Европа
Чавушоглу за „Њујорк тајмс“: Зошто Турција ја пресели борбата во Сирија

Турскиот министер за надворешни работи, Мевлут Чавушоглу, за престижниот американски весник „Њујорк тајмс“ напиша колумна со наслов „Зошто Турција борбата ја пресели во Сирија“, која беше објавена на 11 октомври годинава.
Турската амбасада во земјата достави превод од неа со цел состојбите да се расветлат и за нашите граѓани.
Во својата колумна турскиот министер објаснува дека разочарувачки е воената акција на Турција во североисточна Сирија да се толкува како да е напад врз Курдите, заслабување на борбата со остатоците на Исламската држава и наштетувачка врз кредибилитетот на Америка пред нејзините сојузници.
„Турција ја почна операцијата со цел да си ја обезбеди својата национална безбедност елиминирајќи ја опасноста што терористите ја создадоа во пограничините области. Оваа операција, Сиријците, кои живеат таму, ќе ги спаси од тиранијата на терористичките организации и ќе ја елиминира заканата против територијалниот интегритет и политичкото единство на Сирија. Овие две новини ќе го олеснат безбедното и доброволното враќање назад на Сиријците што беа принудени на иселување“, пишува Чавушоглу алудирајќи на курдските сили со скратеници познати како ПЈД/ЈПГ за кои вели дека се неразделен дел на Курдската работничка партија (ПКК) во Турција, која е призната како терористичка организација од страна на САД, Европската Унија и НАТО.
„Нашите американски соговорници изгледаше дека беа убедени дека овие сили треба да бидат извадени надвор од деловите блиски до нашите граници, дури и се согласивме за датумите. Од неодамна воените разговори во август резултираа со заемни заложби за обезбедување безбедна зона со што ќе се извади ПЈД/ЈПГ. Меѓутоа, САД ова не го резултираа со тоа што кај нас остави силен впечаток дека терористичката група се обидува да добие во време за уште повеќе да ја зајакне својата позиција во Сирија“, објаснува шефот на турската дипломатија додавајќи дека ПЈД/ЈПГ пред светот може да врши обид за да се претстави како група што војува против Исламската држава, но, како што вели тој, факт е дека обезбедува и експлозив на ПКК со копање тунели на турска почва.
Колку за потсетување, идеологијата на ПКК првобитно претставувала мешавина од револуционерен социјализам, курдски национализам и барање основа за независна држава во регионот познат како Курдистан.
Во колумната Чавушоглу им се обраќа и на оние што изразуваат загриженост за безбедноста на курдското население во Сирија.
„Би сакал да повторам и да нагласам дека борбата на Турција не е против Курдите. Нашата борба е против терористите. Презентирањето на состојбата како ‘Турците против Курдите’ е злонамерно и погрешно. Курдите не се наши непријатели“, објаснува тој.
Како што вели Чавушоглу, цел на турската офанзива „Извор на мирот“ е против терористичката структура што ПКК и ПЈД/ЈПГ заедно ја спроведуваат, каде што ги вооружуваат децата војници во области под нивна контрола, ја потиснуваат опозицијата, ја менуваат демографската структура и присилуваат на задолжителна воена служба.
„Ние како Турција веруваме дека го подготвуваме теренот за враќање на бегалците од Сирија во своите домови и обезбедуваме средина со што Исламската држава и другите терористички организации нема одново да се појават“, пишува тој во колумната за „Њујорк тајмс“.
На крајот турскиот министер додава дека наспроти погрешните перципирања што преовладуваат, верува дека акцијата ќе помогне за наслонување кон човечката димензија на проблемот, зачувување на интегритетот на земјата и ќе придонесе за нормални политички процеси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украински дрон нападна рафинерија на 1400 километри од границата: Русите пукаа, но залудно

