Свет
Во Германија заврши состанокот за климатските промени
) Околу 40 земји учествуваа на состанокот за спогодбата за ограничувањето на глобалното затоплување во Германија.
Околу 40 земји учествуваа на состанокот за спогодбата за ограничувањето на глобалното затоплување во Германија.
„Направен е чекор напред, но најважните прашања сеуште не се решени“, изјави германскиот министер за животна средина Норберт Ретген, по завршувањето на тридневниот Петерсбуршки дијалог.
Претставниците на повеќето земји се согласиа дека овој состанок го „скрши мразот“ и постигнат е напредок за неколку прашања, вклучувајќи ја и заштитата на шумите и префрлувањето на климатската технологија од богатите во сиромашни земји.
На состанокот кој го организираа Германија и Мексико останаа не решени прашањата за намалување на штетните гасови и финансиската помош за сиромашните земји.
Германската канцеларка Ангела Меркел кон крајот на минатата година на самитот на ОН го иницираше овој состанок на министрите кој се одржуваше од 2 до 4 мај под планината Петерсберг , во близина на Бон.
На самитот во Копенхаген на кој се очекуваше да биде потпишана меѓународната спогодба за климата, усвоена е само политичка декларација со посредство на американскиот претседател Барак Обама./крај/бета/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото) Очај во Либан, луѓето бегаат во огромни колони: „Ова е војна за истребување“
Патиштата во Либан се во хаос. На снимката се гледаат гужви и преполни автомобили. Луѓето се во бегство: од јужните делови на земјата бегаат кон главниот град Бејрут, а од исток бегаат кон планинските предели. Или едноставно – каде било. Либанските медиуми известуваат за илјадници луѓе кои бегаат од нападите на израелската армија.
Портпаролот на израелската армија Даниел Хагари најави подготовки за голем и насочен напад во долината Бека.
„Ги советуваме цивилите во либанските села, кои се во близина на згради или во згради што ги користи Хезболах за воени цели или каде што се складира оружје: за ваша сопствена безбедност, веднаш да ја напуштите опасната зона.
Воздушните напади се интензивни: според податоците на либанското Министерство за здравство, во последните израелски напади загинале и се повредени стотици луѓе – меѓу нив жени, деца и медицински работници, пишува Дојче веле.
По две серии експлозии на комуникациска опрема во Либан минатата недела, конфликтот меѓу Хезболах и Израел значително се интензивираше. Сега Израел ги гаѓаше југот и истокот на земјата – каде наводно се наоѓаат упориштата на Хезболах.
И многу команданти на Хезболах беа убиени во тие напади, објавија арапските медиуми. Хезболах, од своја страна, истрелува ракети кон Израел и сè уште верува во победа.
Сепак, поранешниот бригаден генерал на либанската армија Елиас Хана смета дека оваа милиција е ослабена. „Хезболах се обидува да ги надомести лидерите што ги загуби“, изјави тој за арапскиот канал Ал Џезира.
„Но, Израел не им остава простор да ја вратат иницијативата“, додаде Хана.
Крајот на конфликтот не се гледа. На улиците на главниот град на Либан, Бејрут, луѓето се сè попесимисти. Тие се плашат од нова војна.
Еден случаен минувач вели: „Во секој случај, постои страв бидејќи сега се возвраќаат нападите. Ако Хезболах направи голем удар, Израел ќе одговори и ќе уништи уште повеќе. Не можеме повеќе да го издржиме ова“.
Либанската влада ја обвинува израелската армија дека води „војна за истребување“. Здравствениот систем во земјата е на работ и презаситен од големиот број повредени. Сега училиштата се користат за сместување бегалци. Ова претставува огромен предизвик, особено затоа што многу бегалци од соседна Сирија веќе живеат во долината Бека во исклучително тешки услови. Веројатно и за нив доаѓа ново бегство.
Регион
Министрите на ЕУ го поддржаа проширувањето со Западен Балкан
Министрите за европски прашања на земјите членки на ЕУ, денеска, на седницата на Советот за општи работи на ЕУ, посветена на приоритетите на унгарското претседателство, го поддржаа процесот на проширување на ЕУ заснован на заслуги, вклучително и за Западен Балкан.
Унгарскиот министер за европски прашања, Јанош Бока, на седницата, на која ги презентира приоритетите на унгарското претседателство, меѓу кои и конзистентна политика на проширување заснована на заслуги, рече дека проширувањето е една од најуспешните политики на ЕУ.
„Треба да го одржиме овој успех за да се осигураме дека тоа е засновано на заслуги, балансирано и веродостојно. Набргу доаѓа пакетот за проширување. Ги разгледавме земјите од Западен Балкан и изгледите за членство во ЕУ во овој поглед. Без ова, европската заедница не може да биде комплетна“, рече тој.
Свет
Кремљ загрижен за ситуацијата на Блискиот Исток: „Ова е исклучително опасен настан со проширување на зоната на конфликтот и целосна дестабилизација на регионот“
Кремљ најави дека стравува од целосна дестабилизација.
Кремљ денеска објави дека стравува од целосна дестабилизација на Блискиот Исток поради воената ескалација меѓу Израел и Хезболах во Либан.
„Се разбира, ова е потенцијално исклучително опасен настан со проширување на зоната на конфликтот, целосна дестабилизација на регионот“, изјави портпаролот на рускиот претседател, Дмитриј Песков.
Тој додаде дека Кремљ изразува голема загриженост за оваа ситуација.
Израелската армија соопшти дека утрово над 50 проектили биле лансирани кон северен Израел од Либан, каде што во последните денови се интензивираа прекуграничните борби против проиранското исламистичко движење Хезболах.
Во понеделникот загинаа 492 лица, од кои 35 деца и 58 жени, а 1.645 се ранети, соопшти либанското Министерство за здравство.