Свет
Филипинската полиција уапси 500 лица за наводна онлајн-измама

Филипинската полиција соопшти дека уапсила речиси 500 лица, меѓу кои и осум израелски државјани, за кои вели дека се вклучени во онлајн-финансиска измама која опфаќала луѓе во странство, вклучително и во Австралија и Јужна Африка.
Во една од најголемите битки против антисајбер-криминалот на Филипините, шефот на полицијата, Оскар Албајалде, во средата објави дека 474 филипински работници, како и неколутемина Израелци, биле притворени по упадот во три згради во Кларк Фрипорт, поранешна база на американски воздухопловни сили северно од Манила, каде што е извршена наводна онлајн-измама.
Главниот началник на полицијата, Марни Маркос, вели дека осомничените ги намамуваат жртвите да инвестираат во странски акции во лондонска компанија, а потоа ги земаат нивните пари преку онлајн-апликација кога ќе ги добијат нивните банкарски сметки, како и деталите за кредитните картички.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Силна бура го парализираше црногорското приморје, најкритично во Котор

Силна бура го погоди црногорскиот приморски појас утрово, оставајќи го Котор и околните градови под тежок пороен дожд. Которскиот Залив е целосно погоден од силниот дожд и ветрови, а морето е разбрането, со големи бранови кои се спојуваат со сивото небо.
Туристите, кои вчера уживале во пливање, денес се соочуваат со потполно нестабилни услови.
„Колку и да уживавме во пливањето вчера, денес можеме да пливаме на улица“, изјавил еден од нив.
Ситуацијата е особено критична во близина на Вирпазар, каде што сообраќајот е прекинат поради несреќа, објави РТЦГ. Локалните власти апелираат на внимание и ги советуваат граѓаните да ги следат предупредувањата за безбедност.
Регион
(Видео) Драма на скопскиот аеродром: Aвион од Крит со 200 лица слета во Скопје наместо во Белград

Патници на авиокомпанијата „Виз ер“ кои требаше да летаат од Крит за Белград, наместо тоа завршија на аеродромот во Скопје околу 4 часот утрото, пренесува N1.rs.
Летот, кој бил закажан 15 минути по полноќ, првично бил пријавен како празен, што ги изненадило и полицијата и вработените на скопскиот аеродром.
Јелена, една од патничките, изјавила дека околу 200 лица излегле од авионот, без претходна информација за пренасочувањето. Патниците најпрво добивале СМС-пораки за одложување, а потоа, во 4:20 часот, полетале кон Скопје. На аеродромот биле задржани во авионот подолго време, а не им било дозволено да излезат сè додека една жена не почувствувала влошување на здравјето. На крајот, патниците останале на празен аеродром додека не им бил обезбеден автобус за Белград.
Пилотот им појаснил дека неговото работно време е завршено и дека повеќе информации ќе добијат на аеродромот, но и таму вработените биле целосно збунети бидејќи им било пријавено дека авионот е празен. Патниците се обратиле и до Амбасадата на Србија, но добиле одговор дека не може ништо да се стори, со образложение дека „аеродромот во Белград не работи и не прима авиони“.
Според официјалните информации, веб-страницата на белградскиот аеродром го прикажува летот како откажан, додека на македонскиот аеродром е евидентиран како реализиран, но со задоцнување од повеќе од три часа. На веб-сервисот FlightRadar се забележува дека авионот наместо во Белград, слетал во Скопје, без објаснување за причините.
Свет
(Вознемирувачко фото+видео) Пукање среде ден во Лавов, убиен Андриј Парубиј, херојот на Евромајдан

Поранешениот претседател на Врховната рада и една од клучните фигури на револуцијата на Евромајдан, Андриј Парубиј беше убиен со огнено оружје во својот роден град Лавов.
Националната полиција соопшти дека пукотници одекнале околу пладне во јужниот дел на градот, во округот Франкивски. Жртвата починала на лице место, и покрај брзата реакција на службите за итна помош.
Првите информации беа потврдени од пратеничката Ирина Херашченко, која за „Киев Индепендент“ изјави дека убиениот политичар е токму Парубиј.
Неколку часа подоцна, украинскиот претседател Володимир Зеленски соопшти:
„Министерот за внатрешни работи и главниот државен обвинител ме информираа за првите околности на страшното убиство. Убиен е Андриј Парубиј. Изразувам длабоко сочувство до неговото семејство и најблиските“.
Зеленски додаде дека сите потребни ресурси се вклучени во истрагата и во потрагата по сторителот. Засега, властите не соопштуваат детали за можни осомничени или за мотивот на злосторството.
Парубиј важеше за еден од симболите на отпорот и демократските промени во Украина, особено по неговата улога во протестите на Евромајдан и неговото политичко лидерство во најкритичните години на државата.
Случајот предизвика силни реакции низ цела Украина, со бројни пораки на осуда и повици за брзо расветлување на убиството.