Свет
Онлајн вестите попопуларни од весниците во САД
Читањето онлајн вести стана попопуларно од читањето на весници во САД, покажува истражувањето на центарот „Pew Research“.
Читањето онлајн вести стана попопуларно од читањето на весници во САД, покажува истражувањето на центарот „Pew Research“.
Онлајн вестите се трета форма по популарност, веднаш по локалните и националните ТВ станици, се наведува во истражувањето.
Поради глобалната економска криза печатените медиуми поминаа низ тежок период и беа приморани да се преориентираат на своите новинарски портали.
Истражувањето покажало дека колекторите на вести како сајтовите Google News и AOL се најчесто посетувани, покрај сајтовите на CNN и BBC..
Дури 61 отсто од анкетираните испитаници рекле дека вестите секојдневно ги читаа исклучиво на онлајн сајтовите што се во драстичен пораст во однос на претходните години.
Понатаму се покажало дека 71 отсто од испитаниците, вестите ги пратат на локалните телевизиски станици, а 78 отсто гледаат програми на националните телевизии NBC, CNN или Fox News.
Од останатите испитаници, 54 отсто изјавиле дека во автомобилите или во куќите слушаат радио и така се информираат за најновите вести.
Според тоа, повеќе од 90 отсто од испитаниците вестите ги дознаваат на повеќе начини, а 57 отсто ги пребаруваат сајтовите за да дојдат до одредена информација.
Весникот Post-Intelligencer е само еден од многуте кои се затворија минатата година, додека весниците Chicago Tribune” и San Francisco Chronicle отпуштија голем број вработени.
Во рамките на групата News Corp се наоѓаат новините Sun, Times, Wall Street Journal i New York Post, како и Fox и сите брендови на Sky.
Онлајн изданието на весникот New York Times од 2011 година ќе почне да се наплаќа. Мардок неодамна ги обвини компаниите Google дека профитираат од новинарството ставајќи линкови и реклами на новинарските текстови. /крај/блиц/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.
Свет
(Видео) Пратеник во ЕУ пушти гулаб во знак на мир
Словачки пратеник во Европскиот парламент денеска привлече внимание со пуштање жива птица од говорницата по својот говор. Како што рече, тоа го направил во знак на мир во светот.
На збунетост и изненадување на присутните претставници во Стразбур, Мирослав Радачовски, лидер на десничарската партија Словачки патриот, посегна во чантата што ја имаше под јакната и го пушти гулабот да одлета во собраниската сала.
Тој рече дека „сака мир за целиот свет, за Русите и Украинците“.
„Би сакал да го ослободам овој гулаб како симбол на мирот, да симболизирам дека на Европа ѝ треба мир. Да оставиме овој гулаб да нѐ обедини сите“, рече Радачовски.
Сепак, иако сакаше да ги обедини присутните, некои ги згрози.
Каролин Руз, француска пратеничка во Европскиот парламент од редовите на зелените, го критикува велејќи дека користел живо животно за да даде политичко мислење, што е спротивно на правилата на парламентот.
„Тој употреби животно, скриено во неговата торба како едноставен предмет, само за да даде изјава за мир денес. Што ќе направите за да го вратите ова животно, господине? Каде е благосостојбата на животните во гестот на овој говорник? Сметам дека ова е апсолутно неприфатливо“, рече Руз.
Додека птицата леташе во салата, друг колега го праша Радачовски: „Можеш ли да ја фатиш“.
Јан-Кристоф Отјен, заменик-претседател на парламентот, рече дека инцидентот ќе биде пријавен кај претседателот на домот, додавајќи: „Се надеваме дека животното ќе биде добро“.