Европа
Учителка во Италија измислувала лекции, позајмувала учебници од деца, праќала пораки на испити: судот ја прогласил за неподобна

Наставничка во Италија која 20 години избегнувала работа, а кога ќе се појавила на училиште, ги игнорирала учениците и праќала СМС пораки, измислувала часови и позајмувала учебници од деца, сега е прогласена за најлоша вработена во земјата, пишува „The Times“.
Синзија Паолина Де Лио користела боледување, годишен одмор и присуство на конференции за да избегне предавања, а Врховниот суд ја опишал како трајно и апсолутно неподобна за таа работа.
Де Лио, која требало да предава литература и филозофија во гимназија во близина на Венеција, им го привлекла вниманието на училишните инспектори за време на едно од нејзините ретки појавувања на работа. Забележале дека лекциите и се збркани и дека импровизира.
Студентите штрајкувале откако таа праќала пораки за време на испитите и делела оценки кои немаат врска со напорна работа. Позајмувала учебници од деца затоа што заборавиала да си донесе.
Де Лио беше отпуштена од училиштето, но судот одлучи дека таа мора да биде вратена на работа. Меѓутоа, судот подоцна ја променил својата одлука, откако утврдил дека наставничката била присутна на часови само четири од претходните 24 години.
Нејзиното разрешување потоа мораше да биде потврдено од Врховниот суд, пренесува медиумот.
Во 2021 година, сличен случај излезе на виделина кога наставник по математика од Сицилија земал дури 769 дена одмор за здравствено и родителско отсуство за три години, а всушност го искористил тоа време работејќи како консултант.
Според написите, има и случај на лекар од Сицилија, кој за девет години работел само 15 дена, а тоа го постигнал со комбинирање на боледување и разни курсеви.
Новинарите ја контактирале наставничката Де Лио за коментар, но таа не можела да зборува, бидејќи била на плажа, пренесува медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин
Европа
(Видео) Балон на топол воздух се урна во Холандија: еден загинат, петмина повредени

Едно лице загина, а петмина се повредени кога балон на топол воздух се урна на ливада во северната холандска покраина Фрисланд доцна синоќа, соопштија локалните власти. Балонот превезувал 34 патници.
„Балонот на топол воздух одеднаш падна околу 21 часот и силно удри на земјата“, соопштија властите на Фрисланд додавајќи дека полицијата почнала истрага за несреќата.
Портпаролот на Кралското холандско воздухопловно здружение изјави за локалните медиуми дека ненадеен налет на ветер предизвикал балонот силно да удри на земјата предизвикувајќи корпата да отскокне и исфрлајќи пет лица од него.