Свет
Полициските пари за пасоши завршиле кај лихвари

Службеник за издавање патни исправи си ги присвојувал парите што граѓаните му ги плаќале за да добијат нов пасош оти заглавил во долгови кај скопски лихвари, дознава „Време“ од полициски извори.
Службеник за издавање патни исправи си ги присвојувал парите што граѓаните му ги плаќале за да добијат нов пасош оти заглавил во долгови кај скопски лихвари, дознава „Време“ од полициски извори.
Тој пред контролорите се правдал дека морал да си ги присвои парите оти луѓето на кои им должел, наводно, биле многу опасни лихвари. Нашите извори велат дека осомничениот референт знаел дека ќе биде откриен и сметал дека е подобро да заврши во затвор, отколку да се пресметува со доверителите.
Пописна комисија на МВР утврдил дека недостигаат пари што граѓани ги уплатувале за да добијат пасош. Пописот се уште траел и затоа не се знае колку пари осомничениот референт ставил в џеб.
Првичните неофицијални информации беа дека недостигаат неколку стотици пасоши.
– Не се работи за тоа дека недостигаат патни исправи, туку пари што биле плаќани за патни исправи. Осомничен е еден вработен во одделението, кој парите за пасошите не ги предал во определеното време. Несомнено е дека станува збор за злоупотреба на службената положба. Пописот се уште трае и во овој момент не можам ништо повеќе да информирам – ни рече Горан Павловски, шеф на кабинетот на министерот.
Сепак, извори блиски на пописната комисија сметаат дека недостигаат пари за неколку стотици пасоши.
Дознаваме дека пописот бил редовен во МВР, а покрај скопското одделение се проверуваат сите вакви одделенија во земјава. Покрај работењето со пасошите надлежната комисијата испитувала дали е се регуларно и со издавањето лични карти, возачки дозволи, сообраќајни дозволи и други документи што се сопственост на МВР.
Според сознанијата на пописната комисија, има сомневања и за други злоупотреби со личните документи, особено, во тетовската полиција.
Вчера во скопското одделение редовно се одвиваше работата. Вработените не беа расположени да го коментираат пописот.
– За тоа барајте информација од МВР. Ние не знаеме ништо – кратко ни одговорија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети

Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.