Свет
Ексгувернерот Љубе Трпески на листата на жигосаните
САД објавија листа на скандалозни корупциски процеси кои се заглавени во судските лавиринти
САД објавија листа на скандалозни корупциски процеси кои се заглавени во судските лавиринти
Рекордер во одолжување е судскиот процес околу продажбата на “Нова Македонија”
Слободанка Јовановска
Американската амбасада ја објави вчера листата на најскандалозните судски случаи во Македонија за кои сў уште нема завршница, не давајќи Ј епитет на црна листа, туку на корупциска листа од висок профил. На неа се набројани десет такви случаи што ја разбрануваа јавноста, при што рекордер во одолжување и прв на неа е судскиот процес против обвинетите околу аферата со продажбата на “Нова Македонијааи, кој трае веќе 28 месеци. На листата, покрај Никола Тасев, Душко Аврамски и Бесник Фетаи, тројцата обвинети околу “Нова Македонијааи, се наоѓаат и Љубе Трпески, Војо Михајловски, Драган Даравелски, Амди Бајрам, Илко Георгиев, Мирче Ѓорѓовски, Ламбе Арнаудов, Борче Сибиновски, Методија Смиленски, Љубомир Поповски и едно непознато име за јавноста во Македонија, Ларс Клинк.
Во краткото објаснување околу листата, насловена како табела, се нагласува дека таа не прејудицира никаква вина на обвинетите што се спомнуваат, дека не е исцрпена (најавени се можни дополнувања и измени) и, што е најважно, дека не е критичка спрема јавните обвинители, адвокатите на одбраната или судиите, односно дека нема цел да ги жигоса нив, иако се појавуваат четири имиња на судии, а другите се изоставени со образложение дека нема достапни податоци за нив. Судиите што осамнаа на листата на американската амбасада се Шазивар Исени, Гордана Спирковска, Снежана Бајлозова и Стојан Михов од Штип.
Најспектакуларно од сите наведени е името на ексгувернерот Љубе Трпески, иако неговиот процес е на дното на листата – со само 10 месеци чекање за да заврши истрагата. Љубе Трпески, заедно со Методија Смиленски се обвинети поради злоупотребите и режираниот банкрот на Експорт-импорт банка, при што вториов не е достапен за македонските власти, бидејќи веќе 19 месеци се крие во странство, заштитен со австриско државјанство. Ексдиректорот на Фондот за здравство, Војо Михајловски, според листата, чека на разврска дури 26 месеци, а најавата е дека судењето, конечно, ќе почне во текот на овој месец. Неговиот предмет беше две години кај истражните судии во Основниот суд Скопје1 , а се развлече поради долгото комплетирање на доказите, бидејќИ, наводно, бил многу обемен и требало да се истражат сите медицински центри во Македонија.
Мирче Ѓорѓовски, како еден од обвинетите во ,,случајот Катастарри, беше ослободен по 27 месеци развлекување на процесот, но Апелациониот суд донесе одлука да го врати на повторно судење веќе во текот на овој месец. Амди Бајрам и Илко Георгиев се обвинети за проневери во штипска “Македонкааи и наскоро треба да заминат на отслужување четири и четири и пол години затворска казна. Тоа не му пречеше на Амди Бајрам да се кандидира за функција на локалните избори, со оглед на тоа дека поднесе жалба на пресудата до Апелациониот суд. Случајот против поранешниот директор на ЕСМ, Ламбе Арнаудовски, е меѓу оние што се пролонгираат премногу долго од необјасниви и апсурдни причини, а во моментов судскиот процес е одложен за непознат термин, иако поминаа дури 16 месеци од стартот. Меѓу рекордерите со 22 месеци развлекување е процесот против Борче Сибиновски, кој сў уште не е комплетиран, а се однесува на проневерите во работењето на тетовската фабрика “Медицинска пластикааи. Директорот Сибиновски, како главен осомничен, извесен период помина во притвор, а потоа е пуштен на слобода, додека предметот од април 2003 година не мрда од почетната точка.
