Свет
(Фото) Убиен познат камерман во Мексико, втората жртва сè уште неидентификувана

Камерманот на мексиканскиот информативен „Канал 10“ и уште еден човек се убиени од огнено оружје во одморалиштето Канкун, објави канцеларијата на локалниот обвинител.
„Канал 10“ соопшти дека жали поради ненадоместливата загуба на својот снимател Хавиер Родригез Валјадарес, кој требаше да се ожени за само неколку дена со својата долгогодишна девојка. Втората жртва сè уште не е идентификувана.
Обвинителството објави дека истрагата е во тек.
ÚLTIMA HORA | Asesinan al periodista Javier Rodríguez Valladares en Cancún #QuintanaRoo, con él ya son 82 periodistas los asesinados en lo que va del nefasto gobierno de @EPN y 231 desde el 2000 ¡Ya basta de asesinar periodistas incómodos al @PRI_Nacional y @AccioNacional, EPN! pic.twitter.com/HuZ7zUOtWo
— AntiTelevisaMx (@AntiTelevisaMx) August 30, 2018
Најмалку 12 новинари беа убиени во Мексико минатата година, а оваа година најмалку шест, според податоците на групата за заштита на слобода на говор „Член 19“.
Este 8 de Septiembre era la boda de Javier Rodríguez Valladares, joven reportero del Canal 10 de Cancún…esta tarde fue asesinado. El gremio de luto. Vamos a investigar la muerte de los 3 periodistas. Denme datos @julioastillero pic.twitter.com/vD12xFfpxK
— Pedro Canche Herrera (@pedrokanche) August 30, 2018
Конфликтите на банди што се борат да го контролираат профитабилниот пазар на дрога ја влошија состојбата на безбедноста во некогаш мирната мексиканска држава Квинтана Ро, па дури и во одморалиштето Канкун.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вучиќ ги посети повредените од пожарот во дискотеката од Македонија: Ќе биде добро, лекарите велат да не се грижите

Српскиот претседател Александар Вучиќ ги посети повредените во пожарот од дискотеката во Северна Македонија кои се на лекување во Клиничкиот центар на Србија.
„Ќе биде добро. Лекарите велат да не се грижите“, му кажа претседателот на еден од повредените, кој лежи во болнички кревет покриен со завои.
– Ви благодарам, тие се одлични лекари – одгови младиот пациент.
„Само држете се, ви посакувам се најдобро, не плачете, ќе бидете добро“, и рече претседателот на девојка додавајќи дека состојбата е донекаде сериозна, но нејзиниот живот не е во опасност.
„Имав можност да ги посетам луѓето кои беа повредени во страшната трагедија во Македонија. Тука лежат 9, во КЦС“, забележа тој на почетокот.
– Степенот на изгореници се движи од 4 проценти до многу повисоко ниво, за да не се исплашат семејствата. Најголем проблем за неколку пациенти се повредите на белите дробови. Но, тука. Невозможно е да се најдат подобри услови некаде во Европа. „Ќе ни дојдат уште 12 пациенти, со што вкупниот број ќе се искачи на 29“, нагласи Вучиќ.
„Уште еднаш изразувам сочувство до братскиот македонски народ“, рече тој.
Слушнавте, потсети претседателот, млад човек на триесет години кој рече „само да можам ова да го преживеам“.
Во Србија синоќа пристигнале 17 повредени, а се очекува да пристигнат уште 12.
Македонија
Утре ден на жалост и во БиХ поради трагедијата во Македонија

Владата на Босна и Херцеговина на денешната итна седница донесе одлука со која 18 март 2025 година го прогласи за Ден на жалост во Федерацијата Босна и Херцеговина поради трагедијата во Северна Македонија.
Оваа одлука е донесена за да се изрази сочувство до семејствата на жртвите од трагедијата што се случи на 15 март 2025 година во градот Кочани, Северна Македонија, кога најмалку 59 лица ги загубија животите во пожар.
Денот на жалост се одбележува со задолжително истакнување на знамето на Босна и Херцеговина на половина копје, или на јарболот, на зградите на законодавните, извршните и судските власти, јавните институции, институциите и другите правни лица на територијата на Федерацијата БиХ.
На Денот на жалост не може да се одржуваат културно-забавни програми на јавни места во Федерацијата БиХ, а медиумите на територијата на Федерацијата БиХ се обврзани да ја усогласат и прилагодат својата програмска содржина на Денот на жалоста.
Македонија
Вучиќ во посета на повредените од пожарот во дискотеката во Кочани

Претседателот на Србија Александар Вучиќ денеска ќе ги посети повредените од пожарот во дискотека во Кочани, соопшти Канцеларијата за односи со медиумите на претседателот на Србија.
Тој ќе ги посети повредените во 15 часот во Универзитетскиот клинички центар на Србија.
Во Србија синоќа од Македонија пристигнале 17 повредени, а се очекува да пристигнат уште 12.