Свет
Четири експлозии одекнаа во шведските градови за еден час

Во Шведска во рок од еден час одекнаа четири експлозии, а на терен беа повикани пиротехничари, соопшти полицијата.
Земјата во моментот се бори со зголемување на насилството поврзано со банди. Полицијата во Гетеборг добила извештаи за првите две експлозии на разни адреси, со разлика од 10 минути, нешто по 1 часот по полноќ.
„Двете локации се опколени и во тек е техничка истрага“, соопшти полицијата додавајќи дека на местото на настанот била повикана националната екипа за бомби. Нема извештаи за повредени, само материјална штета, соопшти полицијата.
Еден час подоцна, за неколку минути беа пријавени уште две експлозии – едната во Норсборг, предградие јужно од Стокхолм, а другата во Никопинг, 100-ина километри јужно од главниот град. Полицијата соопшти дека во двата случаја нема повредени. Сите четири експлозии биле на станбени згради.
Шведска се бореше во последните години да го спречи порастот на престрелки и бомбашки напади додека бандите, поттикнати од трговијата со дрога се борат. Полицијата во Гетеборг изјави за АФП дека е премногу рано да се шпекулира за мотивите зад двете експлозии во градот.
Во 2022 година, според полициските податоци, во Шведска се регистрирани 90 експлозии и 101 случај на обиди за бомбашки напади или подготовки за бомбашки напади. До 15 август годинава се регистрирани 109 експлозии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.
Свет
Премиерот на Гренланд: Со нетрпение ја очекувам посетата на данската премиерка

Гренландскиот премиер Јенс-Фредерик Нилсен денеска изјави дека со нетрпение ја очекува посетата на данската премиерка Мете Фредериксен во среда.
Нилсен рече дека Гренланд долго време ја посакувал оваа посета, објави Ројтерс.
Тој во неделата рече дека САД нема да го добијат Гренланд, одговарајќи на изјавите на американскиот претседател Доналд Трамп дека сака да ја преземе контролата врз оваа самоуправна автономна територија под суверенитет на Данска.
Свет
Од кабинетот на Зеленски негираат дека тој се подготвува да се кандидира за втор мандат

Од кабинетот на украинскиот претседател Володимир Зеленски го демантираат извештајот на британскиот Економист дека Зеленски се подготвува да се кандидира за втор мандат на претседателските избори во јули.
Оттаму исто така, негираа дека Зеленски одржал состанок за изборите во јули, на кој наводно, според Економист, му наредил на својот тим да ги организира изборите, пренесе УНИАН.
Извор од украинската влада изјави дека главното прашање сега е постигнување мир и дека е целосно лажно дека подготовките за изборите веќе се во тек.