Свет
Поради „Енгро Туш“ ќе се менува урбанистичкиот план
За да се изгради
хипермаркетот на словенечката фирма „Енгро Туш“, ќе треба да се измени
урбанистичкиот план на Струга, велат општинските власти.
За да се изгради
хипермаркетот на словенечката фирма „Енгро Туш“, ќе треба да се измени
урбанистичкиот план на Струга, велат општинските власти.
– Советот на општината
Струга ќе треба да донесе одлука за пренамена на просторот за спорт и
рекреација во простор за деловно работење и трговија – вели Павлина Бандоска од
Градежната инспекција при општинската администрација во Струга.
Бандоска уште појаснува
дека пренамената на просторот ќе може да се направи само ако во деталниот
урбанистички план на градот на местото предвидено за изградба на хипермаркетот
не се предвидени други придружни објекти за потребите на спортско-деловниот
објект што сега постои на оваа локација.
Стручно мислење за
пренамена на просторот ќе треба да даде комисијата за урбанизам, а за издавање
одобрение за изградба ќе одлучуваат локалните референти за урбанизам. Никој од
надлежните во општината Струга не прецизира кога ќе почне изградбата на
хипермаркетот, но велат дека целата процедура ќе се спроведе според законските
прописи.
– Преговорите со
господинот Туш се во прелиминарна фаза. Доколку завршат успешно, советот на
општината Струга дополнително ќе расправа за модалитетите во однос на
сопственоста и обезбедување на локацијата за градба, што значи и изгласување
одлука за измена на деталниот урбанистички план – изјави Зоран Гулицоски,
началник на одделението за општи и заеднички работи во општината Струга.
Се уште останува нејасно
дали поради замената на земјиштето, на кое се наоѓа неизградената спортска
сала, а ќе се гради хипермаркетот, Словенците нема да ги платат давачките кон
општината.
Градоначалникот на
општината Струга, Рамис Мерко, претходно изјави дека во замена за земјиштето,
„Енгро Туш“ ќе треба да ја доизгради спортската сала, а ќе треба да ги уреди и
плажите на Мал и Црн Дрим. Како што пишуваше „Време“, оваа словенечка фирма ќе
гради хипермаркет на површина од 12.000 квадратни метри на влезот на Струга,
покрај магистралниот пат
Струга-Ќафасан.
И. О.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полицијата уапси маж во Хемпшир: фрлил 50 мртви животни пред продавница
37-годишен маж е уапсен во Хемпшир откако повеќе од 50 мртви животни биле фрлени пред продавница.
Еден од вработените ја отворал продавницата кога наишол на „ужасна“ сцена, пренесува „Sky News“. Била повикана полиција која пред продавницата пронашла околу 50 мртви зајаци и други животни.
Полицајците на Хемпшир и вооружениот тим истражувале и откриле дека животните биле застрелани со огнено оружје. Дел од животните се заштитени со закон.
Полицијата синоќа соопшти дека тој се уште е во притвор.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски „Индекс“.
Новинар и снимател на српски „Информер“ пристигнале пред куќата на вујкото на Данка, каде што се случил помал инцидент. Пред нив излегол маж, кој се претставил како вујко на Данка, и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ „Информер“ во еден момент велат: „Удри го Рафа, удри го!“ и додаваат дека ќе биде добро за „шерот“ (удел во вкупна ТВ-гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.
Свет
Туск: Европа е во предвоена состојба, следните две години ќе решат сè
Полскиот премиер Доналд Туск оцени дека ситуацијата во Европа е најлоша од крајот на Втората светска војна и апелира до Европејците да сфатат дека војната не е концепт од минатото, туку дека живеат во предвоена состојба, во која секое сценарио е можно и дека во следните две години сè ќе се реши.
„Не сакам никого да исплашам, но војната повеќе не е концепт од минатото. Реално е, почна пред две години. Знам како звучи за луѓето од помладата генерација, но мораме ментално да прифатиме дека доаѓа нова ера. Предвоена ера. Не претерувам“, изјави Туск во интервју за неколку европски медиуми, меѓу кои и полскиот весник „Газета Виборча“.
Тој рече дека шпанскиот премиер Педро Санчез побарал на самитот на Европската Унија зборот војна повеќе да не се користи во документите на ЕУ бидејќи луѓето не сакаат да се плашат на тој начин, а во Шпанија тоа им звучи апстрактно.
„Она што предизвикува најголем немир денес е тоа што буквално секое сценарио е можно. Ваква ситуација не сме имале од 1945 година. Јас одговорив дека во мојот дел од Европа војната повеќе не е апстрактна и дека наша обврска не е да разговараме, туку да дејствуваме и да се подготвуваме за одбрана“, рече Туск.
Полскиот премиер во интервју за „Газета Виборча“ апелира да го отфрли размислувањето „што ако“ бидејќи главната задача на Западот е да ја брани Украина да остане независна држава со територијален интегритет.
„Иднината на Украина е главно во наши раце. Не се работи само за Полска и ЕУ, туку за целиот Запад. Од нас зависи дали Украина ќе успее да ги избегне песимистичките сценарија. Денес, ситуацијата е многу потешка отколку пред една година, но многу подобра отколку на почетокот на војната кога војниците на Путин стоеја на периферијата на Киев“, изјави полскиот премиер, пренесува „Бета“.
Без разлика кој ќе биде во Белата куќа во следниот мандат, Туск смета дека Европа мора поактивно да ги негува трансатлантските врски и дека е погрешно да се мисли дека е лојална само ако се откаже од воените амбиции или, напротив, дека поради политиката на поранешниот американски претседател Доналд Трамп и антиамериканските чувства во некои европски земји, тие треба целосно да го прекинат сојузот со САД.
„Потребен ни е силен сојуз со САД и во исто време мора да бидеме независни и самодоволни кога станува збор за одбраната. Наша задача е да ги негуваме односите без разлика кој ќе биде претседател на САД. Нема причина Европејците да не го почитуваат основниот принцип и да не издвојуваат најмалку два отсто од БДП за одбрана“, рече Туск.
Полскиот премиер рече дека разбира оти Шпанија или Италија не сакаат да издвојуваат четири отсто од БДП годишно, по примерот на неговата земја.
„Но, два отсто од БДП едноставно мора. Не разбирам како некој може да го оспори тоа. Треба да издвоиме што е можно повеќе за набавка на оружје и муниција за Украина бидејќи живееме во најкритичниот момент од крајот на Втората светска војна. Следните две години ќе одлучат сè. Ако Украина биде поразена, никој во Европа нема да може да се чувствува безбеден“, рече Туск.
Полскиот премиер предупреди дека рускиот претседател Владимир Путин ја обвинува Украина за терористички напад на концертот во Красногорск и дека, како што наведе, тоа го прави без никакви докази.
„Од историјата знаеме дека Путин користи ваков тип на трагедии за свои цели. Се сеќаваме што се случи по нападот на театарот во Дубровка или училиштето во Беслан. Путин веќе почна да ја обвинува Украина иако не покажа никакви докази. Очигледно е дека треба да оправда уште побрутални напади врз цивилни објекти во Украина“, изјави Туск во интервју за европските медиуми.