Драган Даравелски е веројатно најскандалозниот гаф на македонското судство, бидејќи никој не може да каже кога ќе се најде и каде на обвинителна клупа, откако избега од земјата и набрзина се здоби со југословенско државјанство. Тој е обвинет за многубројни проневери преку Македонската царина и стана синоним за корупција во власта, но веќе 21 месец е на слобода. Љубомир Поповски, најверојатно, ќе ја добие судската пресуда за две недели, но поради правото на жалба и неговиот судски процес може да се одолжи повеќе од една година.
Рекордерите по бегање на правдата, Бесник Фетаи, Никола Тасев и Душко Аврамски се обвинети поради злоупотребите околу продажбата на “Нова Македонијааи, а последен пат тие биле сослушани во февруари годинава. Судењето се развлече поради разни технички причини, меѓу кои седум месеци се чекаше нов судија, па преведувач од албански јазик и слично.
На јавноста Ј е непознат само случајот со Ларс Клинк, сопственик на казиното “Аполонијааи во хотелот “Југоои во Гевгелија, кој е обвинет за обид да пренесе преку граница 150.000 евра и за затајување данок, но 16 месеци нема резултат од тоа, и сега е на слобода со платена кауција. Зошто токму тој се најде на листата со ексгувернер, пратеници, крупни банкари и луѓе од влијателни функции не е јасно, а единствено објаснување е веројатно дека станува збор за потплатување или нешто слично.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Кина е издадено црвено предупредување поради снежни бури
Метеоролошката опсерваторија на кинеската покраина Хејлонгѓанг денес издаде црвено предупредување, највисоко ниво во кинескиот систем за предупредување од четири нивоа, поради очекувани снежни бури. Во текот на изминатите девет часа, снежните врнежи достигнаа 18,3 милиметри во градовите Вудалианчи и Ненѓанг, објави Синхуа.
Во наредните часови се очекуваат дополнителни шест до осум милиметри снег, со вкупни врнежи што надминуваат 20 милиметри во период од 12 часа.
Новите снежни врнежи би можеле да достигнат помеѓу 15 и 25 сантиметри, а силните врнежи од снег до 17,1 метри во секунда ќе создадат наноси и значително ќе ја намалат видливоста, истакнуваат метеоролозите.
Властите предупредуваат дека снежните врнежи и мразот ќе го отежнат сообраќајот, со можни блокади на одредени делови, пренесува Танјуг.
Фото: депозитфотос
Свет
(Видео) Детали за убиството на Роб Рајнер и неговата сопруга: што се знае за часовите пред и по нивната смрт
Претпоставките за тоа што довело до смртта на познатиот режисер Роб Рајнер и неговата сопруга, харизматичната фотографка и продуцентка Мишел Сингер Рајнер, беа бројни во часовите откако полицијата ги откри нивните тела во семејниот дом во Брентвуд, Калифорнија. Шпекулациите достигнаа врв кога властите објавија дека синот на Рајнер, Ник, е осомничен за убиствата, а дополнително беа поттикнати од приказните за неговите минати борби со зависноста, објавува Си-ен-ен.
Во среда, три дена откако беа пронајдени телата, 32-годишниот Ник Рајнер се појави во судница во Лос Анџелес. Тој е обвинет дека ги избодел до смрт своите родители во раните утрински часови во недела. Неговото кратко појавување беше првпат јавно да зборува за инцидентот, изговарајќи само три збора.
На прашањето дали разбира дека се откажува од правото на брзо изјаснување за вината, тој одговори: „Да, чесен суде“. Доколку биде осуден, се соочува со доживотен затвор без условна слобода или смртна казна.
