало 64 судири, соопшти утрово Генералштабот на вооружените сили на Украина.
Украинските сили одбија единаесет руски напади во правец на Бахмут и продолжија со офанзивните операции јужно од тој град, пренесува „Унијан“.
Руските војници, со поддршка на авијацијата, не се откажуваат од обидите да ја опколат Авдиивка, но украинските војници ја држат линијата на одбраната, се наведува во соопштението.
Се додава дека украинските сили ги одбиле руските напади во правец на Купјанск, Маринка, Шахтјорск и на Запорожје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Иран: Одмаздата против Израел почна

Иран потврди дека почнал да се одмаздува против Израел, јавува државната новинска агенција ИРНА.
Иран истрела стотици различни балистички ракети кон Израел, што Техеран го опишува како почеток на својата разорна одмазда за израелските напади.
„Пред неколку моменти, со лансирање на стотици различни балистички ракети кон окупираните територии, започна операцијата на решителен одговор на варварскиот напад на ционистичкиот режим“, објави официјалната иранска новинска агенција ИРНА.
Како што јави Хаарец, израелската армија најави дека ќе се огласат сирени за воздушен напад низ целата земја и ги повика граѓаните веднаш да одат во засолништата. Тие додаваат дека повеќе од 100 ракети биле лансирани од Иран, а сирените се огласиле низ Израел.
Главниот дописник на Гардијан за Блискиот Исток, Ема Греам-Харисон, известува од Тел Авив дека над градот се слушаат бројни пресретнувања на ракети. Eксплозии одекнаа во Ерусалим, јавува „Си-ен-ен“.
Огромни облаци од чад се издигнуваат над Тел Авив, видливи над облакодерите во центарот на градот.
Чадот е толку густ што целосно се надвива над високите згради околу него.
Засега не е јасно дали се работи за последици од ракетни удари или пресретнување на проектили.
Свет
Израел до Иран: Ако ги нападнете нашите градови, ќе возвратиме на рафинериите и лидерите на режимот

Израел му порача на Иран дека, во случај на напад на балистичка ракета врз израелски населби и цивилни цели, ќе одговори со гаѓање на иранските рафинерии и лидерите на режимот.
Како што изјави за „Канал 12“ висок израелски безбедносен функционер, Израел јасно му ставил до знаење на Техеран дека нема да толерира напади врз цивили и дека во тој случај цели ќе бидат стратешката инфраструктура и политичкото раководство на Иран.
Свет
Ројтерс: Луѓето на Трамп го предупредија Катар и неговите сојузници неколку часа пред израелскиот напад

Американскиот Стејт департмент однапред информирал неколку регионални сојузници на Блискиот Исток за планираниот израелски напад врз Иран, неколку часа пред почетокот на операцијата, тврдат тројца извори запознаени со ситуацијата, пренесува Ројтерс.
Во дипломатската нота испратена во четвртокот попладне, Стејт департментот потврдил дека израелскиот напад ќе се случи доцна во ноќта. Катар бил меѓу земјите кои го добиле предупредувањето.
Во пораката се наведува дека Вашингтон не учествувал во израелската операција ниту дал каква било поддршка. Се истакнува и дека претседателот Доналд Трамп јасно ја изразил својата желба за мир во регионот, но и цврстиот став дека на Техеран не смее да му се дозволи да развива нуклеарно оружје.
За потсетување, Израел започна бран воздушни напади низ Иран ноќта меѓу четвртокот кон петокот, тврдејќи дека погодил нуклеарни локации, ракетни фабрики и високи воени команданти, што може да биде долготрајна операција чија цел е да се спречи Иран да развие атомска бомба.
Стејт департментот не одговори веднаш на барањето за коментар.