Свет
Фицо: ЕУ мора да се тргне од војната во Украина и да стане суверена во своите позиции

Премиерот на Словачка Роберт Фицо денеска изјави дека Европската унија мора да се „тргне“ од војната во Украина и да разбере дека мора да биде суверена во своите ставови и мислења доколку сака да опстане.
Коментирајќи го телефонскиот разговор меѓу американскиот претседател Доналд Трамп и рускиот претседател Владимир Путин, Фицо ја критикуваше ЕУ дека нема доволно информации за односите меѓу САД и Русија, наведувајќи дека за исходот од војната во Украина ќе одлучуваат Трамп и Путин, пренесе ТАСР.
„Ние во ЕУ немаме поим што всушност се случува во односите меѓу САД и Русија, кои се клучни за ставање крај на овој воен конфликт. Не знам дали е малку непријатно кога некои членки и институции на ЕУ бараат место на преговарачката маса“, рече Фицо.
Премиерот на Словачка истакна дека оние кои непоколебливо го поддржувале продолжувањето на конфликтот во Украина, сега немаат одговори за тоа што се случува.
„Никој денеска не разговара со ЕУ, и покрај се што направи и колку пари и даде на Украина“, додаде Фицо.
Тој истакна дека по телефонскиот разговор на Трамп со Путин, американскиот претседател му се јавил на украинскиот лидер Володимир Зеленски за да му каже што го чека, вклучително и можноста за организирање демократски избори во Украина.
Според Фицо, ЕУ е вториот голем губитник по Украина.
„ЕУ до денес нема свој став за клучните надворешнополитички прашања и само слепо ја копира администрацијата на поранешниот американски претседател Џозеф Бајден кога станува збор за војната во Украина“, рече Фицо.
Тој предвиде дека Трамп ќе побара од Украина да и врати се што и дал Бајден, додека на Европа ќе и нареди да увезува уште повеќе гас и нафта од САД, а ќе постави ултиматум до сојузниците во НАТО за зголемување на трошоците за одбрана.
Тој исто така нагласи дека Путин ќе ја контролира територијата во Украина и дека ќе добие гаранција дека Украина никогаш нема да стане членка на НАТО.
Фицо смета дека Украина ќе изгуби една третина од својата територија и рудното богатство, дека нема да биде во НАТО и дека на нејзина територија ќе бидат присутни странски војски, пренесува Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Бугарија обезбедува превоз и сместување за семејствата на повредените во пожарот во Кочани

Бугарските дипломати обезбедуваат превоз од Македонија до Бугарија и гарантираат дека оние што ќе пристигнат ќе имаат каде да се сместат.
Амбасадата на Бугарија во Скопје, заедно со Ситуациониот центар на Министерството за надворешни работи, помага во транспортот и сместувањето на роднините и пријателите на повредените од пожарот во Кочани, Македонија, кои се пренесени во бугарските болници, јави БГНЕС.
Бугарската држава прими 14 од повредените, кои беа пренесени со воен авион „Спарта“ и шест амбулантни возила.
Бугарската амбасада во Скопје ги известила најблиските членови на семејството на лицата кои се лекуваат во Софија, Пловдив и Варна дека Бугарија е подготвена да им обезбеди превоз и сместување за потребниот период на лекување.
Свет
(Видео): Двегодишно момче во САД пронашло пиштол и го застрелало својот близнак

Двегодишно дете е во болница откако случајно било застрелано од неговиот брат близнак, пишува Дејли мејл. Полицијата на округот Хенри одговори на дојавата за пукање во дом во Хемптон, Џорџија, пред пет дена околу пладне. Детето, чиј идентитет и пол не се објавени, било пренесено со хеликоптер од домот на 200 Robin Hood Lane, во мирна населба јужно од Атланта.
Службениците за итни случаи од пожарникарската и спасувачката служба на округот Хенри му пружиле прва помош на детето на местото на настанот пред да биде пренесено во болница. Според официјалните информации, детето е оперирано и сега е во стабилна состојба. Полицијата ја опколи куќата во која се случи престрелката. Жителите на населбата изјавија за Fox5 дека полицајците блокирале дел од улицата додека трае истрагата.
Истражителите веруваат дека братот близнак на детето го пронашол пиштолот и случајно го испукал. Засега не се знае кој го поседува оружјето и за каков тип на пиштол се работи, а за инцидентот засега никој не е обвинет.
На фотографиите од местото на настанот се гледа како инспекторите ја пребаруваат еднокатната куќа, која е одвоена од остатокот од улицата со полициска лента. Пред куќата може да се видат детски играчки, вклучувајќи мал автомобил и кошаркарски обрач.
Регион
Вучиќ: Ќе имаме избори на 8 јуни доколку не се формира нова влада до 18 април

Српскиот претседател Александар Вучиќ вчера на владина седница изјави дека оставката на премиерот Милош Вучевиќ ќе биде констатирана на седница на Собранието во вторник или среда. Од тој момент почнува да тече рокот за формирање нова влада.
Како што рече Вучиќ на седницата, тоа значи дека 18 април е крајниот рок за формирање на влада во Србија.
„Ако сакате, а ако не, тогаш одиме на избори, каде што рокот е од 45 до 60 дена. Тоа значи дека, ако не се формира влада, изборите би биле на почетокот на јуни – 1 или 8 јуни. Пологично е 8 јуни“, рече Вучиќ.
Да потсетиме, српскиот премиер Милош Вучевиќ поднесе неотповиклива оставка на вонредна прес-конференција на крајот на јануари, што доведе до пад на целата влада. Падот на владата доаѓа во време на студентски и граѓански протести кои траат повеќе од три месеци, барајќи од властите да одговараат за несреќата во Нови Сад, кога 15 лица загинаа при уривање на настрешница на станицата.