Европа
„Њујорк тајмс“: Трамп е нервозен поради можното обвинение -„Нема да му биде убаво или возбудливо“

Поранешниот американски претседател Доналд Трамп бил многу нервозен поради можното обвинение, пренесува „Њујорк тајмс“.
Како што пишува весникот, Трамп „не сака да биде уапсен, што обично се случува кога некој е обвинет“.
„Њујорк тајмс“ пишува дека Трамп е нервозен поради тоа што ќе се соочи со обвинение за „исплата на премолчени пари“ на ѕвездата од филмовите за возрасни Сторми Даниелс за да молчи за нивната наводна афера. Според весникот, тој е обвинет дека и платил на порно ѕвезда 130.000 долари во последните денови од претседателската кампања во 2016 година.
Доколку биде обвинет, Трамп ќе биде првиот американски претседател кој ќе биде кривично гонет.
Во објавата на неговата платформа „Truth Social“ во саботата, Трамп рече дека очекува да биде уапсен во вторник и ги повика своите приврзаници да протестираат против властите доколку биде приведен и обвинет. Тој објави долга изјава во која ја опишува истрагата како „политички лов на вештерки што се обидува да го собори водечкиот кандидат, убедливо, во Републиканската партија“.
Инаку, според медиумот, ова е само една од истрагите што се водат против Трамп. Двете големи што се во тек се оние кои се однесуваат на обидот за државен удар по изборите во 2020 година, како и за откривањето на доверливи владини документи на неговиот имот во Мар-а-Лаго.
„Тој е многу нервозен затоа што се соочува со повеќе обвиненија“, изјави репортерката на „Њујорк Тајмс“, Меги Хаберман за Си-Ен-Ен.
„Може да се појават две работи одеднаш. Тој знае дека има причини да верува дека ова може да му помогне политички. Но, тој не сака да се соочи со апсење, што обично се случува кога некој е обвинет. Тие ви земаат отпечатоци од прсти. Тие ве земаат во притвор. Мора да побарате кауција. Ништо од тоа нема да биде возбудливо за него“, рече Хаберман.
Таа повтори дека Трамп и неговиот тим подготвуваат напад врз обвинителот со цел да го обвинат дека е „агент на Демократската партија“ и дека работи со неговиот тим во корист на актуелниот американски претседател Џозеф Бајден, на кого Трамп сака да му се одмазди за неговиот пораз на претходните претседателски избори, пренесува медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Запечатена резиденција на папата, во Ватикан владее седисвакација

Ватикан ја запечати официјалната резиденција на папата Франциско, симболично започнувајќи период на жалост.
На снимката објавена од Ватикан се гледа кардиналот Кевин Џозеф Фарел, камерленгото, како гледа како службеник на Ватикан става црвена лента на вратата од резиденцијата на папата, ја врзува, а потоа става восочен печат на лентата. После тоа, Фарел ја проверува пломбата и се уверува дека вратата е цврсто затворена.
The papal apartments in the Apostolic Palace — unused during Pope Francis’ pontificate — have been officially sealed by Cardinal camerlengo Kevin Farrell following the Pope’s death. This act marks the beginning of the “sede vacante” period, during which the See of Peter remains… pic.twitter.com/p3PcYqN050
— EWTN Vatican (@EWTNVatican) April 21, 2025
Запечатувањето на папската резиденција е традиционален обред што го изведува камерленго, привремениот управител на Ватикан, а историски служел за да се спречи ограбувањето на папските одаи.
Овој чин го симболизира официјалниот крај на понтификатот на папата Франциско и почетокот на периодот на седисвакација – период без папа.
Европа
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата

Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо во базиликата Свети Петар во Ватикан, каде што многу од неговите претходници го најдоа своето последно почивалиште.
Во тестаментот објавен од Ватикан, Франциско јасно ја изразил својата желба да биде погребан „во земја, без посебни украси“, а над неговиот гроб треба да стои едноставна плоча со неговото папско име на латински: Franciscus.
Папата исто така напишал дека договорил неименуван добротвор да ги покрие трошоците за неговиот погреб.
„Трошоците за подготовка на погребот ќе бидат покриени од сумата што ја обезбеди добродетелот, кој договорив да биде префрлен во базиликата Света Марија Велика“, стои во тестаментот.
Европа
Ватикан: Папата почина од мозочен удар и срцево затајување

Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со електрокардиограм“, пишува во изводот на смртта потпишан од директорот на Одделот за здравје и хигиена на Ватикан, професор Андреа Аркангели.
„Потврдувам дека Неговата Светост Франциско (Хорхе Марио Бергољо), роден во Буенос Аирес (Аргентина) на 17 декември 1936 година, жител на Ватикан, државјанин на Ватикан, почина во 7:35 часот на 21 април 2025 година, во неговиот стан во резиденцијата Санта Марта“, напиша тој.
Аркангели наведува дека папата по мозочниот удар прво паднал во кома, а потоа починал. Причините за смртта се „мозочен удар“, „кома“ и „неповратна кардиоциркулаторна инсуфициенција“, се вели во соопштението. Во документот се додаваат и претходните здравствени проблеми на папата, „епизоди на акутна респираторна инсуфициенција со билатерална мултимикробна пневмонија, хипертензија и дијабетес тип II“.
Папата Франциско почина околу 90 минути откако утрово го разбудил будилникот, јавија италијанските медиуми. Тој наводно се разбудил кога алармот му се вклучил во 6 часот, му се слошило во 7 часот наутро, а починал од мозочен удар во 7:35 часот, пишува „Кориере дела Сера“. Лекарите претходно објавија дека тој „починал мирно“.