Поради повторно ширење на облакот од вулканска пепел од исландскиот вулкан Ејафјалајокул, утринава беа затворени неколку аеродроми во Ирска.

Поради повторно ширење на облакот од вулканска пепел од исландскиот вулкан Ејафјалајокул, утринава беа затворени неколку аеродроми во Ирска. Облакот се наоѓа над Ирска и затоа аеродромите во дел од Република Ирска, Северна Ирска и на островот Ман не работат, пренесоа британските власти. Ирската служба за цивилно воздухопловство на Велика Британија соопшти дека аеродромите „Слајго“, „Донигол“ и „Нок“ во западна Ирска денеска не  работат,  но се очекува аеродромите „Даблин“ и „Шенон“ да бидат отворени во 14 часот по централно-европско време. Британското министерство за воздухопловство најави дека е можно пореметување на воздушниот сообраќај и дека аеродромите „Белфаст“ и „Белфаст Харбор“ исто така нема да работат од денеска на пладне. Забраната за прелети на британското небо може да трае до вторник./крај/онс/ит