Свет
Фон дер Лајен го назначи новиот тим на Европската комисија
Претседателката на Европската комисија, Урсула фон дер Лајен, ја именува шпанската министерка за транзиција и за животна средина, Тереза Рибера, за следен комесар за антимонополска политика на блокот, а Естонката Каја Калас ќе биде одговорна за надворешната политика.
Литванецот Андриус Кубилиус ќе стане првиот комесар за одбрана на ЕУ – нова улога дизајнирана да го изгради европскиот воено производствен капацитет наспроти руската агресија на источното крило на Европа.
Меѓу другите имиња на списокот европски комесари е францускиот министер за надворешни работи, Стефан Сежурн, задолжен за индустриска стратегија, а Словакот Марош Шефчовиќ ќе ја надгледува трговската политика.
Комисијата е најмоќната институција на Европската Унија, која има 27 земји. Таа има моќ да предлага нови закони на ЕУ, да блокира спојувања компании и да потпишува договори за слободна трговија.
Секоја земја членка на ЕУ ќе има по едно место на масата на Комисијата, улога што може да се спореди со министер во кабинетот, иако нејзината политичка тежина многу варира во зависност од ресорот.
Сите кандидати ќе поминат низ сослушувања со членовите на Европскиот парламент.
Рибера ќе го надгледува ставот на ЕУ за странските субвенции, уште еден горлив проблем бидејќи компаниите во клучните сектори, како што се електричните возила и производството на енергија, се борат да ги одбранат своите деловни модели од евтината конкуренција од странство, особено Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Хрватска се подготвува за поплави: Се поставуваат насипи, службите на терен
Источна и централна Европа беа тешко погодени од поплавите, 16 лица загинаа, илјадници останаа без покрив над главата, а вкупната штета се брои во стотици милиони евра.
Циклонот „Борис“ продолжува да се заканува, реките надојдоа. Хрватска е во опасност поради Дунав. Другите реки се помалку проблематични, пренесуваат хрватските медиуми.
„Имаме мапи за ризик и опасност од поплави. Сигурно ова е една од петте најголеми во историјата. Ова може да се спореди со 2013 година. Но сите ние се бориме против тоа и неуморно работевме, дење и ноќе. Сега има повеќе од 300 луѓе на терен, а пратени се повеќе од 10.000 вреќи, изјави генералниот директор на „Хрватски води“, Зоран Ѓуроковиќ, коментирајќи ја можноста од поплави и водостојот на реките.
Напомена и дека нема недостиг од материјал, ниту од работна сила.
Хрватска, како што рече, е подготвена, без разлика на зголемениот ризик. Исто така, предвидува дека ниту една населена област не треба да биде загрозена.
„Имавме доволно време бидејќи бранот вода патува седум дена до Хрватска. На сите луѓе им беше предложено колкаво ниво на водата може да се очекува, а обезбедивме и луѓе и ресурси. Од недела кога ќе ги завршиме сите активности, главен фокус ќе бидат насипите затоа што не смеат да попуштат“, заклучи Ѓуроковиќ.
Тој одговори и на прашањето како може ситуацијата да се избегне:
„За жал, пред се, придонесоа климатските промени и екстремните хидролошки услови, а тие области имаат поголема населеност, густо се изградени, има и земјоделски површини, а ги стесниле котлинските профили, па можни се природни поплави“ рече тој и продолжи:
„Тешко е да се надградат системите. Традиционално се прават. Проблемот е да се направат десет километри насипи, а само во Хрватска имаме 4.100 километри насипи. Во моментот кога имате најава за екстремни околности не е можно да ги надградиме насипите, ако тоа не беше направено со години пред тоа, да се прилагоди на климатските промени и да се направи се за да се осигура дека дел од водата е безопасна од излевање.
Како ја доживеа одбраната од поплави во Европа? Гледаме дека парламентот во Будимпешта е како остров.
„Унгарија има долга традиција на одбрана од поплави и верувам дека ќе се брани подобро од другите земји. Германија, Австрија, Словенија и Италија имаат големи проблеми. Добро се спротивставуваме досега, без разлика на рекордните водостои на некои реки Ние го прифаќаме сето ова без поголеми последици, но мора да работите, ништо не се случува само по себе.
Свет
Орбан: Ако чекавме Брисел да не спаси, ќе бевме до врат во вода
Унгарскиот претседател Виктор Орбан е скептичен дека неговата земја ќе добие навремена помош од Европската унија по големите поплави што ја погодија централна Европа, пишуваат регионалните медиуми.
„Со сета почит, ако чекаме Брисел да не спаси, ќе бевме до врат во вода“, рече Орбан на конференцијата утринава.
Унгарија е последната земја во низата погодена од поплави. 21 лице загина во Полска, Чешка, Австрија и Романија.
Орбан претходно оваа недела објави дека ги одложил своите меѓународни обврски додека поплавите не стивнат, вклучително и дебатата во Европскиот парламент за унгарското претседателство со Советот.
Тој утрово се осврна на говорот на претседателката на Европската комисија, Урсула фон дер Лајен, која понуди помош.
„Ако се појави ситуација во една земја, постои механизам што може да се активира со еднострано известување. Ние го направивме тоа, што значи дека Брисел почна да испитува дали треба или не треба да се обезбеди некаква помош“, изјави унгарскиот премиер.
„Кога овие комплицирани процедури во Брисел ќе завршат – а ние не сме казнети со тоа што не ја добиваме помошта што ја заслужуваме, бидејќи сето тоа е сомнително во Брисел – тогаш ќе добиеме помош“, додаде тој. Програмата на Европската унија за следење на климатските промени, „Коперник“, пред пет дена почна да испраќа сателитски снимки од поплавените области во Унгарија, на барање на Будимпешта.
Затоа, се претпоставува дека острите забелешки на Орбан може да бидат последица на претходната одлука на Европскиот суд на правдата да ја казни Унгарија со 200 милиони евра поради кршење на европскиот закон за азил, пишува „Politico“.
„Засега, да ја погледнеме позитивната страна на работите и со почит да му се заблагодариме на Брисел што барем мисли на нас“, заклучи Орбан.
Регион
Пилот пријавил дека во авионот има бомба: принудно слетал на аеродромот во Подгорица
Капетанот на „ЛОТполиш“ пријавил во полиција во Подгорица дека во авионот на таа компанија има бомба.
На терен е и полицијата, како и полициската антидиверзантска заштита, пренесуваат медиумите во соседството.
Од аеродромот официјално беше соопштено дека нешто пред 17 часот на аеродромот во Подгорица започнала вонредна инспекција на авионот на националната полска авиокомпанија „ЛОТ Полиш ерлајнс“, пишува „Вијести“.
Од таму изјавиле дека авионот бил изолиран и далеку од патничкиот терминал.
Сите други патници се безбедни, а останатите операции засега се одвиваат непречено. Контролата се врши според пропишаните процедури во синхронизирана акција на Полициската управа, аеродромот и другите служби“, се вели во соопштението.
Авионот од Варшава (LO585) летал над Црна Гора, но капетанот по дојавата на Контролата на летање кажал дека мора да слета на пистата на аеродромот во Подгорица.
Полскиот авион слетал во 16:34 часот и во тек е антидиверзантска проверка, стои во написите на медимите.