Police allege Nick Reiner murdered his parents, Hollywood icon Rob Reiner and his wife Michelle, and is in custody on $4 million bond. Law&Crime’s Chris Stewart @cstewartnews is On the Case. pic.twitter.com/3dcpoHI9Bw
— Law&Crime Network (@LawCrimeNetwork) December 17, 2025
Божиќната традиција се претвора во трагедија
Годишната божиќна забава на комичарот Конан О’Брајан е позната како место за собирање на холивудската елита, каде редовно доаѓале личности како Адам Сендлер, Бил Хејдер, Том Хенкс и Мартин Шорт. Роб Рајнер, чиј хумор и топлина долго време го зацврстуваат неговиот статус на легенда, совршено се вклопуваше во атмосферата во саботата навечер.
Newly obtained footage shows Nick Reiner purchasing a drink at a gas station moments before he was arrested.
He has been charged with the murders of his parents, renowned director Rob Reiner and his wife Michele Singer, according to court filings. https://t.co/twYsBQQiCO pic.twitter.com/Pfjfhdjrrc
— ABC News (@ABC) December 17, 2025
Но, според извор запознаен со ова прашање, празничните свечености беа прекинати поради расправија меѓу Роб Рајнер и неговиот син. Изворот не откри детали за расправијата, но потврди дека сопругата на Рајнер, Мишел, исто така била на забавата.
Друг извор изјави за CNN дека Ник Рајнер го привлекол вниманието на гостите таа вечер со својот неуреден изглед и повлеченост. Сведок се сети дека Ник стоел сам покрај огнот, пушејќи цигара и не зборувајќи со никого.
Додека повеќето гости беа облечени формално, тој носеше дуксер, капа и фармерки. Истражителите сега се фокусираат на клучните часови помеѓу заминувањето на Рајнерови од забавата и откривањето на нивните тела следниот ден.
🚨 UPDATE: Details Emerge in Rob Reiner Murder Investigation; Bill Hader "Horrified"
New details have surfaced regarding the events leading up to the tragic murders of legendary director Rob Reiner and his wife, Michele. Their son, Nick Reiner, 32, remains in custody after being… pic.twitter.com/YEJUJTj9Gl
— True Crime Updates (@TrueCrimeUpdat) December 17, 2025
Морничаво откритие во семејниот дом
Ќерката Роми Рајнер, која живее преку улицата од куќата на нејзините родители, отишла да ги провери околу 15 часот во недела, изјави извор близок до семејството. Тогаш ги открила нивните безживотни тела. 27-годишната девојка истрчала од куќата, пронашла пријател и го замолила да се јави на 911.
Полицијата пристигнала во домот во Брентвуд околу 15:40 часот и ги пронашла телата во спална соба. Канцеларијата на окружниот обвинител потврдила дека Рајнерови биле избодени до смрт, а причината за смртта е наведена како „траума од повеќекратна употреба на тап предмет“.
Детективите дознале од преживеаните членови на семејството дека Ник Рајнер престојувал во пансион на имотот, а биле свесни и за неговата историја на злоупотреба на супстанции и за расправија на божиќна забава.
🚨 EXCLUSIVE: New footage shows Nick Reiner walking around Santa Monica hours before his parents' bodies were discovered in their Brentwood home pic.twitter.com/xxK3ENRdNv
— CJC UNFILTERED TV (@chukwudi_j99063) December 19, 2025
Апсењето е снимено со безбедносни камери
Во недела навечер, околу 20:20 часот, безбедносните камери на бензинската пумпа ARCO, оддалечена речиси 25 километри од семејниот дом, го фатија Ник Рајнер.
Снимката го покажува како влегува во продавницата, зема пијалок од ладилникот и плаќа со готовина, повремено погледнувајќи преку рамо.
Снимките го фатија како оди ноќта, а помалку од еден час подоцна, тие снимија драматична сцена. Неколку необележани полициски автомобили со вклучени светла го опколија човекот што стоеше на раскрсницата. Ник Рајнер ги крена рацете во воздух. Полицијата го приведе во 21:15 часот.
