Свет
Нафтената дамка влезе во Голфската струја, се движи кон Флорида
Стравувањата на научниците кои го следат ширењето на нафтената дамка во Мексиканскиот залив се остварија.
Стравувањата на научниците кои го следат ширењето на нафтената дамка во Мексиканскиот залив се остварија.
Нафтената дамка влезе во морската струја која кружи околу Мексиканскиот залив и очекуваат дека ќе стигне до Флорида во наредните шест дена.
Морската струја околу Мексиканскиот залив кружи во правец на стрелките од часовникот, а научниците тврдат дека нивните сомневања се потврдиле со сателитските снимки.
Сателитските снимки покажале дека е создадена долга лента од нафтената дамка кон отвореното море, односно кон кружната струја, а тоа го снимил сателитот АСАР.
Мал дел од нафтената дамка од бунарот Deepwater Horizon достигнал до морската струја која е дел од Голфската струја, а со тоа се создаде можност нафтата да достигне до Атланскиот океан.
„Направивме обработка на податоците од сликата, за да ја прецизираме варијацијата на површината на морето и брзината на движењето, кои даваат увид за просторната големина на нафтената дамка и како морската струја влијае на неа“, објаснува д-р Фабрик Колар од францускиот CLS.
Француските научници веруваат дека е прашање на време, односно период од шест дена, колку што и е потребно на нафтената дамка да стигне до Флорида.
Веруваат дека силната морска струја, ќе придонесе за засилено мешање на нафтата и морската вода во наредните денови и дека тоа ќе допринесе за дополнително загрозување на морскиот екосистем./крај/дхр/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски во Белата куќа ќе му го претстави својот план на Бајден
Украинскиот претседател, Володимир Зеленски, треба да му го открие својот „план за победа“ на американскиот претседател, Џо Бајден. Киев очекува силна поддршка од американскиот лидер пред Зеленски да ја напушти Белата куќа.
Како што пренесува „Би-Би-Си“, висок функционер во Киев изјавил дека сакаат „Бајден да испише историја“ во неговите последни месеци на функцијата.
Иако Киев сè уште ги чува деталите од планот во тајност, стратегијата најверојатно ќе вклучува молби за понатамошна воена и финансиска поддршка, како и безбедносни гаранции за иднината. Зеленски вели дека планот е дизајниран како „мост“ за ставање крај на војната, за која верува дека може да заврши побрзо отколку што мислат луѓето.
Доколку Западот ја зајакне позицијата на Украина, тврди Зеленски, рускиот претседател Владимир Путин би можел да биде принуден на дипломатско решение на конфликтот.
„Оваа војна не може да се реши со преговори. Потребна е акција“, рече Зеленски доцна синоќа пред Советот за безбедност на ОН.
Украинскиот претседател, исто така има за цел да се соочи со критичарите во САД кои ја доведуваат во прашање одлуката да се даваат дополнителни пари во Украина и да се промовира план за конечен мир.
Зеленски почна голема дипломатска офанзива во изминатите неколку дена во Обединетите нации. Така зборуваше завчера на дебатата за реформирање на ОН. Тој вчера се обрати пред Советот за безбедност, а денеска ќе одржи говор на Генералното собрание.
Во меѓувреме, тој се среќава со светски лидери и американски политичари. Ја посети фабриката за муниција во Скрентон, родниот град на Џо Бајден во Пенсилванија, која произведува гранати за украинската артилерија.
Тој е многу јасен за една работа – времето е кратко. Во едно од неговите бројни интервјуа, Зеленски рече дека планот за победа мора да се прифати, а Украина мора да зајакне и тоа во следните три месеци.
„Овој план е дизајниран првенствено имајќи ја предвид поддршката на Бајден“, изјави тој за Њујоркер. Таа поддршка во никој случај не е загарантирана, но Зеленски ги фрли сите карти на неа, посочува Би-Би-Си во анализата.
Причината е едноставна – ситуацијата значително ќе се промени доколку Доналд Трамп победи на изборите. Поранешниот претседател на предизборна средба пред неколку дена го исмејуваше Зеленски како „најголемиот бизнисмен во историјата“ затоа што „секогаш кога ќе дојде во оваа земја си заминува со 60 милијарди долари“.
Трамп го повтори својот став дека ќе ги покани Русија и Украина на договор за ставање крај на војната, за која Киев стравува дека ќе ги натера да прифатат територијални загуби, без да добијат никакви гаранции против натамошната руска агресија.
Свет
Американските разузнавачи го информирале Трамп за закани за атентат од Иран
Врвните функционери на американската разузнавачка заедница го информирале републиканскиот кандидат и поранешен американски претседател Доналд Трамп за закани за атентат од Иран, изјави портпаролот на кампањата на Трамп.
„Трамп претходно беше информиран од Канцеларијата на директорот на националното разузнавање за реални и конкретни закани за атентат од Иран во обид да ги дестабилизира САД и да предизвика хаос“, изјави портпаролот Стивен Чеунг, а пренесува „Еб-би-си њуз“.
Се додава дека претставниците на разузнавањето заклучиле дека овие постојани и координирани напади се зголемиле во текот на изминатите неколку месеци и дека службениците од сите агенции работат на тоа да обезбедат Трамп да биде заштитен и дека претседателските избори се слободни и спроведени без мешање.
Постојаната мисија на Иран во Обединетите нации во Њујорк не одговори веднаш на барањето за коментар на оваа информација.
Свет
Кремљ: Зеленски направи фатална грешка
Русија соопшти дека планот на украинскиот претседател Володимир Зеленски да ја принуди Москва на мир е фатална грешка за која Киев ќе ги трпи последиците.
Зеленски му порача на Советот за безбедност на Обединетите нации дека војната меѓу Русија и Украина не може да се запре само преку преговори, туку дека Москва мора да биде принудена да постигне мир.
Портпаролот на Кремљ, Дмитриј Песков, изјави за новинарите: „Таквиот став е фатална грешка, системска грешка. Тоа е длабока заблуда, која неизбежно ќе има последици за режимот во Киев“. Песков рече дека Русија сака мир, но дека прашањето не може да се реши со сила.
„Позицијата заснована на обид да се принуди Русија на мир е апсолутно фатална грешка бидејќи е невозможно да се принуди Русија да постигне мир“, додаде тој и нагласи дека Русија поддржува мир, но дека за тоа ѝ се потребни гаранции.
Рускиот претседател Владимир Путин во јуни изјави дека Русија ќе стави крај на војната во Украина само доколку Киев се откаже од своите аспирации за членство во НАТО и целосно ги предаде четирите провинции што ги поседува Москва, кои Киев бргу ги отфрли како услови еднакви на предавање.
Украина и нејзините западни сојузници тврдат дека победата на Путин во војната треба да биде спречена бидејќи, доколку не се запре, ќе им се закани на другите земји од соседството.