Свет
Скандалите го намалија рејтингот на Берлускони
Италијанскиот премиер Силвио Берлускони, ја губи популарноста.
Италијанскиот премиер Силвио Берлускони, ја губи популарноста.
Тоа го покажуваат и анкетите на јавното мислење во пресрет на регионалните избори, што се одржуваат утре и задутре во 13 од 20 региони на Италија.
Рејтингот на контроверзниот Берлускони, значително опаѓа поради скандалите, неколкуте истраги за корупција и бирократските пропусти на неговата коалиција во очи на гласањето.
Соочен со падот на рејтингот и можноста да доживее понижување на изборите, Берлускони напаѓа кого стигне, пишуваат медиумите.
Последен пат премиерот на Италија ја навредуваше политичарката на левицата Мерцедес Брешо, коментирајќи го нејзиниот физички изглед.
Берлускони не го загрижува само левицата, туку и коалициониот партнер Лигата за север, што може да добие преку 10 отсто од гласовите во државата и да предизвика борба за власт во самата коалиција.
На Берлускони му се “заканува“ и политичкото интернет движење “Виолетов народ“ што може да одигра клучна улога на регионалните избори во симнувањето на премиерот од власт.
Движењето има 257.000 фанови, а аналитичарите сметаат дека и покрај скромниот почеток, треба да се имаат во предвид бројката од 257 илјади гласачи.
Загриженоста за третата по ред економија во еврозоната, која што се уште не заздраве од рецесијата, ќе има последици врз изборните резултати, особено на шансите на 73-годишниот конзервативен лидер, чиј трет мандат завршува во 2013 година./крај/блиц/см
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.
Свет
Повеќе од 130 лица беа приведени во Њујорк по антиизраелските студентски демонстрации
Повеќе од 130 лица се приведени во текот на ноќта во Њујорк пред просториите на Универзитетот NYU, по пропалестинските студентски демонстрации, соопшти вечерва полицијата.
Њујоршката полиција за Франс прес прецизира дека сите приведени лица, од кои точно 133, потоа биле ослободени.
Полицијата додаде дека добила покана од администрацијата на Универзитетот во Њујорк да интервенира и да ги евакуира демонстрантите.
„Доколку одбијат да заминат, бараме од NYPD да преземе мерки, вклучително и апсење доколку е потребно“, се вели во писмото на Универзитетот до полицијата.
Студентите во САД во последниве денови организираа демонстрации и митинзи за ставање крај на војната во Појасот Газа.
Околу 100 пропалестински студенти веќе беа уапсени минатата недела на Универзитетот Колумбија, исто така во Њујорк. И во тој случај управата на универзитетот побарала интервенција на полицијата.
Неколку јавни личности, вклучително и претставници на американскиот Конгрес, оценија дека тие студентски собири поттикнуваат антисемитизам.
Свет
Хезболах го нападна северниот дел на Израел со беспилотни летала
ЛибанскиХезболах соопшти дека извршил напад со беспилотни летала врз израелските воени бази северно од градот Акра, во најдлабокиот напад на израелска територија од почетокот на војната во Газа.
Израелската војска соопшти дека нема сознанија за некој од нејзините објекти погодени од Хезболах, но претходно соопшти дека пресретнала две „воздушни цели“ во близина на северниот брег на Израел.
Двете страни редовно разменуваат ракетни и воздушни напади од почетокот на војната во Газа минатиот октомври, но се воздржуваат од отворена војна. Сепак, со оглед на честите напади, постојат стравувања дека несреќа или погрешна проценка на која било страна може да доведе до брза ескалација на конфликтот, како и до потенцијално вклучување на други регионални и светски сили, вклучително и САД.
Хезболах вели дека нападот е одмазда за претходниот израелски напад во кој загина еден од нивните борци. Групата објави сателитска снимка со локацијата на нападот на половина пат помеѓу Акра и Нахарија на север. На едно видео е видливо и како израелската воздушна одбрана ги пресретнува беспилотните летала.
Израелската војска соопшти дека нејзините воени авиони одговориле со гаѓање воени цели во областа Маркаб во јужен Либан.
Најмалку две лица загинаа, а уште шест се повредени откако израелски воздушен напад погоди станбена област во јужниот либански град Ханин, објави во вторникот официјалната либанска новинска агенција NNA.