Свет
Чуварите на затворите во Уганда не смеат да пишуваат на мобилни телефони за време на Светското првенство
Властите на Уганда му забранија на персоналот во затворите да користат мобилни телефони за време на Светското првенство, нагласувајќи дека затворениците би можеле да го искористат невниманието на чуварите за да организираат бегство.
„Поради натпреварите на Светското првенство на ФИФА, нивото на будност и внимателност на чуварите може да падне, што затворениците би можеле да го искористат за да избегаат“, изјави портпаролот на главниот комесар за затворите, Френк Мајања Бејн.
„Персоналот не треба да користи паметни телефони на работа бидејќи тие го одвлекуваат вниманието и го нарушуваат нивното ниво на будност и внимателност“, се вели во соопштението.
Затворските службеници, исто така, се советуваат да ја зголемат будноста во областите на затворот каде што на затворениците им е дозволено да гледаат фудбалски натпревари.
Бегството на затвореници од затворите во Уганда е честа појава бидејќи овие објекти често се преполни.
Во септември 2007 година, повеќе од 200 затвореници побегнаа од затворот со висок степен на обезбедување во регионот Карамоја во североисточниот дел на земјата.
Според официјалните податоци, повеќе од 6.000 затвореници во моментов ја отслужуваат својата казна во затворите во Уганда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.