Европа
Француски тренер по уметничко лизгање обвинет за силување призна вина
Француското обвинителство отвори истрага против поранешниот тренер по уметничко лизгање, Жилес Бејер (62), за наводно силување и сексуален напад врз малолетничка.
Истрагата е поведена кога поранешната француска повеќекратна шампионка Сара Абитбол објави книга во која тврди дека Бејер ја силувал повеќепати од 1990 до 1992 година кога била тинејџерка.
„Бев ранлива, а ти го искористи тоа. Дури и денес, веднаш штом ќе ја напуштам куќата, се плашам. Мразам да одам на места што не ги познавам. Непознатото за мене е синоним за опасност. Не можам да патувам сама. Возењето без придружба за мене беше невозможно, а летањето вистинска тортура“, напиша десеткратната француска шампионка, која заедно со Стефане Бернадис освои бронзен медал на Светското првенство во 2000 година.
Бејер минатата недела призна дека имал интимни и непримерни односи со Абитбол по што бил отпуштен од клубот „Лес Францаис Волантс“, во кој имал една од водечките функции.
Обвинителот Реми Хејц во изјава рече дека прелиминарната истрага ќе бара да се идентификуваат други жртви, кои можеби претрпеле слични дела.
Француската министерка за спорт, Роксана Марачинеану, во понеделникот побара оставка од претседателот на француската Федерација за уметничко лизгање, Дидиер Гаилхагут, кој во времето на наводните силувања ја водел Федерацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британскиот суд денеска ќе донесе конечна одлука за Асанж
Британскиот суд денеска треба да донесе конечна одлука за тоа дали основачот на Викиликс, Џулијан Асанж треба да биде екстрадиран во Соединетите држави поради протекувањето на мноштво доверливи американски документи, што ќе биде кулминација на 13 години правни битки и притвор.
Двајца судии во Високиот суд во Лондон треба да одлучат дали ќе веруваат во гаранциите на САД дека Асанж нема да се соочи со смртна казна и дека може да се потпре на правото на слобода на говор од првиот амандман доколку биде обвинет за шпионажа во САД.
Адвокатскиот тим на Асанж вели дека постојат три опции, тој или би можел да биде во авион на пат преку Атлантикот во рок од 24 часа од пресудата, да биде ослободен од затвор или повторно да заглави во повеќемесечни правни битки.
Викиликс објави стотици илјади доверливи американски воени документи за војните на Вашингтон во Авганистан и Ирак, како и голем број дипломатски телеграми, најголемото нарушување на безбедноста од ваков вид во историјата на американската војска.
Во април 2010 година, тој објави доверливо видео на кое се гледа американски хеликоптерски напад во 2007 година во кој загинаа десетина луѓе во ирачкиот главен град Багдад, вклучувајќи и двајца новинари на Ројтерс.
Европа
Граничните процедури по брегзит ќе ја чинат Британија шест милијарди долари
Британската влада проценува дека по бројните одложувања ќе мора да потроши најмалку шест милијарди долари за спроведување на граничните процедури по брегзит, објави денеска парламентарната комисија за финансии. Британците гласаа за напуштање на ЕУ во 2016 година, но дури оваа година беа донесени нови правила за гранични контроли за да функционираат синџирите на снабдување.
Првата фаза, која опфаќа воведување дополнителни сертификати, стапи на сила на 31 јануари. Втората започна на 30 април со воведување на физички контроли во пристаништата.
Третата, која вклучува безбедносни декларации, е закажана за 31 август. Комитетот наведува дека Владата проценила дека ќе и бидат потребни шест милијарди долари за 13 главни мерки кои треба да овозможат проток на стоки преку граница и да се подобри спроведувањето на овие мерки во иднина.
Владата пет пати го одложи спроведувањето на целосните гранични контроли од крајот на преодниот период за напуштање на Унијата на 31 декември 2020 година, соопшти комисијата.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.