Европа
Шолц: Путин нема да ги постигне своите империјалистички цели во Украина
Рускиот претседател Владимир Путин „нема да ги постигне своите империјалистички цели“ во Украина, изјави денеска германскиот канцелар Олаф Шолц во видеопорака по повод првата годишнина од руската инвазија.
„Колку побргу рускиот претседател сфати дека нема да ги постигне своите империјалистички цели, толку се поголеми шансите за предвремен крај на војната“, рече тој.
Шолц рече дека Путин има способност „да стави крај на оваа војна“.
„Путин ги има сите карти во своите раце. Тој може да стави крај на оваа војна“, рече Шолц, пренесува „Бета-Франс прес“.
„Рускиот претседател не успеа. Владимир Путин сметаше на поделба и се случи спротивното“ додавајќи дека „Украина е пообединета од кога било“, а „Европската Унија е обединета“.
Германската канцеларка го увери Киев за „поддршката на Берлин“ нагласувајќи ја „одлучноста и храброста на Украинците“.
Сепак, Шолц додаде дека Германија ќе стори „сè за да избегне ескалација на војната меѓу Русија и НАТО“.
Тој изрази и задоволство поради тоа што Германија, која пред војната беше особено зависна од снабдувањето со енергија од Москва, „за една година се ослободи од руската енергија“.
Имаме доволно гас и нафта, економијата не е во длабока рецесија“, рече Шолц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.