Американскиот потпретседател Џеј-Ди Венс вчера сугерираше дека администрацијата на Доналд Трамп би можела да го преиспита своето воено присуство во Германија, поврзувајќи ги континуираните одбранбени обврски на САД со ставот на Берлин за слободата на говорот, пишува Политико.

Говорејќи на Конференцијата за политичко дејствување (CPAC) во Вашингтон, Венс директно ја нападна Германија за, како што тврди, нејзиното справување со ограничувањата на слободата на говорот на интернет, предупредувајќи дека американската јавност нема да го поддржи финансирањето на одбраната на земјата додека нејзината влада врши репресии врз политичкото изразување.

🚨 JD VANCE just dropped an absolute truth nuke.

“Germany's entire defense is subsidized by the American taxpayer. There are thousands upon thousands of American troops in Germany today.”

“Do you think that the American taxpayer is gonna stand for that if you get thrown in jail… pic.twitter.com/Uxv9ypTXuv

— Eric Daugherty (@EricLDaugh) February 20, 2025

„Размислете за ова“, започна Венс. „Целата одбрана на Германија е субвенционирана од американските даночни обврзници. Денеска во Германија има илјадници и илјадници американски војници. Дали мислите дека американските даночни обврзници ќе го поддржат тоа ако ве затворат во Германија поради злобен твит? Се разбира дека не“.

Неговите коментари, кои предизвикаа силен аплауз од публиката, се продолжение на острите ескалации во пристапот на администрацијата на Доналд Трамп кон трансатлантските односи, пишува Политико. Коментарите доаѓаат по жестокиот говор што Венс го одржа претходно овој месец на Минхенската безбедносна конференција, каде што ги критикуваше европските лидери за нивната миграциска политика и наводната политичка цензура.

Говорот на Венс во Минхен предизвика остри реакции низ европскиот политички спектар, бидејќи тој ги обвини западните лидери за поткопување на демократските вредности преку масовна миграција и потиснување на слободата на говорот.

Советникот за национална безбедност на Трамп зборуваше на Конференцијата за конзервативно политичко дејствување.

Мајк Волц, член на американскиот тим што ги започна преговорите со Москва во вторникот, рече дека очекува украинскиот претседател Володимир Зеленски да го потпише договорот според кој Соединетите Држави ќе добијат дел од богатството од рудните ресурси на Украина.

US National Security Adviser Mike Waltz says President Zelenskyy "will sign" the minerals deal. https://t.co/PAiZ4D1jU3

📺 Sky 501 and YouTube pic.twitter.com/QVv0W1gTER

— Sky News (@SkyNews) February 21, 2025

„Видете, ова е важна црта – претседателот Зеленски ќе го потпише овој договор. И ќе го видите тоа за многу кратко време, а тоа е добро за Украина. Што може да имате подобро за Украина од економско партнерство со САД“, праша Волц.

Шефот на кабинетот на украинскиот претседател, Андриј Јермак претходно денеска изјави дека разговарал со Волц и дека разговарале за „хармонизирање на позициите“. Јермак тврди дека Волц „ја истакнал важноста од одржување на билатералната соработка и високо ниво на односи меѓу Украина и САД“.

Трамп сака да добие пристап до украинските минерали како форма на репарација за милијардите долари што САД ги потроши за поддршка на Киев.

Австрија е на ставот дека не може да има преговори за ставање крај на руската агресија врз Украина без учество на самата Украина и дека мирот мора да биде праведен и не смее да им се наметнува на Украинците. Ова го соопшти австриското федерално министерство за европски и надворешни работи во ексклузивен коментар за Укринформ.

„На 24 февруари се навршуваат три години откако рускиот претседател Путин без причина започна брутална агресивна војна против Украина, во спротивност со меѓународното право. Како и секоја војна, така и оваа мора да заврши на преговарачка маса. На Австрија и е јасно дека ова не смее да биде мир наметнат на Украина. Тоа треба да биде сеопфатен, праведен и одржлив мир заснован на меѓународното право“, соопшти Министерството.

Австриското Министерство за надворешни работи нагласи дека Украина треба да одлучи кога и под кои услови ќе дојде мир како резултат на преговорите.

„Останува на Украинците да одлучат кога и како тоа ќе се случи. Нема преговори за Украина без Украина“, се вели во соопштението на Министерството за ставот на Австрија за мирно решение во Украина и покрај активните напори на САД во таа насока.

Во вторникот, на 18 февруари, американска делегација и претставници на Русија, одржаа преговори во главниот град на Саудиска Арабија, Ријад, за да разговараат за завршување на војната во Украина.