Свет
Шведска ги затвора сопствените нуклеарни централи, а гради нови во Естонија
И покрај тоа што требаше да затвори една од своите нуклеарни централи од причини поврзани со безбедноста на животната средина на крајот на годината, државната шведска енергетска корпорација „Ватенфал“ постигна договор да помогне во изградбата на нови во странство со Естонија, пренесува „Спутник“.
„Се согласивме дека ќе работиме заедно на проект за да видиме дали е можно да се изградат мали модуларни реактори во Естонија”, изјави за националниот радиодифузер СВТ, Торбјерн Валборг, раководител на производство на електрична енергија во „Ватенфал“.
Естонскиот партнер на „Ватенфал“, „Ферми енергија“, веќе ја планира точната локација на нуклеарните централи. Според „Ватенфал“, нуклеарните централи можат да бидат во функција за десет години.
„Да, тоа е прилично конкретен проект. Постојат две локации што се потенцијални “, рече Валборг.
Сепак, одлуката на Шведска за изградба на нови нуклеарки во странство додека дома ги затвора нуклеарките зачуди многумина.
„Мислам дека е неверојатно што ја прекинувате нуклеарната енергија во Шведска истовремено со инвестициите во нуклеарна енергија на Балтикот. Би сакал да видам нешто слично направено во Шведска“, изјави за СВТ, Ларс Хјелмеред, портпарол за енергетска политика на партијата Модерати.
Vattenfall satsar alltså på ny kärnkraft i Estland. Och stänger samtidigt Ringhalsreaktorer i förtid?
”Vattenfall fördjupar samarbetet om små modulära reaktorer i Estland” https://t.co/GybM3zMVKJ
— Jan Ericson (@Ericson_ubbhult) December 12, 2020
„Ватенфал инвестира во нова нуклеарна енергија во Естонија додека ние предвреме ги затворивме реакторите во Рингхалс?, твитна пратеникот на Модератите, Јан Ериксон.
„Државната „Ватенфал“ ја исклучува нуклеарната енергија во Шведска, но гради нови реактори во нашите соседни земји. Владата сака да го затвори ‘Брома’ и го одложува проширувањето на ‘Арланда’, но инвестира во нови аеродроми во Виетнам. Дали сметате дека политиката на коалициската влада е логична?, твитна модератот Ларс Бекман.
Statliga vattenfall lägger ned kärnkraft i Sverige men bygger nytt i våra grannländer. Regeringen vill lägga ned Bromma och försenar Arlandas utbyggnad men investerar i nya flygplatser i
Vietnam. Tycker du att mp/s regeringens politik är logisk?
https://t.co/nbZJIyqbgL— Lars Beckman (@beckmansasikter) December 12, 2020
Министерката за животна средина, Изабела Ловин, одби да ја коментира нуклеарната соработка на „Ватенфал“ во Естонија, проследувајќи го прашањето до министерот за трговија и индустрија Ибрахим Бајлан. Тој, пак, ги препрати сите прашања назад до „Ватенфал“.
Од 1979 година, кога се случи првата голема нуклеарна несреќа во електраната на островот Три Мајл во близина на Харисбург, Пенсилванија, ставовите за нуклеарната енергија во Шведска се променија.
На референдумот во 1980 година се донесе одлука за постепено укинување и деактивирање на нуклеарките. Нема да се случи понатамошно проширување на нуклеарната енергија, а постојните реактори ќе бидат затворани со стапка неопходна за секторот за електрична енергија да ги задржи работните места и благосостојбата.
Во 2005 година, АЕЦ „Барсебек“ беше затворена, пред сè поради нејзината близина до данскиот главен град Копенхаген и поплаките на Данците со децении. Последователно, два од трите реактори во Оскаршам беа затворени, а беше донесена одлука и за затворање на два од четирите реактори во Рингалс.
Досега, производството на електрична енергија беше заменето со зголемување на енергијата кај другите реактори и проширување на енергијата на ветерот. Во Шведска моментално има 12 реактори исклучиво за производство на електрична енергија, од кои седум се во комерцијална употреба. Сите реактори се на лесна вода и користат збогатен ураниум како гориво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.