Претседателот на скопска 2 незаконски му го вратил пасошот на Верушевски

Објавено пред

11 година

- 17 јули, 2009

Од

Макфакс++

Претседателот на Основниот суд 2 во Скопје, Бојан Ефтимов,

незаконски му го вратил пасошот на Александар Верушевски, против кого во тој

суд се води постапка, заклучил вчера Казнениот оддел на Врховниот суд

ВРХОВЕН

СУД

Претседателот на Основниот суд 2 во Скопје, Бојан Ефтимов,

незаконски му го вратил пасошот на Александар Верушевски, против кого во тој

суд се води постапка, заклучил вчера Казнениот оддел на Врховниот суд.

Мислењето ќе биде доставено до Републичкиот судски совет, кој треба да одлучи

за понатамошната постапка. Ефтимов вчера не сакаше да го коментира заклучокот

со образложение дека не се коментираат одлуки на Врховниот суд.

Александар Верушевски, син на вториот човек на Агенцијата

за разузнавање, Зоран Верушевски, по враќањето на пасошот заминал во Игало на

лекување на ногата, која му била повредена кога било пукано во неговиот

автомобил лани за време на новогодишните празници. Тој по извесно време се

врати во Македонија. Образложението зошто морал да замине токму во Игало беше

дека само таму имало услови за лекување на неговата рана.

Случајот со враќањето на патната исправа во Врховниот суд

го пријавила судијката за малолетници во вториот скопски суд, Василка

Божиновска, која го водела предметот на Верушевски.

– Во предметот што го разгледавме видовме дека судијката

го отфрлила барањето за враќање на патната исправа бидејќи сметала дека нема

услови за тоа. Иако немал никаква надлежност и спротивно на Законот за кривична

постапка, на Кривичниот законик, на Законот за патни исправи и судскиот

деловник, претседателот на судот му ја вратил патната исправа на Верушевски. Во

предметот нема ниту лекарски наод врз основа на кој се одлучува дали да се

врати пасошот. Заклучокот на Казнениот оддел на Врховниот суд ќе му биде

доставен на претседателот на судот, на судијката што го пријавила случајот, на

скопскиот Апелациски суд и во Републичкиот судски совет. РСС треба да одлучи

дали ќе поведе постапка за оценка на работата на претседателот на судот –

изјави вчера претседателот на Врховниот суд, Дане Илиев.

Неофицијално дознаваме дека Ефтимов ќе реагира на

заклучокот на Врховниот суд бидејќи е донесен само врз основа на предметот на

судијката, а не и врз предметот по кој тој постапувал. Во судот имало и друг

предмет заведен со посебен број во кој биле барањата за враќање на пасошот

заради потреба од лекување и лекарскиот наод и мислење дека на Верушевски му е

потребна медицинска помош. Предметот стоел кај секретарот на судот и никој не

го побарал.

Судијката Божиновска му е противкандидатка на Ефтимов за

претседателското место во скопска 2. Освен нив, кандидати се и судиите од овој

суд Бекир Шаини, Вања Јуруковски и Бранка Илиевска. Завчера тамошните судии се

најдоа во сутуација за кандидатите за нов претседател да гласаат во чекалницата

на судот. Според Ефтимов, Врховниот суд не дозволил да се користи неговата

свечена сала. Претседателот на Врховниот суд Илиев вели дека салата не била

побарана навреме. (Н.Н.С.)

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

За "случајот Војо Михајловски" ќе треба да одлучува трет судија

Претходно

Бизнисмени, адвокати и судии во спрега против новинарите

(Видео) Жена се заканувала дека ќе се разнесе на железничка станица во Лион

Објавено пред

17 минути

- 22 октомври, 2020

Од

Макфакс

Желелезничката станица Пар-Диу во Лион е евакуирана поради пријава за бомба, а во тек е полициска акција, соопшти полицијата, додавајќи дека едно лице е уапсено.

Локалниот весник „Прогрес“ од Лион објави на својата веб-страница дека жена која носела неколку торби се заканувала дека ќе се разнесе и извикала „Алаху Акбар“.

Тимот за деактивирање на експлозивни направи е на местото на настанот и врши проверка, пренесува Ројтерс.

Current scene at Lyon Part-Dieu railway station as a woman carrying multiple bags shouting 'Allahu akbar' and threatening to blow them up. pic.twitter.com/xOlTsSMIGO
— Dogz Bollox🏴󠁧󠁢󠁥󠁮󠁧󠁿Right Wing News (@Bollocks_Dogz) October 22, 2020

Полицијата и армијата формираа кордон околу станиците и го затворија пристапот.

Железничката компанија СНЦФ на Твитер потврди дека сообраќајот околу Лион е прекинат.

Новинарот Џулиен Дамбоа наведува дека патниците го оставиле багажот и побегнале од станицата, пренесува Дејли експрес.

Прикажи повеќе...

Во Србија 416 нови случаи на коронавирус, двајца починати

Објавено пред

2 часа

- 22 октомври, 2020

Од

Макфакс

Во Србија се регистрирани вкупно 37.536 потврдени случаи на Ковид-19. Од последниот извештај, тестирани се примероци од 6.715 лица, од кои 416 се позитивни.

Во последните 24 часа починаа 2 лица, а вкупниот број на починати е 783.

Во моментов има 24 пациенти на апарати за дишење.

Досега во Србија за коронавирус се тестирани вкупно 1.263.246 лица.

Прикажи повеќе...

Лекарите во Јужна Кореја бараат да се прекине со вакцинацијата против грип поради смртта на 13 лица

Објавено пред

2 часа

- 22 октомври, 2020

Од

Макфакс

Здружението на лекари во Јужна Кореја ја повика владата итно да ја прекине вакцинацијата на милиони граѓани со вакцина против грип, бидејќи починале 13 лица што ја примиле вакцината.

Иницијативата за вакцинација против грип се појави затоа што експертите веруваа дека може да спречи компликации доколку се заболи од коронавирус. Затоа властите одлучија да подготват бесплатни дози за 19 милиони граѓани. Сепак, овој план најверојатно ќе биде запрен откако 13 лица починаа откако беа вакцинирани, вклучително и 17-годишен тинејџер, пренесува РТ.

Процесот на вакцинација претходно беше запрен три недели откако беше утврдено дека околу пет милиони дози, кои според протоколот мора да се чуваат во фрижидер, се чувале на собна температура сè додека не се транспортирале до медицинските установи. Вакцинацијата започна повторно на 13 октомври, но никој од починатите не ја примил „спорната вакцина“.

Директорот на Здружението на лекари, Чои Дае Зип, изјави дека кампањата за задолжителна вакцинација треба да се прекине додека не се провери дали сите вакцини се исправни.

Корејските власти, пак, тврдат дека нема докази дека смртта на пациентите на кој било начин е поврзана со вакцината против грип.

Министерот за здравство, Парк Ноунг-хо, призна дека луѓето се загрижени заради вакцината, но рече дека програмата ќе продолжи.

Прелиминарната истрага покажа дека шест смртни случаи во никој случај не биле поврзани со примањето на вакцината. Откако продолжи програмата за вакцинација, околу 8,3 милиони Корејци примија вакцина против грип, а пријавени се околу 350 случаи на несакани ефекти.

Прикажи повеќе...