Свет
Џеј-Зи и Мик Мил понудија 50 милиони долари за ослободување затвореници

Раперите Џеј-Зи, Мик Мил, како и спортски и бизнис-лидери понудија 50 милиони долари за да го реформираат американскиот кривично-правен систем. Реформската алијанса, инспирирана од неодамнешниот престој во затвор на Мик Мили, поради прекршување на условната казна, се надева дека за пет години ќе ослободи еден милион затвореници.
Коосновачи на иницијативата се сопствениците на „Патриоти на Нова Англија“ и „Филаделфија 76“, Роберт Крафт и Мајкл Рубин.
Мисијата на групата е драматично да го намали бројот на луѓе кои неправедно се под контрола на кривично-правниот систем, почнувајќи со условна казна и условно ослободување. Мек Мил ги искуси сите три: условна казна, помилување и затвор.
Алијансата за реформи вели дека неговиот случај е пример за катастрофални и долготрајни последици, кои произлегуваат по само еден контакт со системот на кривичната правда.
Раперот беше уапсен во 2007 година, на возраст од 19 години, според него погрешно, за дрога и поседување пиштол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Додик: Добив понуда од моќни луѓе

Претседателот на Република Српска, Милорад Додик, изјави дека некои моќни луѓе од Европа му понудиле мирно да ја напушти Босна и Херцеговина.
„Имам понуда од некои моќни европски луѓе, кои ми испратија порака дека немаат ништо против да заминам и да бидам слободен во Унгарија, Русија, Србија, каде и да сакам“, рече Додик во емисијата „Телеринг“ на РТРС. Тој рече дека нема да ја напушти Република Српска.
Пред еден месец судот на БиХ издаде налог за апсење на Додик и му одреди едномесечен притвор поради одбивање да се јави на поканата од Обвинителството на БиХ за сослушување како осомничено лице.
Додик беше прогласен за виновен со првостепената пресуда за непочитување на одлуките на високиот претставник Кристијан Шмит. Покрај тоа, Додик е под истрага за сомнителното купување вила во Белград, а тој одби да се јави на поканата за сослушување во тој случај.
Свет
Во Турција уапсени 525 дилери на дрога во најголемата операција во земјата

Турската полиција уапси 525 осомничени дилери на дрога во операции во Анкара, што е најголемата операција против дрога во историјата на земјата, објави министерот за внатрешни работи на земјата, Али Јерликај.
Во операцијата учествувале илјадници полицајци, кучиња трагачи, дронови и хеликоптери, а цел биле повеќе од 625 објекти, рече Јерликај, објави АП.
Рациите следуваа по шестмесечен технички и физички надзор на секој осомничен.
Свет
Италијанскиот претседател се врати во својата резиденција по успешната операција

Италијанскиот претседател Серџо Матарела денес ја напушти болницата „Санто Спирито“ во Рим по вградувањето пејсмејкер.
Во вторникот Матарела успешно беше подложен на хируршка интервенција за инсталирање пејсмејкер, а претседателството нагласи дека нема причина за загриженост, објави „Анса“.
Тој се врати во својата резиденција, објави неговиот кабинет.
Веста за хоспитализацијата на претседателот предизвика многубројни пораки за поддршка од сите политички кругови, вклучително и од премиерката на земјата, Џорџа Мелони.
„Му ги испраќам моите најтопли желби на претседателот Матарела за брзо и целосно закрепнување. Италија ве очекува набргу со истата сила и посветеност“, рече Мелони преку социјалните мрежи, пренесува „Танјуг“.