Свет
„Јас сум повеќе политички настроен“ – прво интервју со синот на Сорос по преземањето на империјата на татко му

Александар Сорос (37), син на милијардерот, инвеститор и филантроп Џорџ Сорос (92), го даде своето прво интервју откако ја презеде империјата на неговиот татко вредна 25 милијарди долари.
„Јас сум повеќе политички настроен“, изјави Алекс Сорос за „Волстрит журнал“ во своето прво интервју по неговиот избор, што укажува на неговата намера да ги прошири либералните цели на неговиот татко, пишува „Фокс бизнис“.
Како што изјави, планира да продолжи по стапките на својот татко да ги поддржува левичарските политичари.
„Колку и да сакам да ги држам парите надвор од политиката, се додека другата страна го прави тоа, ќе мораме и ние“, рече тој.
Инаку, Алекс Сорос беше избран за претседател на соросовата непрофитна Фондација Отворено општество, а сега раководи со политичките активности како претседател на Соросовиот супер PAC, кој ги поддржа кампањите за левичарските обвинители и спроведување на законот во претежно демократски американски градови, вклучувајќи го и окружниот обвинител на Менхетен, Алвин Брег, кој сега го гони Трамп.
Тој неодамна се состана со претставници на администрацијата на Бајден, лидерот на мнозинството во Сенатот Чак Шумер и шефови на држави, вклучително и бразилскиот претседател Луис Инасио Лула да Силва и канадскиот премиер Џастин Трудо. Џорџ Сорос рече дека претходно не сакал едно од неговите деца да ја преземе фондацијата како „принципиелно прашање“, бидејќи смета дека со неа „треба да управува некој што најмногу му одговара“.
„Тој тоа го заслужи“, рече Сорос за својот син Алекс.
Инаку, претходно се веруваше дека наследник на неговиот татко ќе биде постариот полубрат на Алекс, Џонатан Сорос (52), адвокат со финансиско искуство. За разлика од некои од левицата, Алекс Сорос рече дека верува оти слободата на говор станала премногу ограничена на некои колеџ кампуси.
Треба да се напомене дека Фондацијата Отворено општество насочува околу една и пол милијарда долари годишно на организации кои ги поддржуваат човековите права ширум светот. Алекс Сорос е единствениот член на семејството во инвестициската комисија која го надгледува управувањето со Фондот на Сорос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Брановите удрија во брегот – први снимки од цунами по разорниот земјотрес во Русија

Првиот бран на цунами ја погоди крајбрежната зона на Северно-курилскиот регион, откако Камчатка беше погодена од разорен земјотрес со магнитуда од 8,8 степени според Рихтеровата скала во текот на ноќта.
„Првиот бран на цунами ја погоди крајбрежната зона на Севернокурилскиот регион. Жителите на населбата се на безбедно високо место и ќе останат таму сè додека заканата од повторени бранови целосно не се отстрани“, се вели во соопштението на гувернерот на Сахалинскиот регион Валериј Лимаренко.
NOW – Tsunami waves hit Russian coast along Severo-Kurilsk. pic.twitter.com/1cxuFHohVL
— Disclose.tv (@disclosetv) July 30, 2025
Според податоците на Министерството за вонредни ситуации на Русија, самиот град и компанијата за преработка на риба „Алаид“ беа потопени како резултат на катастрофата.
Видео што кружи на социјалните мрежи покажува како морето „се втурнува“ во длабочините на копното со брзина на молња, додека големи бранови се развиваат на отвореното море.
Издадено е предупредување за цунами за западниот брег на САД, Јапонија.
Ова е најсилниот земјотрес регистриран во последните 14 години, поточно од катастрофалниот земјотрес во Јапонија во 2011 година, со јачина од 9,1 степени според Рихтеровата скала, кој однесе повеќе од 19.000 животи.
Свет
Сирените се огласија на Хаваите по предупредувањето за цунми, луѓето со автомобили бегаат на безбедно

Новинарот Џон Летман кој живее на Кауаи, најстариот хавајски остров, објави дека сирените за предупредување за цунами се огласиле втор пат во 16:10 часот по локално време и можеле да се слушнат на повеќе острови, вклучувајќи ги Оаху и Кауаи.
Кајл Каџихиро, доцент на Универзитетот Хаваи-Маноа, бил на кампусот кога го добил предупредувањето за цунами на својот мобилен телефон. Каџихиро рече дека кампусот се затвора и сообраќајот на автопатите во Хонолулу е значително густ.
На Кауаи, кратко откако беше издадено предупредувањето за цунами, персоналот во Националната тропска ботаничка градина ги прекина турите на нејзиниот јужен брег и ги премести сите посетители и персонал од зоната на поплавување на повисоки места.
Денешниот силен земјотрес се рангира меѓу десетте најсилни во историјата, потврди во интервју за Би-Би-Си доцентката Хелен Јанишевски од Одделот за геофизика и тектоника на Универзитетот на Хаваи. Според Геолошкиот завод на САД (USGS), земјотресот со магнитуда од 8,8 степени го дели шестото место на листата на најсилни земјотреси некогаш регистрирани, изедначувајќи се со земјотресот во Биоби во Чиле во 2010 година и оној во Есмералдас, Еквадор во 1906 година.
Силниот земјотрес го погоди полуостровот Камчатка на далечниот исток на Русија, предизвикувајќи цунами високо до четири метри, оштетувајќи згради и активирајќи тревоги и евакуации низ Тихиот Океан.
Неколку лица се повредени во тој оддалечен руски регион, а на населението на поголемиот дел од источниот брег на Јапонија, кое силно страдаше во катастрофалниот земјотрес и цунамито од 2011 година, му беше наредено да се евакуира.
„Денешниот земјотрес беше сериозен и најсилен во последните десет години“, објави гувернерот на Камчатка на Телеграм.
Свет
Tрамп ги предупреди Американците за цунами по земјотресот од 8,8 степени во Русија

Во текот на изминатите неколку часа, повеќе земји, вклучувајќи ги САД и Јапонија, беа издадени предупредувања за цунами и наредби за евакуација откако земјотрес со јачина од 8,8 степени го погоди брегот на Русија.
Тоа е еден од најсилните земјотреси некогаш регистрирани.
Претседателот на САД, Доналд Трамп, објави на социјалните мрежи: Поради разорниот земјотрес што го погоди Тихиот Океан, на сила е предупредување за цунами за сите жители на Хаваи.
Издадена е тревога за цунами за Алјаска и тихоокеанскиот брег на Соединетите Американски Држави, а бранови го погодија и јапонскиот брег.