Европа
(Фото) Европа славеше покрај заканите на терористите

Милиони луѓе во целиот свет се спротивставија на тероризмот и покрај предновогодишните закани за терористички напади, сепак се собраа на плоштадите да ја заокружат 2016 и да ја дочекаат 2017 година со стил.
Полно намерници се слеаја во главните градови на големите плоштади низ Европа да ја прослават Новата година, иако безбедносните нивоа речиси секаде беа зголемени со цел да се спречи славениците да бидат цел на терористите.
Славењето во Европа почна со прославата на Црвениот плоштад во Москва каде небото буквално поцрвене од големиот огномет.
Во Берлин се чинеше дека луѓето не се исплашени од терористички напади по последниот кога со камион беа изгазени 12 луѓе на Божиќниот базар на 19 декември. Таму сепак се обраа многу славеници на серија концерти и голем полноќен огномет над Бранденбуршката капија.
Близу 500.000 луѓе се собраа и на познатите Елисејски полиња во Париз, каде под Триумфалната капија луѓето одбројуваа последни секунди од старата година и `и посакаа добредојде на новата година на повеќе јазици.
Брисел повторно имаше огномет, откако лани беше откажан во последна минута поради терористички закани, а маса луѓе се собраа на главниот плоштад.
Во Стокхолм луѓето славеа Нова година на северната страна на Содермалм каде го проследија огромниот огномет над Ѓургарден.
Во Копенхаген, главната прослава се случуваше во централниот дел Родхуспласен.
Рим го чуваа вооружени возила и зголемен број безбедносни сили околу Колосеумот и плоштадот Свети Петар, каде Папата Франциск со химната „Te Deum” ќе искаже благодарност. Порано во неделата, понтифот оржа миса во која ги повика луѓето да размислат за тешкотиите кои ги чекаат младите на заминувањето на старата година.
Кај Колосеумот илјадници палеа и фрлаа петарди исполнувајќи го воздухот со чад и искри.
Во Барселона неколку стотици илјади се собраа во центарот на градот да ја прослават Новата година. И тие проследија прекрасен огномет.
Се славеше и во другите градови во Европа, Лисабон, Мадрид, Осло, Хелсинки, Будимпешта, Братислава, Виена…
Сепак терористичките закани не останаа залудни. Новогодишната ноќ однесе 39 животи во терористички напад во Истанбул, а повеќето од жртвите се странски туристи кои прославувале Нова година во познатиот клуб Реина, каде вооружен маж пукаше во гостите и избега./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија очекува да се договори за датум за третата рунда мировни преговори со Украина

Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона

Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари

Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.