Свет
Украинските партизани: Го убивме рускиот лидер во Херсон
![](https://makfax.com.mk/wp-content/uploads/2023/03/7c26ab6a-6e9f-4907-adc0-9966799c44c8.jpg)
Украинската партизанска група „Атеш“ тврди дека го убила заменик-шефот на проруската воена администрација на окупираниот град Нова Каховка во јужниот регион Херсон. Во објава на својот канал на „Телеграм“ партизаните тврдат дека ја активирале бомбата синоќа, нешто по полноќ, и го убиле службеникот додека се приближувал кон својот автомобил на авенијата Победа.
Во нападот нема повредени цивили, соопшти партизанската група. Овие тврдења не се независно потврдени.
„Атеш“ е група партизани и саботери што спроведуваат акции во окупираните делови на Украина. Во неговата работа учествуваат Украинци, Кримски Татари и Руси, а работи од септември минатата година.
Групата претходно ја презеде одговорноста за серија напади од висок профил врз силите во окупираните делови на Украина вклучувајќи го и нападот со автомобил бомба на 10 февруари во Новаја Кахивка, во кој загинаа двајца руски војници, а двајца беа повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Русија тврди дека уништила украински МиГ-29 на аеродромот Долгинцево
![](https://makfax.com.mk/wp-content/uploads/2024/07/gfd-1.jpg)
Министерството за одбрана на Русија денеска соопшти дека на аеродромот Долгинцево во областа Дњепропетровск е уништен украински борбен авион МиГ-29.
„Рускиот „Искандер“ изврши ракетен напад врз паркингот за авиони на аеродромот Долгинцево, уништени се борбените авиони МиГ-29 на вооружените сили на Украина, авионското оружје и авијациско-инженерските возила“, соопшти Министерството, пренесе Тас.
Министерството објави и снимка од уништувањето на авионот.
Регион
Туристите и граѓаните на Грција добија итни СМС предупредувања: Се приближува силно невреме, град и грмежи
![](https://makfax.com.mk/wp-content/uploads/2024/07/fds-2.jpg)
Граѓаните и туристите во Солун, Лариса и други области на северна Грција добија предупредување во форма на итна СМС порака поради невремето кое се очекува во текот на денот.
Во пораката се наведува дека од раните утрински часови до пладне се очекува лошо време, како град и грмотевици, пренесува Катимерини.
„Избегнувајте преминување на порои и потоци, пеш или со возило, при невреме и врнежи, работа и активности на отворено. Треба да избегнувате да поминувате под големи дрвја и поставени знаци. Не држете ги вклучените електрични уреди или телефони, бидејќи молњата може да помине низ жиците. Избегнувајте допирање на водоводни цевки (кујна, бања), бидејќи тие се спроводници на струја“, се наведува во предупредувањето.
Исто така, се додава дека ако некој е на отворено за време на невреме, советот е да се држи подалеку од метални предмети, како што се автомобили, велосипеди или опрема за кампување и дека ако некој е во морето, веднаш да излезе.
Свет
(Видео) Ураганот Берил уништува се пред себе: Јамајка е погодена од ветрови со брзина од 215 километри на час, следен е Мексико
![](https://makfax.com.mk/wp-content/uploads/2024/07/gfdg.jpg)
Силниот ураган Берил ја погоди Јамајка со силни ветришта и дожд, оштетувајќи згради и корнејќи дрвја на карипскиот остров, јавува Би-би-си.
Според Си-Ен-Ен, една жена загинала на Јамајка откако дрво паднало врз нејзината куќа.
Берил, бура од четврта категорија со ветрови до 215 километри на час, го погоди јужниот брег на Јамајка.
Hurricane Beryl’s impact is being felt across most of the island as rain and wind have started to intensify within the last thirty minutes.#HurricaneBeryl #ObservingBeryl #Beryl #JamaicaObserver #AlwaysAhead pic.twitter.com/dmztpZPCoF
— Jamaica Observer (@JamaicaObserver) July 3, 2024
Фотографиите на социјалните мрежи покажуваат поплавени улици и разнесени покриви.
Ураганот, пред да падне на копното на Јамајка, уби најмалку седум лица – три во Венецуела, тројца во Гренада и еден во Сент Винсент и Гренадини.
Откако ја погоди Јамајка, Берил ослабе и се упати кон Мексико.