Свет
Украински беспилотни чамци нападнале руски брод во Црното Море
Руското Министерство за одбрана во средата објави видео за кое тврди дека го прикажува уништување на украински брод без екипаж (USV) кој се обидува да го нападне разузнавачкиот брод „Иван Курс“ од класата „проект 18280 Јуриј Иванов“ во Црното Море, на околу 90 милји североисточно од Босфор во Турција, пренесува „Ал Арабија“.
Видеото, објавено од официјалниот медиум на Министерството за одбрана, „Звездањуз“, ги прикажува последните секунди од, како што се вели, три украински УСВ кои се приближуваат кон „Иван Курс“, пред да бидат уништени.
Russian Defense Ministry announced that Ukraine attempted to attack the Ivan Khurs signals intelligence ship of the Russian Navy with 3 unmanned surface vessels (USVs) in the Black Sea this morning.
Moscow released footage allegedly showing the destruction of one of the USVs. pic.twitter.com/YfS7xWSGWw
— Status-6 (@Archer83Able) May 24, 2023
„Иван Курс“ е дел од руската Црноморска флота и ја обезбедува работата на гасоводите „Турски тек“ и „Син тек“ во ексклузивната економска зона на Турција.
И покрај руските тврдења, не е утврдено дали станува збор за украински или руски УСВ зашто беспилотниот чамец прикажан во видеото на руското Министерство за одбрана е многу слично – но со забележителни разлики во формата на трупот – со оние што Украина ги користеше во претходните напади на Црноморската флота кај Севастопол на Крим во септември.
Во тоа време беа објавени фотографии од безпилотните пловила од страна на украинската влада кои прикажаа невпечатливи чамци со џет-ски мотор и опремени како „самоубиствен дрон“ за детонација при удар.
Киев ги објави фотографиите како дел од напорите за собирање средства за такви чамци, кои чинат повеќе од 250.000 долари.
Инцидентот се чини дека ќе ги зголеми тензиите во Црното Море, каде Русија се согласи минатата недела, еден ден пред самонаметнатиот краен рок, да го продолжи договорот со кој Украина може безбедно да извезува жито од своите црноморски пристаништа.
Киев не го коментираше инцидентот
Руското министерство го посочи нападот како оправдување за Русија да ги прошири мерките за одбрана на своите гасоводи иако не беа споменати какви било импликации за безбедноста на бродовите со жито.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Свет
Судир меѓу полицијата и пропалестинските демонстранти во Лос Анџелес: полицајците фрлија шок бомби, упаднаа во камп пред универзитетот
Полицијата ги отстрани барикадите и почна да го демонтира кампот на пропалестински демонстранти во кампусот на Универзитетот во Калифорнија, Лос Анџелес (UCLA), откако стотици не ги послушаа наредбите да си заминат.
Полициската акција следеше 24 часа по конфликтот во кампусот кој започна со напад на група про-израелски демонстранти врз пропалестинскиот камп, пренесе Гласот на Америка. Полицијата денеска приведе мала група демонстранти во кампусот. Акцијата дојде откако полицајците со часови се закануваа со апсење преку звучници доколку луѓето не се разотидат.
Додека полициските хеликоптери лебдеа над нив, звукот на шок-бомбите, кои произведуваат силни светла и гласни звуци за да ги дезориентираат и зашеметуваат луѓето, пробиваше низ воздухот. Демонстрантите скандираа „каде бевте синоќа?“ додека се приближуваа полицајците.
Полицајците носеа шлемови, заштитни елеци и палки, а дел од демонстрантите носеа гас-маски, додека други извикуваа „сакате мир, ние сакаме правда“. Полицијата ги отстрани барикадите на кампот од иверица, пелети, метални огради и корпи за отпадоци за да стигне до десетиците шатори на демонстрантите. Полицијата почна да урива и настрешниците и шаторите.
Демонстрантите држеа чадори како штит додека се соочија со десетици полицајци. Протестот во UCLA е еден од многуте пропалестински демонстрации во колеџските кампуси низ целата земја што резултираа со стотици апсења. Полицијата во Њу Хемпшир ги уапси демонстрантите и ги отстрани шаторите доцна синоќа и рано утринава во колеџот Дартмут.
На Универзитетот во Тексас во Далас, полицијата расчисти пропалестински камп откако уапси најмалку 17 лица.
Вчера во Њујорк, полицијата уапси најмалку 15 лица на Универзитетот Фордам додека ги растера учесниците во пропалестинскиот протестен камп. На Универзитетот во Минесота, организаторите на протестот доцна синоќа рекоа дека нивното седење ќе продолжи откако претходно во текот на денот разговараа со в.д. од претседателот на универзитетот Џеф Етингер.
Универзитетот Колумбија вчера објави дека сите преостанати академски активности за претстојниот семестар ќе се одржат од далечина по протестите кои вклучија окупација на зграда на кампусот. Во вторникот вечерта полицијата ги растера демонстрантите и уапси речиси 300 луѓе.
Свет
(Видео) Ново невреме во Дубаи: патиштата се поплавени, жителите исплашени
Обединетите Арапски Емирати повторно се под удар на големо количество дожд, кој од 3 часот утринава паѓа во Дубаи.
Иако засега ситуацијата е под контрола и нема индиции дека ситуацијата од пред неколку дена ќе се повтори, жителите се исплашени.
#Watch | Early on Thursday, the United Arab Emirates, still recovering from severe flooding in April, was struck by heavy rain and thunderstorms in Abu Dhabi and Dubai, leading to disrupted travel. #DubaiRains #Rains #UAE #Thunderstorms #Weather #WorldNews #News pic.twitter.com/1Pmdhj7NAn
— Mid Day (@mid_day) May 2, 2024
Невремето се очекува да трае до петок. Учениците не одат на училиште, а и на компаниите им се препорачува да работат од дома.
Неколку летови беа пренасочени од аеродромот, а во четвртокот поради невремето повторно беа поплавени многу патишта во градот.
Just Days After Record-Breaking Rains, UAE & Dubai Another Flood#Dubai #RainInDubai #FloodInDubai #UAE #HeavyRainfallInDubai pic.twitter.com/aGHM8DbILB
— Business Today (@business_today) May 2, 2024
На видео од социјалната мрежа Икс, поранешен Твитер, може да се види дека дождот постојано врне, но со многу помал интензитет отколку што беше претходно.