„Зборовите не можат да ја опишат оваа болка“
Само две недели пред трагедијата, ќерката Роми објави серија среќни фотографии од семеен одмор, пишувајќи дека е „благодарна за семејството и здравјето“. Во среда, нивните деца, Џејк и Роми, објавија срцепарателна изјава.
„Зборовите не можат да ја опишат незамисливата болка што ја доживуваме во секој момент од секој ден“, се вели во соопштението.
„Тие не беа само наши родители; тие беа наши најдобри пријатели. Сега бараме почит и приватност, шпекулациите да бидат ублажени со сочувство и човечност и нашите родители да бидат запаметени по неверојатните животи што ги живееја и љубовта што ја дадоа“. Во меѓувреме, обожавателите оставија цвеќе пред ѕвездата на Роб Рајнер на Холивудската патека на славните.
Свет
„Ова е пораз за Мерц, Стармер и Фон дер Лајен“: реакција на Русија по одлуката на ЕУ за финансирање на Украина
Русија реагираше на компромисот постигнат синоќа од земјите-членки на ЕУ за финансирање на Украина. „Засега преовладаа правото и здравиот разум“, напиша главниот руски преговарач Кирил Дмитриев денес на Телеграм.
Тој ја опиша одлуката донесена во Брисел како „смртоносен удар“ врз политичарите што ги нарече „военоподбуцнувачи“, именувајќи ја претседателката на Европската комисија Урсула фон дер Лајен, германскиот канцелар Фридрих Мерц и британскиот премиер Кир Стармер.
„Неколку гласови на разумот во рамките на ЕУ досега спречија нелегално користење на руските резерви за финансирање на Украина“, напиша Дмитриев.
Русија постојано предупредуваше за „кражба“ на нејзините државни средства и се закануваше дека ќе одговори со користење на западните фондови, особено оние што им припаѓаат на приватни инвеститори и компании, за свои цели.
„Ова е пораз за Мерц, Стармер и фон дер Лајен“
Дмитриев објави на X дека фон дер Лајен, Мерц и Стармер се поразени. „Целиот свет само гледаше како не успеавте да ги заплашите другите за да го прекршат законот“, рече тој.
По месеци расправии, земјите-членки на ЕУ рано во петокот се согласија за компромис за финансирање на Украина за следните две години.
Според договорот, Украина ќе добие бескаматен заем од 90 милијарди евра. Доколку Русија не успее да плати воени репарации, замрзнатите руски средства во ЕУ ќе бидат искористени за отплата на заемот.
Мерц првично се обиде да ги искористи средствата на руската централна банка, претежно замрзнати во Белгија, за да обезбеди заеми до 210 милијарди евра. Сепак, планот на крајот пропадна поради противењето од земји, вклучувајќи ги Франција и Италија, откако Белгија, особено, покрена големи правни и политички загрижености, потсетуваат медиумите.
Фото: депозитфотос
„Лотарија функционирала како приватна фирма на Груби, СДС молчеле за криминалот од 1 милион евра поради опстанок на власт“, вели ВМРО-ДПМНЕ
„СДС за да опстане ден повеќе на власт ги толерирале злоупотребите кои се случувале во Лотарија под раководство на Бајрами,...
Спроведени 262 контрли на безбедноста на новогодишните пакетчиња, утврдени се минимални недоследности
Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за контрола на безбеднста...
Макрон: Дојде време да се обнови дијалогот со Путин
Францускиот претседател Емануел Макрон изјави дека дојде време тој и европските лидери повторно да влезат во дијалог со рускиот претседател...
(Видео) Објавена нова снимка од нападот во Сиднеј: полицаец спречил масакр од 45 метри
Австралиските медиуми го идентификуваа полицаецот кој го спречи смртоносниот антисемитски напад на плажата Бонди како детективот Сезар Бараза. Новообјавените видеа...
