Свет
Флотата на руската морнарица пристигна во Куба

Руската фрегата „Адмирал Горшков“ и подморницата „Казан“ на нуклеарен погон пристигнаа на Куба во петдневна посета што Москва ја гледа како демонстрација на сила во услови на зголемени тензии поради инвазијата на Украина.
Љубопитни посматрачи, рибари и полиција се собраа по должината на крајбрежниот булевар во Хавана за да ја поздрават флотата кога таа влезе во пристаништето на градот во средата.
Куба, долгогодишен сојузник на Русија, го поздрави доаѓањето на бродовите со 21 вод.
Четири руски брода изведоа обука за високопрецизно ракетно оружје во Атлантскиот Океан додека беа на пат кон Куба. Подморницата и фрегатата се опремени со хиперсонични ракети „Циркон“, крстосувачки ракети „Калибр“ и противбродски ракети „Оникс“, соопшти руското Министерство за одбрана.
Невообичаеното распоредување на руската морнарица толку блиску до Соединетите Американски Држави доаѓа откако Вашингтон и некои западни сојузници на Украина му дозволија на Киев да го користи нивното оружје на цели во Русија поради обновениот руски напад врз Харков и недостигот од борбени трупи и муниција, пренесуваат медиумите во светот.
Хавана се наоѓа на 160 километри од Ки Вест во јужната држава Флорида, каде што САД имаат воздухопловна база.
„Воените бродови се потсетник за Вашингтон дека е непријатно кога противникот се меша во вашата близина“, изјави за Асошиетед прес“, Бенџамин Гедан, директор на програмата за Латинска Америка на тинк-тенкот „Вилсон центар“ со седиште во Вашингтон мислејќи на мешањето на Западот во Руската војна во Украина.
„Тоа исто така ги потсетува руските пријатели во регионот, вклучувајќи ги и американските непријатели Куба и Венецуела, дека Москва е на нивна страна“, рече тој.
Куба минатата недела рече дека посетата е стандардна практика за поморските бродови од пријателските земји и дека флотата не носи нуклеарно оружје.
САД, кои го следеа движењето на бродовите, исто така го намалија значењето на распоредувањето.
Советникот за национална безбедност на Белата куќа, Џејк Саливан, во средата изјави за новинарите дека ваквите поморски вежби се рутински.
„Сме виделе вакви работи и порано и очекуваме да ги видиме повторно, така што нема да црпам посебни мотиви од тоа“, рече Саливан.
Тој додаде дека нема докази дека Русија префрлила ракети на Куба, но САД ќе останат будни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.