Свет
Француските пратеници бараат легализација на борделите
Пратениците во француското собрание бараат враќање на борделите во Франција, речиси 60 години по нивната забрана.
Пратениците во француското собрание бараат враќање на борделите во Франција, речиси 60 години по нивната забрана.
„На жените законски треба да им се дозволи да ги продаваат своите сексуални услуги и да плаќаат данок за својата заработката“, вели пратеничката Шантал Брунел од владеачката партија Сојуз за народно движење.
Ова барање за легализација на јавните куќи дојде по истражувањето на јавното мислење кое покажа дека шест од десет Французи сакаат јавните куќи да бидат легални.
„Легализација на јавните куќи ќе ослободи илјадници жени од експлоатација од страна на макроата и криминалците и со тоа ќе им се обезбедат безбедни услови за заработка“, додава Брунел која е предлагач на овој предлог – закон.
„Ваквиот потег ќе им овозможи слободно и легално располагање со приходите, наместо огромни суми од заработените пари да ги исплаќаат на макроата“, посочува француската пратеничка.
Пратеничката нагласи дека предлогот ќе биде сериозно разгледан и разработен и дека за него ќе се расправа и на собраниска комисија до крајот на месецов.
Во Франција до пред 60 години имаше 1.400 законски бордели. Тие беа затворени во 1946 година, кога во сила влезе закон што ја забранува проституцијата.
Јавните куќи се легални во Германија, Холандија и Швајцарија. Тие се толерирани и во Шпанија./крај/те/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

