Снимателката на СиЕнЕн Маргарет Мот, која важеше за еден од легендарните известувачи од воените зони ширум светот, почина од рак на дебелото црево на 59 годишна возраст, објави портпаролот на СиЕнЕн.

Снимателката на СиЕнЕн Маргарет Мот, која важеше за еден од легендарните известувачи од воените зони ширум светот, почина од рак на дебелото црево на 59 годишна возраст, објави портпаролот на СиЕнЕн.

Маргарет Мот од Нов Зеланд работеше за СиЕнЕн околу две децении, учествувајќи во изготвувањето  од многу жаришта ширум светот, а во 1992 година за време на војната во Босна и Херцеговина се здоби со прострелна рана во лицето од  кое за малку ќе го загубеше  животот.

По заздравувањето од прострелна рана која ја доби во нападот со снајпер врз комбето на СиЕнЕн во Сараево, таа се врати во Босна и Херцеговина и продолжи да известува за ситуацијата во овој регион.

Во документарниот филм „Бестрашна: Приказна за Маргарет Мот“кој го прикажува нејзиниот живот, Мот вели дека сака да замине од овој свет со достоинство, свесна за својата неизлечлива болест.

„Најважно е да го живееш својот живот до максимум“, вели Мот во својот документарец.

Нејзините колеги ја опишуваат како храбра, упорна и полна со хумор, секогаш облечена во црна облека, со црна коса и војнички чизми.

Мот работеше како известувач за СиЕнЕн за време на Израелската инвазија на појасот Газа во 2002 година, за време на демонстрациите по атентатот врз Индира Ганди во 1984, за време на судирите на демонстрантите со полицијата во Тбилиси, Грузија, како и за време на други конфликти ширум светот, вклучувајќи го и Блискиот Исток./крај/иа