Свет
Шангај продолжува со масовните тестирања, бројот на заразени од коронавирус продолжува да расте

Кинескиот комерцијален центар Шангај продолжува со масовно тестирање додека се обидува да го спречи новиот пораст на инфекции со Ковид-19, но некои окрузи ги олеснија правилата за затворање.
Шангај, кој досега беше релативно поштеден од коронавирусот, ги затвори училиштата и почна програма за тестирање во целата земја по што десетици станбени комплекси беа затворени најмалку 48 часа. Кина се бори со најлошата појава на Ковид-19 откако вирусот првпат се појави во Вухан во 2020 година. На 17 март земјата пријави 2.388 нови локални случаи со потврдени симптоми, речиси двојно повеќе од претходниот број.
Епидемијата, според меѓународните стандарди, не е голема и аналитичарите дебатираат колку бескомпромисниот одговор на Кина со нулта толеранција на Ковид-19 ќе ѝ наштети на економијата дома и во светот воопшто.
Доцна во четвртокот претседателот Шји Џјинпинг сигнализира дека сегашната стратегија за борба против епидемијата нема да биде отфрлена. „Победата доаѓа од упорноста“, рече тој на состанокот на постојаниот комитет на Политбирото повикувајќи на поефикасни мерки и напори за намалување на влијанието врз економијата, објавија државните медиуми.
Владата на Шангај, нагласувајќи дека нема да има затворања во целиот град како и во другите градови, рече дека ќе ги тестира жителите од четврти до четврти и ќе нареди 48-часовна блокада додека ги чекаат нивните резултати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.