Свет
Шпанија и Италија почнуваат да ги олеснуваат мерките за да ја заживеат економијата

Шпанија, која е една од најлошо погодените земји со пандемијата на коронавирусот, почнува со попуштање на рестриктивните мерки, кои ја доведоа економијата на земјата во застој.
На вработените во фабриките, градежништвото и некои услужни дејности ќе им биде дозволено да се вратат на своите работни места, но мораат да се придржуваат до строги правила за безбедност. Останатиот дел од населението мора да остане дома.
Повеќе од 16.970 луѓе во Шпанија починаа од коронавирус, но нивото на новозаболени опаѓа.
Италија која е најтешко погодена земја во Европа, со речиси 19.900 починати од Ковид-19, ќе дозволи попуштање на рестриктивните мерки и на тесен круг фирми од утре ќе им дозволи да почнат со работа.
Министерството за здравство на Шпанија вчера соопшти дека дневниот број на смртни случаи благо се зголемил, со 619 пријавени во претходните 24 часа, откако падна за три последователни дена.
Како и да е, бројот на нови инфекции беше приближно половина од тоа што беше една недела претходно, со 4.167 потврдени случаи со што вкупниот број достигна 166.019.
„Ние сме сè уште далеку од победата, од моментот кога тој ќе ја врати нормалноста во нашите животи“, предупреди премиерот Педро Санчез.
„Сите сме заинтересирани да се вратиме на улиците … но нашата желба е уште поголема да победиме во војната и да спречиме враќање на болеста“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Tрамп на состанок со Зеленски: Украна ќе добие безбедносни гаранции

Претседателот на САД, Доналд Трамп за време на состанокот во Овалната соба со украинскиот претседател, Володимир Зеленски, рече дека Украина ќе добие некаков вид безбедносни гаранции, но не прецизираше дали тоа ги вклучува и американските сили.
Зборувајќи во Белата куќа, американскиот претседател изјави:
„Ќе има многу помош кога станува збор за безбедноста. Ќе има многу помош. Ќе биде добро. Тие се првата линија на одбрана затоа што се таму, но и ние ќе им помогнеме. Ќе бидеме вклучени кога ќе дојде вистинското време.“
На Трамп му беше поставено и прашањеѕп дали денешниот самит е „договор или ништо“.
„Не можам да го кажам тоа“, одговори Трамп.
„Никогаш не е крај на патот. Луѓе умираат и ние сакаме да го спречиме тоа. Затоа не би рекол дека е крај. Мислам дека сега имаме добра шанса.“
Трамп додаде дека верува оти и Владимир Путин сака крај на војната.
Слетете ВО ЖИВО.
Свет
(Во живо) Eвропските лидери стигнаа во Вашингтон, почнува средбата меѓу Трамп и Зеленски

Претседателите на Украина и САД, Володимир Зеленски и Доналд Трамп повторно се сретнаa лице в лице во Вашингтон.
Тоа e нивна четврта средба во живо оваа година, и секоја од нив досега беше посебна на свој начин.
Претходно челниците на ЕУ и НАТО стигнаа во Белата куќа. Се очекува сите да се состанат по средбата меѓу Трамп и Зеленски.
Во Вашингтон стигнаа претседателката на ЕК, Урсула Фон дер Лајен, првиот човек на НАТО, Марк Руте, претседателот на Фрација, Емануел Макрон, канцеларот на Германија, Фридрих Мерц, британскиот премиер Кир Стамер, како и премиерката на Италија, Џорџа Мелони.
Свет
Хамас го прифати новиот предлог за прекин на огнот во Газа

Хамас го прифати новиот предлог за прекин на огнот во Газа, кој беше презентиран на групата денес во Каиро, објавува Ројтерс.
Досега, напорите на медијаторите на Египет и Катар, заедно со Соединетите Американски Држави, не успеаја да постигнат траен прекин на огнот во војната што предизвика сериозна хуманитарна криза во Појасот Газа повеќе од 22 месеци.
Палестински функционер, кој разговараше со АФП под услов да остане анонимен, рече дека најновиот предлог на медијаторите е „рамковен договор за отворање преговори за траен прекин на огнот“, со почетен 60-дневен прекин на огнот и ослободување на заложниците во две фази.
Извор од Исламски џихад, палестинската вооружена група која учествуваше заедно со Хамас во борбите во Газа, за АФП изјави дека планот вклучува „договор за 60-дневен прекин на огнот, во кој ќе бидат ослободени 10 живи израелски заложници, заедно со одреден број тела“.
Од вкупно 251 заложник земени за време на нападот на Хамас во октомври 2023 година, кој ја предизвика војната, 49 се уште се во Газа, вклучувајќи 27 за кои израелската војска вели дека се мртви.
Според извор од Исламски џихад, преостанатите заложници ќе бидат ослободени во втората фаза, а веднаш ќе следат преговори за поширок договор за траен крај на војната и агресијата со меѓународни гаранции. Изворот додаде дека сите фракции го поддржуваат она што го презентираа египетските и катарските медијатори.
Египетскиот министер за надворешни работи, Бадр Абделати, за време на посетата на граничниот премин Рафах со Газа, денес изјави дека катарскиот премиер, шеикот Мохамед бин Абдулрахман Ал Тани, пристигнал за да ги зајакне нивните постоечки заеднички напори и да изврши максимален притисок врз двете страни за што поскоро постигнување договор.
Зборувајќи за тешките хуманитарни услови за повеќе од два милиони жители на Газа, каде што агенциите на ОН и организациите за помош предупредуваат на глад, Абделати ја нагласи итноста од постигнување договор.
„Актуелната ситуација на терен е незамислива“, рече тој.