Свет
„Хитроу“ го ограничи бројот на патници поради секојдневниот хаос
Лондонскиот аеродром „Хитроу“ објави дека ќе го ограничи бројот на патници што заминуваат на 100.000 дневно за да се избегне метеж бидејќи се бори со зголемената побарувачка и да спречи понатамошни откажувања летови. Авиокомпаниите на најголемиот британски аеродром веќе го прифатија повикот на владата за намалување на капацитетот, но „Хитроу“ рече дека мора да се направи повеќе.
Аеродромот вели дека авиокомпаниите, ракувањето со багажот и другите копнени услуги може да издржат до 100.000 патници кои заминуваат дневно, бројка што редовно се надминува во последните недели, што доведува до неприфатливо лоша услуга.
„Некои авиокомпании презедоа значајни чекори, а други не и веруваме дека се потребни дополнителни мерки за да се обезбеди патниците да патуваат безбедно и сигурно“, рече директорот на „Хитроу“, Џон Холанд-Кеј, во отвореното писмо до патниците.
„Затоа ја донесовме тешката одлука да го ограничиме капацитетот од 12 јули до 11 септември“, додаде тој.
Во понеделникот „Хитроу“ во последен момент одлучи да откаже десетици летови што требаше да превезуваат околу 10.000 патници. Откажани се 61 лет бидејќи аеродромот во западен Лондон не можеше да се справи со бројот на патници. Бројот на патници што летале од „Хитроу“ во првата половина од годината бил 26 милиони, шест пати повеќе отколку во истиот период во 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Израел ќе употребува сила против Хезболах додека не се вратат жителите на север
Израелскиот премиер Бенјамин Нетанјаху денеска изјави дека неговата земја ќе употребува сила против Хезболах во Либан додека жителите на северен Израел не се вратат дома.
„На Хезболах му нанесуваме удари кои не можеше да ги замисли, тоа го правиме со сила и со трикови. Можам да ви ветам едно: нема да застанеме додека не се вратат дома“, рече Нетанјаху во видео пораката што ја објави неговиот кабинет, пренесе Франс прес.
Неименуван израелски функционер во меѓувреме изјави за Си-Ен-Ен дека Нетанјаху и дал дозвола на неговата влада да се приклучи на напорите на САД да посредува за прекин на огнот во Либан.
Нетанјаху даде одобрение под услов каков било договор да им дозволи на израелските цивили да се вратат во своите домови во северен Израел и подоцна додаде дека нема да мирува додека тоа не се случи.
Советникот на Белата куќа Амос Хохштајн е вклучен во преговорите за прекин на огнот, но Американците не разговараат директно со Хезболах.
Си-Ен-Ен денеска објави дека САД итно работат на план за намалување на тензиите меѓу Хезболах и Израел поради зголемената загриженост дека конфликтот може да ескалира.
Свет
Експлозија во судница во Калифорнија, двајца повредени: „Експлодираше торба“
Две лица се повредени во експлозија во судница во Санта Марија, Калифорнија, соопшти канцеларијата на шерифот на округот Санта Барбара.
„Ве молиме избегнувајте ја областа. Местото на настанот не се смета за безбедно. Следуваат повеќе информации“, соопшти канцеларијата на шерифот во објавата на X.
Time of call is 8:48. We have two reports of non- life threatening injuries. One person of interest detained immediately. Scene remains active. Please continue to avoid the area. https://t.co/AQoU7cIH6x
— PIO Raquel Zick (@SBSOPIO) September 25, 2024
Две лица се здобиле со повреди кои не се опасни по живот, изјавија од канцеларијата на шерифот за локалните медиуми.
Осомничениот бил во судницата и фрлил торба во судницата која потоа експлодирала, објави Noozhawk, локален портал во округот Санта Барбара, цитирајќи го извршниот службеник на Врховниот суд, Дарел Паркер.
Канцеларијата на гувернерот на Калифорнија, Гевин Њусом, соопшти дека тој и Канцеларијата за итни служби на државата активно ја следат ситуацијата и се координираат со органите за спроведување на законот.
Свет
Путин: Заканата за суверенитетот на Русија и конвенционалниот напад се основа за нуклеарен одговор
Рускиот претседател Владимир Путин денеска изјави дека Русија може да користи нуклеарно оружје доколку биде нападната од која било земја, пренесоа руските медиуми.
Русија го задржува правото да користи нуклеарно оружје во случај на агресија врз неа, меѓу другото, ако непријателот користи конвенционално оружје, ако тоа претставува закана за виталните интереси на државата, рече Путин.
„Го задржуваме правото да користиме нуклеарно оружје во случај на агресија врз Русија и Белорусија, како членка на Федералната држава. Со белоруската страна, со претседателот на Белорусија, сите овие прашања се договорени, вклучително и доколку противникот со користењето на конвенционално оружје, создава витална закана за нашиот суверенитет“, рече Путин на состанокот на постојаниот состанок на Советот за безбедност за нуклеарно одвраќање.