Свет
Нацистички платен убиец осуден за убиства од 1944 година

Судот во Германија му изрече казна доживотен затвор на Хајнрих Боер, обвинет за убиство на тројца холандски цивили за време на Втората Светска Војна.
Судот во Германија му изрече казна доживотен затвор на Хајнрих Боер, обвинет за убиство на тројца холандски цивили за време на Втората Светска Војна.
Со оваа пресуда 88 годишниот Боер конечно ќе се соочи со казна за своите злосторства, откако повеќе од 60 години успешно ја одбегнуваше смртната казна на која беше осуден во 1949 година.
За време на судењето кое започна во октомври минатата година, Боер признал дека во 1994 година убил три лица додека бил дел од групата на платени убијци „Силбертан“, која се смета за одговорна за смртта на повеќе од 54 лица.
Судијата Герд Нол на крајот на судењето нагласи дека станува збор за кукавички убиства кои се под нивото на чесните војници.
„Јас бев обичен војник и морав да постапам како што ми беше наредено, во спротивно досега ќе бев мртов“ рекол на Боер за време на сослушувањето.
Сепак обвинителството успеа да докаже дека Боер доброволно бил дел од групата на фанатици Вафен СС на која и се приклучил непосредно откако Нацистите го окупирале неговиот роден град Мастрихт.
„Навистина сме задоволни од пресудата и успеавме да покажеме дека сеуште е можно нацистичките злосторници да бидат изведени пред лицето на правдата“, изјави Ефраим Зуроф, еден од главните прогонувачи на нацистите од еврејскиот центар „Симон Визентал“.
Боер на судењето изјавил дека им се приклучил на нацистичките сили инспириран од билборд за регрутација потпишан од Хајнрих Химлер.
Адвокатот на одбраната Гордон Кристјансен соопшти дека ќе поднесе жалба, а Боер ќе остане на слобода се додека не заврши процесот на апелација./крај/иа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Ќе имаме избори на 8 јуни доколку не се формира нова влада до 18 април

Српскиот претседател Александар Вучиќ вчера на владина седница изјави дека оставката на премиерот Милош Вучевиќ ќе биде констатирана на седница на Собранието во вторник или среда. Од тој момент почнува да тече рокот за формирање нова влада.
Како што рече Вучиќ на седницата, тоа значи дека 18 април е крајниот рок за формирање на влада во Србија.
„Ако сакате, а ако не, тогаш одиме на избори, каде што рокот е од 45 до 60 дена. Тоа значи дека, ако не се формира влада, изборите би биле на почетокот на јуни – 1 или 8 јуни. Пологично е 8 јуни“, рече Вучиќ.
Да потсетиме, српскиот премиер Милош Вучевиќ поднесе неотповиклива оставка на вонредна прес-конференција на крајот на јануари, што доведе до пад на целата влада. Падот на владата доаѓа во време на студентски и граѓански протести кои траат повеќе од три месеци, барајќи од властите да одговараат за несреќата во Нови Сад, кога 15 лица загинаа при уривање на настрешница на станицата.
Свет
Најмалку 39 лица загинаа во смртоносната бура што погоди големи делови од САД

Најмалку 39 лица загинаа во повеќе од седум американски држави како последица на разорните бури.
„Три лица загинаа во Алабама, каде што се проценува дека настанала штета во повеќе од половина од округот. За жал, дознавме дека изгубивме најмалку двајца наши сограѓани – еден живот во Плантерсвил и еден во Винтерборо. Им изразив сочувство на локалните власти во двете области“, рече гувернерот Кеј Ајви, потврдувајќи ги извештаите во округот во неделата.
Системот на бура донесе силни ветрови и предизвика шумски пожари во Оклахома, при што загинаа најмалку четири лица во четири различни окрузи, изјави Кели Кејн, портпарол на Одделот за вонредни состојби во државата.
Во округот Линколн, маж починал од изгореници што ги добил за време на пожар, соопштија локалните власти.
Екстремните временски услови погодија повеќе од 100 милиони луѓе во САД, со моќен систем на бури што генерира ветрови што предизвика смртоносни бури од прашина и предизвика повеќе од 100 пожари.
Од канадската граница до Тексас се предвидуваат удари на ветрови до 130 километри на час, што го зголемува ризикот од снежни виулици во постудените северни области и ризикот од пожари во потоплите, суви области на јужниот дел на САД.
Националната метеоролошка служба издаде предупредувања за снежна бура за делови од далечната западна Минесота и далечната источна Јужна Дакота, а беше наредена евакуација во некои заедници во Оклахома бидејќи беа пријавени повеќе од 130 пожари низ државата, при што речиси 300 домови се оштетени или уништени.
Свет
Шефицата за надворешна политика на ЕУ: На Украина и се потребни 20-40 милијарди евра помош

Министрите за надворешни работи на ЕУ треба да разговараат за нова иницијатива која би можела да обезбеди милијарди евра дополнителна воена помош за Украина на денешниот состанок. Високата претставничка на ЕУ за надворешна политика Каја Калас предложи на Украина да и се обезбеди помош вредна меѓу 20 и 40 милијарди евра, јави ДПА.
Земјите-членки на ЕУ би придонеле за оваа сума врз основа на нивната економска сила. Со цел да се спречи можното вето од страна на поединечни влади, учеството во иницијативата би било доброволно, се наведува во текстот до кој пристап имала германската новинска агенција dpa.
Унгарија во минатото одбиваше да ја поддржи воената помош на ЕУ за Украина, нарекувајќи ја бесмислена и велејќи дека ја продолжува војната. Министрите за надворешни работи не се очекува да постигнат договор за иницијативата, велат дипломатите, сугерирајќи дека ќе бидат потребни дополнителни разговори меѓу водачите на земјите. Тие треба да се сретнат за три дена на самит.
За некои земји, како Германија, поддршката предложена од Калас не би била проблем. Берлин веќе одобри помош од вкупно 4 милијарди евра за оваа година, а наскоро ќе бидат додадени уште 3 милијарди евра. Меѓутоа, другите големи земји како Франција, Италија и Шпанија би морале значително да ја зголемат поддршката за Украина доколку сакаат да дадат придонес пропорционален на нивната економска сила.