Свет
Украинците подготвуваат трик, ќе удрат таму каде што Русите најмногу се плашат: „Сите војни се засноваат на измама“
Во својата книга „Уметноста на војната“, кинескиот воен стратег Сун Цу ја истакнува важноста да се измами непријателот: „Сите војни се засноваат на измама. Затоа, кога сме способни да нападнеме, мора да изгледаме неспособни; кога ги користиме нашите сили, мора да изгледаме неактивни; кога сме блиску, мора да го натераме непријателот да верува дека сме далеку; кога сме далеку, мора да го натераме да верува дека сме блиску“.
И токму тоа се обидува да го направи Украина во пресрет на контраофанзивата, која подоцна може да се смета за пресвртница на оваа војна, пишува „Политико“.
Сега сме во клучна фаза на измама, слично како во 1943 година, кога Британците ја започнаа операцијата Mincemeat за да ја збунат Германија околу локацијата на нападот на сојузниците во јужна Европа. Или слично како во 1944 година, кога западните сојузници користеа тенкови направени од иверица и платно за да ја започнат операцијата Телохранител – елаборирана кампања за дезинформации која вклучува двојни агенти и радио сообраќај за да го прикријат местото каде што сакале да слетаат во окупирана Франција. И двете операции биле успешни, пишува „Политико“.
Слично, денес, пред долгоочекуваната контраофанзива за која западните аналитичари велат дека најверојатно ќе започне за само неколку недели – веројатно средината на мај, ако земјата е доволно сува, или можеби почетокот на јуни – Украина испраќа многу лажни сигнали за збунетост на Русија за датумот и локациите за напад на истокот на земјата, долж линијата на фронтот во облик на полумесечина што сега се протега на стотици километри.
Се чини дека Русија најмногу се плаши од продор на југот, без сомнение, загрижена дека успехот таму навистина ќе и овозможи на Украина да го нападне Крим набргу потоа – нешто што бурно го заговараа пензионираните американски генерали Бен Хоџис и Дејвид Петреус. Хоџис изјави за „Политико“ дека верува дека Крим е клучот за завршување на војната со колосален руски воен пораз.
А пишувајќи за „Дејли Телеграф“, тој неодамна истакна дека „украинските сили треба да бидат поддржани ова лето во нивниот обид да го вратат Крим, што би довело до целосен колапс на руската кампања“. Сепак, Пентагон се сомнева во способноста на Украина воено да го врати полуостровот, сугерирајќи дека тоа би било претерано. Така мисли и началникот на Здружениот генералштаб на вооружените сили на САД, Марк Мили.
Многу аналитичари се сомневаа во мудроста да се задржи уништениот град на линијата на фронтот во услови на немилосрдни напади, но Зеленски тврдеше дека е подобро „да се направи најголема можна штета на окупаторот“, односно да се убие што е можно повеќе Руси, исцрпувајќи ги за претстојната контраофанзива, каде и да е тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Свет
Путин го осуди атентатот на премиерот на Словачка: Пренесете му ги зборовите на најискрената поддршка и желби за брзо и целосно закрепнување
Претседателот на Русија, Владимир Путин, испрати телеграма до претседателката на Словачка и го осуди атентатот на премиерот на Словачка, Роберт Фицo.
Атентатот врз словачкиот премиер Роберт Фицо нема оправдување, тоа е грозоморно злосторство, изјави рускиот претседател Владимир Путин. Во телеграмата што и ја испратил на својата словенечка колешка Зузана Чапутова, тој изразил и желба за опоравување на Фицо, пренесува ТАСС.
„Со огорченост дознав за обидот за убиство на Роберт Фицо, премиерот на Словачка, ова монструозно злосторство не може да има никакво оправдување“, напиша Путин во својата телеграма на веб-страницата на Кремљ и додаде:
„Го познавам Роберт Фицо како храбар и подготвен човек, навистина се надевам дека овие квалитети ќе му помогнат да ја издржи оваа тешка ситуација“, се обрати рускиот лидер и продолжи: „Ве молам пренесете му ги зборовите на најискрената поддршка, исто така и желбите за брзо и целосно закрепнување“.