Свет
Јуриј Ушаков: Русија е подготвена за преговори со САД доколку добие сигнали од Вашингтон

Русија е отворена за дијалог со новата американска администрација за украинскиот конфликт доколку од Вашингтон дојдат соодветни сигнали, изјави денеска помошникот на рускиот претседател Јуриј Ушаков.
Тој додаде дека Москва се уште не добила конкретни предлози од Вашингтон за организирање телефонски разговор меѓу рускиот претседател Владимир Путин и американскиот претседател Доналд Трамп, пренесува РИА Новости.
„Нашиот претседател, исто така, истакна дека и покрај медиумските информации за намерата на претседателот Трамп да организира, особено, телефонски разговор со нас, сè уште нема конкретни предлози од Вашингтон во врска со тоа“, изјави Ушаков за новинарите по разговорите на Путин со кинескиот претседател Си Џинпинг.
Ушаков претходно истакна дека прво треба да се решат горливите прашања, а потоа практичните.
„Прво, сепак треба да се договорите за главните прашања, а кога некои договори ќе се постигнат или се некаде на повидок, тогаш на ред ќе дојде да се решат практичните прашања, што во случај на договор на високо ниво за некои важни прашања дека ќе биде полесно да се решат“, рече Ушаков на прашањето како може да се организира средба меѓу Путин и Трамп во сегашните услови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.