Свет
Уште една жена го обвини Џо Бајден за непримерно допирање, го триел неговиот од нејзиниот нос
![](https://makfax.com.mk/wp-content/uploads/2018/12/jo-bajden.jpeg)
Уште една жена го обвини поранешниот американски потпретседател Џо Бајден за непримерно допирање, токму во време кога размислува да се кандидира на претстојните претседателски избори.
Ејми Лапос (43) за весникот „Хартфорд Курант“ изјавила дека Бајден го триел неговиот нос од нејзиниот за време на хуманитарна акција во 2009 година во градот Гринвич.
„Не беше сексуално, ама ме зграби за главата. Ги стави рацете околу мојот врат и ме повлече близу до него за да ги триеме носевите. Кога ме повлече, помислив дека ќе ме бакне во уста“, рекла Лапос.
Лапос, која тогаш била асистентка на конгресменот Џим Хинес, рекла дека не го пријавила Бајден претходно зошто бил потпретседател, а таа не била ништо.
„Постои граница на пристојност. Постои граница на почитување. Тоа не е културно. Тоа е сексизам или омраза кон жените“, додала Лапос.
Нејзиното обвинение следи три дена откако Луси Флорес, поранешна членка на општина во Невада, рекла дека Бајден ја бакнал во вратот на настан за време на кампања во 2014 година. Бајден одговорил дека не верува дека некогаш се однесувал непристојно.
„Во многу години јавен живот и кампањи сум понудил неброени ракувања, прегратки, изрази на внимание, поддршка и утеха. И ниту еднаш, никогаш, верувам, не сум се однесувал непримерно“, рекол Бајден.
76-годишниот ветеран, кој беше осум години потпретседател во администрацијата на претседателот Барак Обама и 36 години во американскиот Сенат, сè уште не најавил дали ќе се кандидира во редовите на демократите на претстојните претседателски избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Хорор во Америка, регистрирани неколку напади на ајкули
![](https://makfax.com.mk/wp-content/uploads/2024/07/Screenshot-2024-07-05-145108.jpg)
Три лица се повредени во напади на ајкула во Тексас и Флорида, соопштија денеска официјални лица.
Ајкула каснала за стапало млад човек недалеку од плажата на Флорида и тој бил пренесен во болница, јави Си-ен-ен.
Во Тексас група од четири лица наишле на ајкула додека пливале во океанот веднаш до брегот на островот Јужен Падре.
Ајкулата каснала двајца од нив, а уште едно лице од групата било повредено додека се обидувало да им помогне. Двете лица, кои биле каснати од ајкула, биле пренесени во болница во Браунсвил.
„Појавата на ајкули не е вообичаена во Тексас“, велат локалните власти.
Според податоците на Меѓународната организација за следење напади на ајкули, Тексас имал само 10 напади на ајкули од 2012 година. Најмногу имало на Флорида, дури 259, потоа на Хаваи – 76, Јужна Каролина – 45, а 31 напад на ајкула е забележан во Северна Каролина и 29 во Калифорнија.
Европа
Столтенберг: НАТО беше однапред информиран за одењето на Орбан во Москва
![](https://makfax.com.mk/wp-content/uploads/2024/06/stoltenberg.jpg)
Генералниот секретар на НАТО, Јенс Столтенберг, денеска изјави дека алијансата била однапред информирана за заминувањето на унгарскиот премиер, Виктор Орбан, во Москва на разговори со рускиот претседател, Владимир Путин.
Столтенберг на самитот на НАТО истакна дека Орбан патува во својство на премиер на Унгарија и дека нема да го претставува НАТО, чиј член е Унгарија, во Москва, пренесува „Ројтерс“. Орбан рано денеска пристигна во Москва и по пристигнувањето рече дека со оваа посета ја продолжува мировната мисија откако неодамна го посети Киев, каде што разговараше со украинскиот претседател, Володимир Зеленски.
Столтенберг рече и дека НАТО работи на подготовка на Украина за приклучување кон алијансата.
„Сè што правиме, правиме за да ја направиме Украина посилна и поподготвена да се приклучи на нашиот сојуз“, рече тој додавајќи дека очекува земјите членки да обезбедат повеќе воздушна одбрана и муниција на Украина.
Столтенберг додаде дека Украина треба да одлучи, кои се прифатливите услови за мировни преговори. Од друга страна, според него, нема индиции дека Путин е подготвен за мир.
Европа
Кир Стармер официјално назначен за нов премиер на Обединетото Кралство
![](https://makfax.com.mk/wp-content/uploads/2024/07/Screenshot-2024-07-05-141137.jpg)
Британскиот крал Чарлс денеска му го довери мандатот за формирање на новата влада на Велика Британија на лидерот на Лабуристичката партија, Кир Стармер, по убедливата победа на неговата партија на парламентарните избори.
Назначувањето на Стармер за премиер беше потврдено од Бакингемската палата.
„Кралот го прими уважениот Кир Стармер и побара од него да формира нова влада. Стармер ја прифати понудата“, соопшти Бакингемската палата, пренесува „Гардијан“.
По Бакингемската палата, Стармер се упати кон Даунинг стрит, каде што се наоѓа седиштето на британската влада. На општите избори во ОК, Лабуристичката партија освои 410 од 650 места во долниот дом, со што стави крај на 14-годишната влада предводена од конзервативците.
Претходно денеска, сега веќе поранешниот премиер Риши Сунак му поднесе оставка на кралот Чарлс.