Последната функционална болница во северна Газа, Камал Адван во Беит Лахија, „страда од задушувачка опсада“, соопшти денеска Министерството за здравство на Газа откако израелските сили упаднаа во болницата и го отстранија медицинскиот персонал, пациентите и членовите на семејствата, додека воените единици го опколија болница.

„Одделот за операции и хирургија, лабораторијата, одржувањето и одделот за итни случаи се целосно изгорени, а пожарот сега се шири и на други згради“, се вели во соопштението на министерството, а пренесува Ен-би-си Њуз.

🚨Breaking: Dr. Hussam Abu Safiya, Director of Kamal Adwan Hospital: “Now the occupation army is burning all the operating departments in the hospital while we are still here. The Army evacuated the entire medical staff and the displaced people and arrested a number of the… pic.twitter.com/C5r2mBq45T

— Drop Site (@DropSiteNews) December 27, 2024

Наводно се испратени возила на брза помош за да ги пренесат повредените во индонезиска болница, додека евакуацијата од Камал Адван продолжува. „Има пациенти кои се во опасност од смрт во секој момент поради тешките услови“, се додава во соопштението.

На прашањето на Ен-би-си Њуз, израелските одбранбени сили (ИДФ) рекоа дека ја нападнале болницата откако добиле информации за „присуство на терористичка инфраструктура и оперативци кои спроведуваат терористички активности“ во болницата.

Тие додадоа дека „војниците на ИДФ овозможија безбедна евакуација на цивилите, пациентите и медицинскиот персонал пред почетокот на операцијата“ и дека продолжуваат да „вложуваат големи напори за да им овозможат на пациентите да продолжат со лекување во други болници“.

Housam Abo Safia, the director of Kamal Adwan Hospital, has been arrested on allegations of refusing to leave the injured and patients without medical care. pic.twitter.com/EyOyuOy2kP

— Dalloul Ahmad (@DALLOULALNEDER) December 27, 2024

Д-р. Хусам Абу Сафија, директорот на болницата, објави на Инстаграм дека израелската армија ги „пали сите оперативни оддели во болницата“, додека медицинскиот персонал сè уште е присутен внатре. Тој додаде дека се уапсени и некои членови на персоналот.

Набргу потоа, Министерството за здравство излезе со соопштение во кое се вели дека судбината на персоналот и пациентите станала непозната откако „се прекинала комуникацијата со директорот на болницата“.

Нападот и евакуацијата уследија по израелскиот воздушен напад вчера, кој погоди зграда спроти болницата, при што загинаа околу 50 луѓе, меѓу кои пет медицински работници, соопшти Министерството за здравство.

Shorouq Al-Rantisi, a lab technician at Kamal Adwan Hospital, described being forced to evacuate and women subjected to humiliating inspections by Israeli soldiers.

The staff saw soldiers burning archives & destroying departments. Patients were left behind. pic.twitter.com/myThLXKGzC

— Ramy Abdu| رامي عبده (@RamAbdu) December 27, 2024

Д-р. Абу Сафија во посебна изјава рече дека меѓу загинатите се и др. Ахмед Самур, педијатар кој работел во болницата, и Есра, лабораториски техничар што излегла да им донесе храна на нејзиниот татко и брат. Техничарот за одржување Фарес исто така загина додека се обидуваше да спаси други, рече Абу Сафија.

„Ова е уште еден црн ден во серијата злосторства против болницата Камал Адван и нејзиниот персонал“, додаде тој.

Студенти на Економскиот факултет во Белград соопштија дека денеска за време на нивната акција на улицата Караѓорѓева возило ја пробило блокадата, удрило во студентот и го носело на хаубата.

По тој инцидент, соопштија, жената која го управувала автомобилот побегнала, а повредениот студент е пренесен во болница, пренесува Нова.рс.

View this post on Instagram

A post shared by ekof.blokada (@ekof.blokada)

„Студентот во моментов е во Ургентниот центар по интервенција на Брза помош. Нападот бил пријавен во полиција, која како сведоци повикала професор на Економскиот факултет и лице од студентската служба. Сведоците дадоа исказ во полициска станица“, велат студентите.

Вчера во израелски воздушен напад на главниот аеродром во Јемен е ранет работник на ОН и со сериозни повреди е пренесен на лекување во Јордан, соопшти денеска Светската здравствена организација (СЗО).

Израелските власти соопштија дека погодиле повеќе цели поврзани со Хутите, јеменско движење на страната на Иран, вклучувајќи го и меѓународниот аеродром во главниот град Сана, а медиумите на движењето наведуваат дека најмалку шест лица се убиени.

Today we managed to evacuate our @WFP_UNHAS colleague who was injured in yesterday’s attack on Sana’a airport in #Yemen. We are now in #Jordan, where he will receive further medical treatment.

Deepest gratitude to the UNHAS team for their service and swift evacuation from… pic.twitter.com/ut8tWIrZ74

— Tedros Adhanom Ghebreyesus (@DrTedros) December 27, 2024

„Нападите врз цивили и хуманитарци мора да престанат, насекаде“, напиша генералниот директор на СЗО, Тедрос Аданом Гебрејесус во објавата на Икс, покрај фотографија во авион од повредениот човек на носилка.

Тедрос беше на аеродромот и чекаше да замине кога се случи воздушното бомбардирање, при што беше повреден човек кој работеше за хуманитарната воздушна служба на ОН. Портпаролот на СЗО изјави дека мажот е тешко повреден.

Шефот на СЗО потврди дека тој и персоналот на ОН сега се во Јордан.

Мажот беше успешно опериран, а потоа евакуиран на понатамошно лекување, изјави Тедрос.

Тој беше во Јемен за да преговара за ослободување на притворениот персонал на ОН и да ја процени хуманитарната ситуација.