(Видео) Осомничениот за масовното пукање на Универзитетот Браун пронајден мртов: го убил и професорот на МИТ
Маж осомничен за масовното пукање на Универзитетот Браун од минатата недела е пронајден мртов по шестдневна потрага што се протегаше...
Трамп ја прогласи марихуаната за помалку опасна дрога
Американскиот претседател Доналд Трамп потпиша извршна наредба со која марихуаната на федерално ниво се класифицира како помалку опасна дрога, во...
ЕУ конечно постигна договор за Украина: три членки одбија да учествуваат
Лидерите на ЕУ ги откажаа плановите за невиден заем за репарации за Украина и наместо тоа ќе соберат 90 милијарди...
(Видео) Приватен авион се урна во Северна Каролина, повеќе загинати
Повеќе луѓе загинаа откако приватен авион Цесна С550 поврзан со возачот на НАСКАР, Грег Бифл, се урна во близина на...
(Видео) Хаос и туркање во албанскиот парламент: драматични сцени во Тирана
Во албанскиот парламент денес избувна хаос кога пратениците од опозицијата запалија факели и фрлаа вода за време на седницата, а...
(Видео) Украинските дронови уништија „неуништливи“ руски С-400
Украинските оператори на беспилотни летала уништија два руски ракетни системи С-400 Триумф заедно со нивната муниција во рускиот регион Белгород,...
„Драги нелегални имигранти, вратете се дома за празниците!“, порача американско министерство
Министерството за внатрешна безбедност на САД објави графика слична на божиќна честитка на X, повикувајќи на депортација на луѓе кои...
Во наредните десет дена изменет сообраќаен режим на автопатската делница во изградба од селото Требеништа до селото Мешеишта
СВР Охрид информира дека од денеска во наредните десет дена, на сила ќе бидат измените на сообраќајниот режим на автопатската...
(Видео) Зеленски: Искористете ги руските средства за одбрана, не плашете се од закани
Украинскиот претседател Володимир Зеленски, по денешната прес-конференција во Брисел, се огласи на социјалните мрежи за дополнително да го разјасни својот...
(Видео) Собрани над 2,5 милиони долари за херојот што го спречи напаѓачот од Сиднеј
Ахмед ал-Ахмед, 43-годишен продавач на овошје од сириско потекло, стана национален херој по неговата храбра интервенција за време на масакрот...
МОН: Младите во Македонија ја менуваат перцепцијата за тутунот, неговата употреба се намалува, но се зголемува на електронските цигари
„Во образовниот систем во Македонија одамна е поставен механизам за превенција од употреба на психоактивни супстанци, но тој мора да...
(Фото) Сиљановска-Давкова ја посети шивалната во КПД Идризово: Секој заслужува втора животна шанса – работењето е клучно за ресоцијализација на осуденичките
Претседателката Гордана Сиљановска-Давкова ја посети шивачката работилница, којашто функционира во рамките на женското одделение во КПУ-КПД Идризово, Скопје, каде оствари...
Недостасуваат 204 судии, Филков најави кадровско зајакнување во 2026 година
Во присуство на претставници на Делегацијата на Европската Унија, на амбасадите во земјава, судии, јавни обвинители, адвокати, Советот на ИКТ,...
(Видео) Петрушевски: Обвинителството треба да истражи каде завршиле речиси 1 милион евра од „Државната лотарија“
Криминалите во Лотарија под раководство на Бајрами и неговиот гуру Груби, а дозволено од страна на СДС се потврди и...
(Видео) Филипче во Брисел ќе бара поддршка за одбрана на демократијата во Македонија
Лидерот на СДСМ, Венко Филипче, најави дека во Брисел ќе бара поддршка за одбрана на демократијата во Македонија по изгласаната...
Скопје меѓу најзагадените градови во светот, не сакаме огномет за Нова година: „Зелен хуман град“ со апел до скопските градоначалници
Активисти на граѓанската иницијатива „Зелен хуман град“ со апел до сите скопски градоначалници да се откажат од огномет за Нова...
