Свет
Џонсон жестоко нападнат поради различните бројки на починати, се бара истрага
Британскиот премиер, Борис Џонсин, се соочи со повици за истрага за справувањето на неговата влада со коронавирусот, бидејќи не успеала во целост да ги објасни разликите во податоците со бројот на починати, малиот број тестирања и недостигот на опрема во болниците.
Епидемијата на коронавирусот, која е најлоша здравствена криза од пандемијата на грип во 1918 година, ги стави владите во светот во ситуација без преседан со населението под стрес, застој на глобалните економии и преоптовареност на здравствените системи.
Џонсон првично не беше подготвен да одобри рестриктивни мерки какви што наметнаа другите европски лидери, туку подоцна ги усвои, кога проекциите покажаа дека во Обединетото Кралство би можеле да умрат 250.000 луѓе.
Од воведувањето на мерките владата дава противречни објаснувања за тоа зошто не се придржила до шемата на ЕУ за купување респиратори и признала дека има проблем во набавката на заштитна опрема за здравствените работници.
„Кога ќе ја пребродиме оваа криза, ќе биде потребно да се спроведе независна истрага за официјално да се преиспита одоговорот на владата на пандемијата“, рекол Ед Давеј, вршител на должноста шеф на опозициските ливерални демократи.
„Истрагата мора да има најсилни овластувања со оглед на шокантниот недостиг на заштитна опрема за персоналот и бавниот одоговор на владата, за да се утврди вистината и да му пружи можност на Борис Џонсон да одговори на сите сериозни прашања“, додал тој.
И лидерот на опозициската Лабуристичка партија, Кир Стармер, рече дека владата е бавна во одговорот на кризата.
Џонсон се разболе од Ковид-19 на почетокот од овој месец и заврши на интензивна нега. Сега заздравува, но одржува онлајн по неколку состаноци.
Вистинскиот број смртни случаи на Ковид-19 во Велика Британија беше 40 проценти поголем од владините бројки до 10 април, покажаа официјалните податоци според кои земјата би можела да биде меѓу најтешко погодените во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.