Свет
САД: Исламската заедница со закани за авторите на „Саут Парк“

Исламската заедница со седиште во Њујорк им се закани на креаторите на „Саут Парк“ поради неодамнешната 200-та епизода на сатиричната анимирана серија, бидејќи оцени дека е навредлива за пророкот Мухамед.
Исламската заедница со седиште во Њујорк им се закани на креаторите на „Саут Парк“ поради неодамнешната 200-та епизода на сатиричната анимирана серија, бидејќи оцени дека е навредлива за пророкот Мухамед. Заедницата им се закани на авторите Треј Паркер и Мет Стоун дека ги очекува судбината на Теа ван Гог, холандскиот режисер кој во 2004. беше убиен од исламски милитант, извести CNN во средата. Заедницата, која се нарекува „Муслиманска револуција“, се огласи на својата интернет страница по прикажувањето на јубилејната епизода, во која се прикажани главни личности на разни религии, вклучувајќи ги Мојсеј, Исус и Буда, додека пророкот Мухамед, чие прикажување е забрането, носи костум од кадифена мечка. „Ние мораме да ги предупредиме Мет и Треј дека тоа што го прават е глупаво, и дека најверојатно ќе завршат како Тео ван Гог. Ова не е закана, туку предупредување за реалноста и она што најверојатно ќе им се случи,“ порача Абу ал-Талхах Амрике, лидерот на заедницата. Тео ван Гог, правнук на братот на славниот сликар Винсент Ван Гог, беше убиен на втори ноември 2004 година на улица во Амстердам по прикажувањето на неговиот филм кој говори за злоставувањето на муслиманските жени во некои од исламските општества. Мароканецот Мохамед Бујери (26) го застрела со осум куршуми, потоа со нож скоро го обезглавил и му забил два ножа во градите, а на еден од нив оставил порака од пет страници. Бујери е осуден на доживотен затвор. Ритуалното убиство на Ван Гог ја потресе Холандија и трајно го промени односот спрема доселениците од арапските земји, кои отсекогаш не се асимилираат во општеството, не учат јазик, туку претежно живеат во свои затворени заедници. Кабловската ТВ мрежа „Комеди Централ“, која ги емитува епизодите на „Саут Парк“, одби да ги коментира заканите на исламската заедница од Њујорк./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.
Европа
(Фото+видео) Над 10.000 Романци протестираа за да покажат поддршка за Европа во услови на изборни тензии

Повеќе од 10 илјадни Романци излегоа во саботата на улиците на Букурешт за да ја покажат својата поддршка за Европската унија, во услови на политички спорови околу повторувањето на претседателските избори закажани за мај.
Романија треба да ги повтори претседателските избори во два круга на 4 и 18 мај, откако Уставниот суд го поништи првичното гласање во декември по обвинувањата за руско мешање во корист на Калин Џорџеску, кој водеше во анкетите.
Thousands of people are flooding Bucharest tonight with Romanian and EU flags, with the crowd surging in size every few minutes, to chant and tell the world that Russian attempts be damned, Romania is Europe, now & always! pic.twitter.com/fVn1Q7Qg32
— Daractenus (@Daractenus) March 15, 2025
На Џорџеску, кој заедно со Москва го негираше руското мешање, му е забрането да учествува во повторувањето.
Во саботата, проевропските Романци формираа море од сини знамиња на ЕУ и тробојни романски знамиња, некои извикуваа антируски слогани и носеа транспаренти на кои пишуваше „Единство и почит – Европа ни дава права“ или „Ослободете го вашиот ум – Не на руската мудрост“.
🇷🇴 In the Romanian capital Bucharest, tens of thousands of people took to the streets in a rally in support of the European Union and NATO pic.twitter.com/N3RKCxMTvO
— Visioner (@visionergeo) March 15, 2025
Европа
(Фото+видео) Повеќе од 50.000 луѓе излегоа на улиците на Будимпешта да протестираат против Орбан

Над 50 илјади луѓе се собраа денеска во Будимпешта да го изразат своето незадоволство против унгарскиот премиер Виктор Орбан, додека лидерот на се помоќната опозициска партија Тиса вети дека Унгарија ќе ја направи дел од силна Европа и ќе стави крај на 15-годишното владеење на Виктор Орбан.
– Оние кои ја предаваат сопствената нација треба да завршат во корпата на историјата. Нашето време дојде – рече Петер Маџар, поранешен владин функционер кој започна сопствено движење пред една година.
Thousands took to the streets of Hungary’s capital, Budapest, today in a massive opposition protest, demanding the resignation of pro-Russian PM Orbán.
Opposition leader Péter Magyar declared that those who betray their own nation “should end up in the dustbin of history.” pic.twitter.com/kogHOIEvHE
— KyivPost (@KyivPost) March 15, 2025
Some pictures from the massive anti-government protest today in Budapest, Hungary!
This is why Orban suddenly wants to change the law of public gatherings.
Because the people have taken back the streets.
The spirit of 1848 marches on! pic.twitter.com/HgWPQ8lTGi
— Europa Project 🇪🇺🇭🇺 (@Noirsoldat_) March 15, 2025
На митингот по повод националниот празник на Унгарија, Виктор Орбан изјави дека е време да се елиминира она што тој го нарече „армија во сенка“ – невладини организации, новинари, судии и политичари кои, според него, се платени од Соединетите Американски Држави и Брисел, мислејќи на неговите планови за сузбивање на невладините организации и медиумите кои добиваат средства од УСАИД.
– По денешната прослава доаѓа големото велигденско расчистување бидејќи инсектите ја преживеаја зимата. Ќе ја елиминираме целата армија во сенка“, нагласи Орбан. Одлуката на американскиот претседател Доналд Трамп да го прекине УСАИД го охрабри неговиот сојузник Орбан.
Минатиот месец тој најави дека Унгарија ќе усвои закон за заштита на националниот суверенитет и за разоткривање на странски фондови кои ги финансираат унгарските медиуми и, како што ги нарече, квази невладините организации.
Оваа недела, неговата партија Фидес поднесе предлог за уставни измени кои ќе овозможат исклучување на двојните државјани за кои се смета дека го загрозуваат унгарскиот суверенитет.