Украински дрон ја погоди рафинеријата Орск (Orsknefteorgsintez) во регионот Оренбург, објавија украинските канали на Телеграм. Рафинеријата се наоѓа на околу 1.400 километри воздушна линија од украинската граница.
Голема руска рафинерија
Рафинеријата има капацитет за преработка од приближно 6,6 милиони тони нафта годишно. Фабриките произведуваат бензин, дизел гориво, керозин за авијација, масло за греење, битумен и мазива.
The Orcs in Orsk, Orenburg Oblast 🇷🇺 filming the moment our BEAUTIFUL drones destroy yet ANOTHER oil refinery 😍🔥 pic.twitter.com/kdp7E2qjzZ
— Richard Woodruff 🇺🇦 (@frontlinekit) October 3, 2025
Русите се обидоа да го соборат дронот, но безуспешно
Анализата на фотографиите и видеата покажува дека нападот е извршен од беспилотни летала AN-196 „Љути“. Според геолокираните материјали, погодена е хидропреработувачката единица LCh-24-2000 за бензин и дизел, модернизирана во 2014 година за подлабоко прочистување на горивото и усогласување со новите еколошки стандарди, пишува украински блогер.
Orcs treated Lutyi’s arrival like a village festival 🫡#Orsk pic.twitter.com/I4wsCvORCi
— Aurora Borealis 🤫 (@aborealis940) October 3, 2025
Објавената снимка прикажува украински дрон кој руските ад хок противвоздушни единици безуспешно се обидуваат да го соборат со полуавтоматско оружје.
фото: принтскрин
Европа
Мерц: Треба да ја бојкотираме Евровизија ако Израел биде исклучен

Германскиот канцелар Фридрих Мерц изјави дека Германија треба да се повлече од следниот Евровизиски натпревар во Виена доколку Израел биде исклучен.
На прашањето во интервју за АРД дали Германија треба доброволно да се повлече од настанот, конзервативниот политичар одговори: „Би го поддржал тоа. Мислам дека е скандал што воопшто се дискутира за тоа. Израел припаѓа таму.“
Земји од Европа и пошироко ги поднесуваат своите песни за Евровизискиот натпревар, а настапите ги оценува национално жири и јавно гласање. Притисокот врз организаторите на натпреварот расте со недели, а неколку радиодифузери, вклучувајќи ги и оние од Шпанија, Ирска и Холандија, се закануваат дека ќе се повлечат доколку на Израел не му биде забрането учество, наведувајќи ја воената акција на земјата во Појасот Газа.
Националните радиодифузери играат централна улога на Евровизискиот натпревар, со оглед на тоа дека официјални претставници на нивните земји во рамките на Европската радиодифузна унија (ЕБУ), се одговорни за изборот на нивните учесници, координирање на преносите во живо и надгледување на процесот на гласање.
ЕБУ кон крајот на минатиот месец изјави дека ќе одржи онлајн состанок на сите членови во ноември за да гласаат за учество на натпреварот во 2026 година. Следниот Евровизиски натпревар треба да се одржи во Виена во мај 2026 година. Големи јавни протести против учеството на Израел на Евровизискиот натпревар се случија оваа и минатата година.
фото: принтскрин
Европа
(Видео) Украинците погодија нафтено складиште на Крим, избувна огромен пожар

Русија денес објави дека нејзините единици за воздушна одбрана собориле 251 украински дрон во текот на ноќта, додека украинската страна објави дека погодила складиште за нафта на привремено окупираниот Кримски полуостров.
🔥The largest oil depot in temporarily occupied Crimea is on fire in Feodosia.
According to monitoring channels, a fuel tank exploded after a probable drone attack. 😏
The occupation authorities have not commented on the situation yet.👀 pic.twitter.com/gzCVL69JwG
— Malinda 🇺🇸🇺🇦🇵🇱🇨🇦🇮🇹🇦🇺🇬🇧🇬🇪🇩🇪🇸🇪 (@TreasChest) October 6, 2025
Според руското Министерство за одбрана на Телеграм, руските сили собориле поголем дел од украинските дронови над југозападниот регион на земјата, вклучувајќи 61 над Црното Море и еден што летал кон Москва. Министерството само го навело бројот на уништени дронови, но не и колку од нив ги лансирала Украина.
Украинските канали на Телеграм објавија дека голем пожар избувнал по нападот врз складиште за нафта во Феодосија, на кримскиот брег покрај Црното Море. Според РБЦ-Украина, како резултат на нападот експлодирал резервоар за гориво во складиштето.
Според проукраинскиот канал „Krymskyi Viter“, експлозии се слушнале во неколку области низ украинскиот полуостров.
Crimean Telegram channels report a large fire at an oil depot in Feodosia (Russian-occupied Crimea) after a drone attack. pic.twitter.com/S9kLRFs25E
— Anton Gerashchenko (@Gerashchenko_en) October 6, 2025
Според каналот, првата цел бил аеродромот „Саки“ во Новофедоривка. Експлозиите таму започнале околу 00:23 часот, по што набргу потоа биле активирани системи за воздушна одбрана против беспилотни летала.